Anyandera 29:4 - AHYERƐLƐ KRONGRON

⁴ Sɛ ɛhene fa pɛpɛɛpɛyɛlɛ bu maen a, maen ne nya ngɔsoɛ, nakoso bɔ ode fea-ase-ma de, ɔbɔ maen ne.

Anyandera 29:4 Iomraidhean Croise

2 Samuel 8:15

Yiti Dawide lili Yisrael amukoraa so hene. Nahorɛlilɛ ne pɛpɛɛpɛyɛlɛ yeɛ ɔfa lili ye mmenia ne amukoraa so ɔ.

1 Ahemvo 2:12

Yiti Solomon lili ye baba Dawide bia; na ye ahennie ne bo timuni.

2 Aberɛso Dwirɛ 9:8

Animnyam hã AWURADE wɔ Nyameɛ bɔ wahuro wɔ dwirɛ, ná wafa wɔ wasie ye bia so kyɛ di hene ma AWURADE wɔ Nyameɛ ɔ! Ɔnate kyɛ wɔ Nyameɛ hurole Yisrael dwirɛ ná ɔmane bɛ bo timuni afebɔɔ ne ati, wamaa ali bɛ so hene, kyɛ ɛfa ndɛen turoloobualɛ ne bra bɔ ɔtengyɛ ɔ ebu maen ne.”

YOB NWOMAA NE 11:6

ahaa ɔkɔha nworɛ nwo mvealeɛ nu dwirɛ kohyire wɔ, ofikyɛ nworɛ gua ahoroɔ pee. Nwu ye kyɛ, wɔ mvomsoɛ nwo asohwenɛ bɔ anya ye ne, Nyameɛ abu ye nye wagua mvomsoɛ ne bie aso.

Edwein 89:14

Tenenee ne ndɛenbualɛ turoloo te w’ahennie bia nyinasoɛ; ɔdɔ bɔ onni ngasi ɔne nahorɛlilɛ beli wɔ nyunu.

Edwein 99:4

Ɛhene piri bɔ ekuro ndɛenbualɛ turoloo ɔ, ama pɛpɛɛpɛyɛlɛ bo atimu, ama ndɛenbualɛ turoloo ne tenenee wagyina wɔ Yakob nu.

Anyandera 14:34

Tenenee ma maen nya ngɔsoɛ, nakoso bɔne de, ogua maen biala nyunu ase.

Anyandera 16:10

Ɛhene noa dwirɛ te ngɔmhyɛlɛ, na ye ndɛenbualɛ nu, ye noa nyɛ mvomsoɛ.

Anyandera 16:12

Ɔte akyiwadeɛ ma ahemvo kyɛ bɛkɔyɔ bɔne ɔ, ofikyɛ ɔnate tenenee so yeɛ bia ne bo tira ndii ɔ.

Anyandera 20:8

Sɛ ɛhene tena ndɛenbualɛ bia so a, ɔfa ye nye kari nwu bɔ ɔte bɔne amukoraa.

Anyandera 29:14

Sɛ ɛhene fa pɛpɛɛpɛyɛlɛ di ehiafoɛ dwirɛ a, ye ahennie bo kotimu berɛ daa.

Anyandera 8:15

Ahemvo mɔ fa me so yeɛ bedi hene ɔ, na atitirefoɛ fa me so yeɛ bɛhyɛ mmeraa bɔ ɔtengyɛ ɔ;

Yesaya 49:8

AWURADE nwa nyoo: “Mmerɛ bɔ odi kyɛ menwu wɔ anwumvoin ne, ndiele wɔ, ngoalelɛ kyẽa ne, mmokale wɔ. Manea wɔ so mafa wɔ mayɛ apam mama maen ne, kyɛ, odi kyɛ ɛma maen ne osa si ye gya nu, kyɛ, odi kyɛ ɛmaa bɛfa agyapadeɛ bɔ ɔla berɛ mbaen ne bɛtena so;

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Daniel 11:20

“Na ebie kodwɔso kosi ye gya nu bɔ ɔkɔsoma ɛtoɔdidelɛniɛ bie maa ɔkɔfa ɛtoɔ kɔtaataa ahennie n’animnyam, nakoso mmerɛ kãa bie asi ne, bekohu ye bɔ ɔngɔyɛ ɛyaa so anaa koɛ nu ɔ.”

Mika 7:3

Bɛ sa nyɔ ne, ɔbɔ bɔneyɔlɛ nwo mmɔden, mbanyi ne ndɛenbualɛfoɛ bede fea-ase-ma, na tumifoɛ nemɔ bɛkã nikyee tɛɛ bɔ bɛ kra kuro ɔ nhyɛsoɛ so; sɔ yeɛ bɛbɔ nu bɛbɔ porɛ tɛɛ ɔ.

1 Samuel 13:13

Na Samuel sele ye kyɛ, “Ali ngwaseasɛm! Anni AWURADE wɔ Nyameɛ mmeraa bɔ ɔhyɛ mane wɔ ne aso. W’ahennie ne, ahaa AWURADE kɔma ye bo kotimu wɔ Yisrael daa,