Anyandera 29:25 - AHYERƐLƐ KRONGRON

²⁵ Esuro sona a, né asua wɔ nwo ngaen, nakoso ebiala bɔ ɔfa ye wora wura AWURADE nu ne de, ye nwo sonn.

Anyandera 29:25 Iomraidhean Croise

Gyenesise 20:11

Na Abraham buale kyɛ, “Né menwa nzɛ ɛwa ama nzuro Nyameɛ koraa, na me ye ne ati bekohu me.

Gyenesise 20:2

Na Abraham ha fale ɔye Sara nwo kyɛ, “Nniɛma brasua ɔ.” Yiti Gera hene Abimɛlɛke somane maa bɛɛfale Sara bɛbrɛle ye.

Gyenesise 26:7

Na sɛ né berɛ mmienzua bisa ye dwirɛ fa ɔye nwo a, ose bɛ kyɛ, “Nniɛma brasua ɔ”. Né osuro kyɛ ɔkɔha kyɛ, “Me ye ɔ,” ofikyɛ né ɔdwene kyɛ ɔnate Rebɛka anwonyemene somaa ne ati, annea a, berɛ ama kohũ ye.

1 Ahemvo 19:3

Né Elia suro, yiti ɔnwatili maa ɔnate so onyane ye ti didili nu. Oodwuli Yuda kuro Beɛ Hyeba, na ɔyakyili ye somvoɛ ne berɛ.

1 Aberɛso Dwirɛ 5:20

Nyameɛ bokale Rubenfoɛ, Gadefoɛ yeɛ Manase abusua kure ne bue maa belili Hagritefoɛ ne bɛ bɔ bɛboka bɛ so ne amukoraa so ngonim, ofikyɛ besu bɛfrɛle Nyameɛ wɔ koɛ ne anu. Nyameɛ tiele bɛ mbaeɛ, ofikyɛ bɛfale bɛ nwo bɛtole ye so.

Edwein 118:8

Ɔte paa kyɛ ɛkɔfa wɔ nwo kɔto AWURADE so tra kyɛ ɛkɔfa wɔ wora kowura sona nu ɔ.

Edwein 119:117

Sɔ me nu ma nya me ti nnidi nu, na daa biala ngoli w’ahyɛdeɛ ne aso.

Edwein 125:1

Bɛ bɔ bɛfa bɛ wora bewura AWURADE nu ne, bɛte kyɛ Sion bokaa bɔ ɔnwoso, ná mmom otimu berɛ daa ne.

Edwein 69:29

Na me de, nwɔ amaneɛ nu, yeɛ medi aworabɔlɛ; ao Nyameɛ, wɔ ngoalelɛ ne, maa ɔpagya me.

Edwein 91:1

Sona bɔ ɔtena Anwuro Anwuroniɛ n’afealeɛ nu, bɔ yeɛ ɔtena Tuminiɛ ne, ye fɔnwoo ne anu ne,

Edwein 91:14

Ɔnate kyɛ wafa ye nwo wabata me ne ati, ngɔpepɛ ngole ye. Ɔnate kyɛ ɔse me dumaa ne ati, ngɔpagya ye.

Anyandera 16:20

Sona bɔ ɔdwene edwirɛ nwo yé ne, oyie ye yé, yeɛ bɔ ɔfa ye wora wura AWURADE nu ne, onya saleɛ.

Anyandera 18:10

AWURADE dumaa ne te abandenden pindinn, nu yeɛ teneneeniɛ nwati kɔbɔ ye nwo waen maa onya ye ti didi nu ɔ.

Anyandera 28:25

Sona bɔ ye nye boro nikyee ne, ɔtwetwe ngondii ba, nakoso bɔ ɔfa ye wora wura AWURADE nu ne de, okoyie ye yé.

Anyandera 30:5

Nyameɛ noa dwirɛ biala te sannwuu, ɔte akokyɛm ma bɛ bɔ bɛfa bɛ wora bewura ye nu ɔ.

Nworɛ Dwirɛhanɛniɛ 7:18

Ɔte paa kyɛ ɛkɔsɔ foɛtulɛ bɔ oli moa ne anu, bɔ ɛngɔyakyi bɔ ɔtɔ so nyɔ ne koso anu ɔ. Ofikyɛ sona bɔ osuro Nyameɛ ne, ɔkɔhwe ye nwo kofi ye mukoraa nwo.

Yesaya 57:11

Nwa yeɛ ye nwo yɛ suro bɔ esuro ye ɔ, bɔ yiti anga nahorɛ ɔ, bɔ yiti angaye me ɔ, bɔ yiti andwene me nwo ɔ? Aso nna konn yeɛ mayɛ fi tetetete ɔ, bɔ ɔnate sɔ ati enzuro me ɔ?

Daniel 3:28

Yeɛ Nebukadenesa sele kyɛ, “Sadrake, Mesake ne Abedinego Nyameɛ bɔ wasoma ye abɔfo maa waapepɛ wale ye somvoɛ mɔ bɔ bɛfale bɛ wora bewurale ye nu ne, animnyam hã ye. Bɛ yeɛ behwi bɛfale me, Nana, me mmeraa so ɔ, na bɛfale bɛ ngoa bɛtole serewa, bɔ banzo anaa banzɔne nyameɛ biala ɔ, sana bɛ bɔbɔ bɛ Nyameɛ.

