Anyandera 3:1 - AHYERƐLƐ KRONGRON

¹ Mma, nnɛma wɔ wora fi me foɛtulɛ ne, na mmom fa me mmeraa dwirɛ nemɔ sie wɔ ti anu;

Anyandera 3:1 Iomraidhean Croise

Edwein 119:11

Mafa wɔ dwirɛ ne masie me ti anu, amaa ɔnate so manyɔ bɔne mandia wɔ.

Edwein 119:153

Nea m’amaneɛ bɔ menwu ye ɔ, ná pepɛ de me, ofikyɛ memma me wora mvi wɔ mmeraa ne.

Edwein 119:16

Ngɔma me nye kɔgye w’ahyɛdeɛ nwo, na mengɔma me wora ngofi wɔ dwirɛ ne.

Edwein 119:176

Mali makyebu kyɛ boaen bɔ wamini ɔ; pena wɔ somvoɛ, ofikyɛ memma me wora mvi wɔ mmeraa dwirɛ ne.

Edwein 119:34

Ma me nimdeɛ, amaa ɔnate so mali wɔ mmeraa ne aso, na ngɔfa m’ahone amukoraa ngoli so.

Edwein 119:61

Ɔwɔ nu kyɛ bɔnefoɛ nyamaa abrabra me de, nakoso me wora mvi wɔ mmeraa ne.

Edwein 119:93

Me wora ngofi wɔ nhyehyɛleɛ le, ofikyɛ ɔnate so yeɛ amaa manya ngoa ɔ.

Edwein 91:16

Ngɔma ye ngoa tendenn ma ye ahone kɔtɔ ye kunu, na ngɔmaa okonwu me ngoalelɛ ne.

Ɛksadɔso 20:6

Nakoso bɛ bɔ bekuro me dwirɛ, ná bedi me mmeraa dwirɛ so ne de, mekuro bɛ dwirɛ maa okodwu aworɛ ndoatoasoɛ apee apee so.

Anyandera 1:8

Mma, tie wɔ baba dwirɛ, yeɛ nnɛpo wɔ maame foɛtulɛ,

Anyandera 16:31

Egyein te animnyam abotire, sɛ ɔba kyɛ enya ye wɔ tenenee bra nu a.

Anyandera 2:1

Mma, sɛ etie me dwirɛ, ná ɛma me mmeraa dwirɛ nemɔ ka wɔ ti anu,

Anyandera 23:26

Mma, fa w’adwene ma me, ná ma wɔ nye gye m’atee nwo.

Anyandera 31:5

bɛno a, anyɔ a bɛ wora kofi mmeraa ne, na bekobua ebiala bɔ ɔyɛ anwumvo ɔ ndɛengyea.

Anyandera 4:2

Ofikyɛ ngyerɛkyerɛ paa yeɛ mefa mema ɛmɔ ɔ, na nnɛma ɛmɔpo me foɛtulɛ ne.

Anyandera 4:21

Nnɛmaa befi wɔ nye so, fa sie w’ahone nu dɔ paa.

Anyandera 4:5

Sua nworɛ, sua nworɛ bɔ nu pi ɔ. Nnɛma wɔ wora fi, yeɛ nnɛyakyi me noa dwirɛ so lilɛ.

Anyandera 8:1

Aso nworɛ ɔndea nu mvrɛ? Aso ndeaseɛ ɔmma ye komvi so ndwudwo?

Anyandera 9:1

Nworɛ asi ye sua, wase ye bonima nzoo nemɔ.

Yesaya 51:17

Kanyane wɔ nwo, kanyane wɔ nwo! O Yerusalem, dwɔso! Wɔ bɔ ano AWURADE sa nu ɛyaafɛlɛ kulie ne noa, kulie bɔ ɔmaa bɛbo tendaenn ne, wɔ bɔ ano nu atu ye bo ne.

Yeremia 31:33

Nakoso apam bɔ me ne Yisrael awuro ama yɛkɔyɛ ɛhe: Sɔ mmerɛ ne asi ne, ngɔfa me mmeraa ngowura bɛ nu, na ngɔhyerɛ ye wɔ b’ahone nu; ngɔyɛ bɛ Nyameɛ, ná bɛ koso bayɛ me maen, AWURADE noa dwirɛ ɛne.

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Deuteronomi 4:23

Yiti ɛ́mɔnea yé ná ɛmɔ wora amvi apam bɔ AWURADE ɛmɔ Nyameɛ ɔne ɛmɔ yɛle ne, ná ɛmɔanyɔ amoen biala sɛso, kyɛbɔ AWURADE wɔ Nyameɛ abera wɔ ne.

Deuteronomi 4:9

“Nakoso ɛ́mɔnea yé, ɛ́mɔnea ɛmɔ nwo yé, ná ɛmɔ wora amvi nningyein bɔ ɛmɔ nye anwu ye ne, yeɛ nnɛmɔma ofi ɛmɔ ti anu le wɔ mmerɛ biala bɔ ɛmɔte ngoa nu ɔ. Ɛ́mɔfa béhyirehyire ɛmɔ mma ne ɛmɔ nnomaa;

Deuteronomi 5:16

“ ‘Di ɛse ne eni ni, kyɛbɔ AWURADE wɔ Nyameɛ ahyɛ wɔ ne, amaa ɔnate so anya ngoa tendenn, ná wayie wɔ yé wɔ aseɛ bɔ AWURADE wɔ Nyameɛ ɔ́fa ma wɔ ne aso.

Deuteronomi 5:33

Atee amukoraati bɔ AWURADE ɛmɔ Nyameɛ wahyɛ kyɛ ɛ́mɔfa so bɛ́bɔ bɛ bra ne, odi kyɛ ɛmɔfa so, amaa ɔnate so ɛmɔanya ngoa, ná wayie ɛmɔ yé, ná ɛmɔatena aseɛ bɔ ɛmɔ sa baahã ye ne aso bahyɛ.

Deuteronomi 8:1

“Mmeraa dwirɛ amukoraa bɔ méhyehyɛ méma ɛmɔ ɛnɛ kyẽa ye, ɛ́mɔli so yé, amaa ɔnate so ɛmɔanya ngoa ná ɛmɔasone pee, ná ɛmɔahɔ baafa aseɛ bɔ AWURADE tale ye nwo ndaen kyɛ ɔkɔfa kɔma ɛmɔ nana mɔ ne.