Anyandera 29:26 - AHYERƐLƐ KRONGRON

²⁶ Mmenia pee bɛpena maenbulɛniɛ ye nyunu animnyam, nakoso AWURADE berɛ yeɛ sona nya pɛpɛɛpɛyɛlɛ ɔ.

Anyandera 29:26 Iomraidhean Croise

Gyenesise 43:14

Ɛdangama Nyameɛ ɔ́ma biaa ne ónwu ɛmɔ anwumvoin, na ɔ́ma ɛmɔ aliɛma ko ne, ɔne Benyamin besa bɛbra. Sɛ ɔba kyɛ odi kyɛ mma mɔ befi me sa a, ɔyɛ sɔ.”

2 Samuel 14:1

Seruya awa Yoabo nwuni kyɛ Absalom nwo adwenedwene atɔ Nana Dawide so.

Nehemia 1:11

Ao AWURADE, wɔ somvoɛ ne wɔ somvoɛ mɔ bɔ bɛ nye gye kyɛ bɛkɔfa anidie bɛkɔma wɔ dumaa ne, mesrɛ wɔ tie yɛ mbaeɛ. Ma nningyein ɔhɔ so yé ɔma wɔ somvoɛ, ná ma biaa ye onwu me anwumvoin.” Sɔ mmerɛ ne, né nde Ɛhene ne, ye nzaasulɛniɛ.

Ɛseta 4:16

“Kɔboaboa Yudafoɛ bɔ bɛwɔ Susa mukoraa noa, ná ɛ́mɔgyina me gya nu bɛyɛ akɔngyere. Nnɛma ɛmɔdidi, yeɛ nnɛma ɛmɔno hwee, eyia ne kɔngɔen sɔ alaa ɛlɛsa. Me koso, me ne m’abaawa nemɔ yɛkɔyɔ sɔ ala. Ye si ye, ngɔhɔ Nana nyunu, ɔwɔ nu kyɛ otia mmeraa de, na sɛ ɔba kyɛ nwu a, maa nwu.”

Edwein 20:9

Ao, AWURADE, pepɛ de ɛhene ne, na sɛ yɛsu yɛfrɛ wɔ a, tie yɛ.

Edwein 62:12

Na wɔ, ao AWURADE, ɔdɔ bɔ onni ngasi ne te wɔ deɛ, na etua sona biala kerɛ kyɛbɔ ye nnwumaa te ɔ.

Anyandera 16:14

Ɛhene ahonehulɛ te ewue bɔfoɛ, nakoso nworɛniɛ ma ahone ne tɔ nzue nu.

Anyandera 16:15

Sɛ ɛhene nyunu yɛ sereserelɛ a, ɔte ngoa, yeɛ sɛ ɔdo wɔ a, ɔte kyɛ munungum bɔ ɔtɔ bamborɔ ɔ.

Anyandera 16:33

Mmenia gua serewa de, nakoso nu ngyerɛmuɛ ne amukoraa ofi AWURADE.

Anyandera 16:7

Sɛ sona atee ɔsɔ AWURADE nye a, ɔma ye pɔfoɛ mɔ po bɛ ne ye tena asomdwee nu.

Anyandera 19:21

Kuro sona fa ye adwene yɛ nhyehyɛleɛ pee, nakoso bɔ AWURADE ahyehyɛ ne yeɛ okogyina ɔ.

Anyandera 19:6

Mmeni pee pena kyɛ bɛsɔ sona bɔ ye sa bo nyɛ se ɔ nye, na ebiala fa sona bɔ ɔyɛ adɔeɛ ɔ adamvoa.

Anyandera 21:1

Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Yesaya 49:4

Na nzele kyɛ, “Mafɛ mbaen, masɛkye m’anwoserɛ magua mbaen bɔ mvasoɛ amma so ɔ. Nakoso, nahorɛ nu, me ndɛenbualɛ wɔ AWURADE sa nu, yeɛ m’akatuaa wɔ Nyameɛ sa nu.”

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

1 Korintofoɛ 4:4

Ofikyɛ me tiboa mmua me foɛ, nakoso ɛhe ngyire kyɛ mendɔ sii. Na Awurade yeɛ obua me ndɛen ɔ.