Daniel 6:23

Yeɛ ɔyɛle ɛhene ne fɛ paa, na ɔhyɛle kyɛ bɛye Daniel befi tuin ne anu. Yiti bɛyele Daniel befili tuin ne anu, na bannwu kyɛ ye nwo nekaa biala wapuropuro ɔ, ofikyɛ ɔfale ye wora wurale ye Nyameɛ nu.

Mateo 10:28

Nnɛma ɛmɔsuro bɛ bɔ beku anwoɔnaen ne, ná koso bɛngora bengu ɛkra ne; na mmom ɛ́mɔsuro bɔ ɔkora sɛkye anwoɔnaen ne ɛkra ne amunyɔ wɔ abɔnzam see nu ne.

Mateo 15:12

Yeɛ ye asuafoɛ nemɔ wale beesele ye kyɛ, “Farasiifoɛ nemɔ bɛtele sɔ dwirɛ ne nen, aso ɛse kyɛ wanyɛ bɛ fɛ ɔ?”

Luka 12:4

“Me damvo mɔ, mekã mekyire ɛmɔ kyɛ, nnɛma ɛmɔsuro bɛ bɔ beku anwoɔnaen ne, ná ye si ye bɛngora hwee yɔ ko ɔ.

Yohane 3:2

Sɔ biaa ne wale Yesu berɛ kɔngɔen oosele ye kyɛ, “Rabi, yɛse kyɛ ɛte kyerɛkyerɛniɛ bɔ efi Nyameɛ berɛ ɔ; ofikyɛ ebiala ngɔhora ngɔyɔ nzɛngyerɛnneɛ hemɔ bɔ ɛyɔ ye, sana Nyameɛ boka ye so.”

Yohane 9:22

Ye awofoɛ hane sɔ, ofikyɛ né besuro Yudafoɛ nemɔ; ɔnate kyɛ né Yudafoɛ nemɔ bayɛ adwene kyɛ, sɛ ebie kã ye pefee kyɛ ye ole Kristo ne a, bekotu ye bekofi nyianu sua nu berɛ.

Deuteronomi 1:17

Nnɛma ɛmɔbua ndɛengyea, na mmom ɛ́mɔyɛ asoɛ bétie kwahweabaa mɔ dwirɛ kyɛbɔ ɛmɔtie atitirefoɛ ne ala. Nnɛma ɛmɔsuro sona nyunu, ofikyɛ ndɛenbualɛ ne te Nyameɛ deɛ. Na edwirɛ biala bɔ ɔbo ɛmɔ so ne, ɛ́mɔfa bɛbra me gya so, na ngoli.’

1 Petro 1:21

Na ɔnate ye so yeɛ ɛmɔde Nyameɛ bɔ otingyele ye fili awufoɛ nu ná ɔhyɛle ye animnyam ne bedi ɔ, amaa ɔnate so ɛmɔanya gyidie ne anyelasoɛ wɔ Nyameɛ nu.

Maenbulɛfoɛ 16:11

Samson buale ye kyɛ, “Sɛ bɛfa findima monɛ bɔ bɛffa bɛyyɔle hwee le bɛkyekye me a, ye de ngɔyɛ mmerɛ, ná mayɛ kyɛ kuro sona biala.”

1 Samuel 15:24

Yeɛ Sɔɔlo sele Samuel kyɛ, “Mayɔ bɔne kyɛ mabu AWURADE mmeraa ne wɔ noa dwirɛ so ɔ, ofikyɛ nzurole koɛhonɛfoɛ nemɔ, na ndiele bɛ dwirɛ.

1 Samuel 21:13

Yiti ɔmane ye yɔbea sesane wɔ bɛ nyunu berɛ, na ɔhyɛle da yɛle ye nwo kyɛ bɔnamvoɛ wɔ bɛ nyunu berɛ. Anoa bɔ ɔwɔ pambim ne anu ne, odwiridwirili ye nwo, na ɔmane ye noa nzue songyili ooguale ye kanza nu.

1 Samuel 27:1

Dawide hane ye wɔ ye ti anu kyɛ, “Annea a, ɛlɛho Sɔɔlo konya me kohũ me. Bɔ ɔsɛ kyɛ meyɔ ala ole kyɛ ngɔnwati ngɔhɔ Filistifoɛ aseɛ so. Ɔba ye sɔ a, Sɔɔlo kɔpa aba, bɔ ɔngɔpena me ko wɔ Yisrael aseɛ so ɔ, na ngɔnwati ngofi ye sa nu.”

1 Samuel 27:11

Dawide anyakyi bienzua anaa brasua ko po ma wannya ye ti wannidi nu, kyɛ ɔ́fa ye ba Gate, ofikyɛ osusuli kyɛ, “Annea a, né baahã yɛ nwo dwirɛ kyɛ, ‘Bra bɔ Dawide abɔ hɔ ɛhe.’ ” Mmerɛ bɔ Dawide lili ye wɔ Filistifoɛ aseɛ so ne amukoraa, sɔ nikyee ne yeɛ ɔyɔle ɔ.