Anyandera 29:23 - AHYERƐLƐ KRONGRON

²³ Sona ye anwomasoɛ brɛ ye ase, nakoso bɔ ɔte sunzum nu awiɛmvoɛ ne de, okonya animnyam.

Anyandera 29:23 Iomraidhean Croise

YOB NWOMAA NE 22:29

Sɛ ɔbrɛ ebiemɔ ase a, ɛnwa anwomasoɛ ti ɔ, ofikyɛ ɔpepɛ de anwobrɛaseɛniɛ.

YOB NWOMAA NE 40:12

Nea anwomasoɛfoɛ amukoraa, ná brɛ bɛ ase, ná tiatia bɔnefoɛ so wɔ nekaa bɔ bɛwɔ ɔ.

Anyandera 11:2

Anwomasoɛ ne animguaseɛ yeɛ bɛnate ɔ, nakoso anwobrɛaseɛfoɛ de, benwu nworɛ.

Anyandera 15:33

AWURADE surolɛ te nworɛ bɔ ɔtengyɛtengyɛ sona ɔ, na anwobrɛaseɛ ne animnyam yeɛ bɛnate ɔ.

Anyandera 16:18

Anwomasoɛ ne ɛsɛkyelɛ yeɛ bɛnate ɔ, yeɛ ahandaen ne asetɔlɛ yeɛ bɛnate ɔ.

Anyandera 16:19

Ɔte paa kyɛ ɛkɔbrɛ wɔ nwo ase ɛkɔboka bɛ bɔ bɛyɛ anwumvo ɔ so, tra kyɛ ɛne anwomasoɛfoɛ bɛkɔhyɛ koɛ nu nzesadeɛ ɔ.

Anyandera 17:19

Sona bɔ okuro ngondii ne, okuro mmeraatolɛ, yeɛ sona bɔ ɔfa anwomasoɛ anoa otua ye awuro noa ne, ɔtwetwe amaneɛ brɛ ye nwo.

Anyandera 18:12

Anwomasoɛ mma onyie sona yé, na anwobrɛaseɛ ne animnyam yeɛ bɛnate ɔ.

Anyandera 22:4

Anwobrɛaseɛ ne AWURADE surolɛ nwo akatuaa yeɛ ɔfa anwonya, animnyam ne ngoa ba ɔ.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Obadia 1:3

W’ahone nu anwomasoɛ ne alakalaka wɔ, wɔ bɔ ɛte nyɔbotaen ndokuro nu, bɔ w’atenaleɛ wɔ nekaa bɔ ɔwɔ anwuro ɔ, wɔ bɔ ɛkã ye wɔ wɔ ti anu kyɛ, “Nwa yeɛ ɔkɔhora kɔhwe me kɔto ase ɔ?”

Mateo 18:4

Na ebiala bɔ ɔkɔbrɛ ye nwo ase kyɛ akwadaa he nen, ye yeɛ ɔte titire paa wɔ nyameɛso ahennie ne anu ɔ.

Mateo 23:12

Na ebiala bɔ ɔmoma ye nwo so ne, bɛkɔbrɛ ye ase; yeɛ ebiala bɔ ɔbrɛ ye nwo ase ne, bɛkɔma ye so.

Mateo 5:3

“Sunzum nu ehiafoɛ banya saleɛ, ofikyɛ bɛ yeɛ nyameɛso ahennie ne te bɛ deɛ ɔ.

Luka 14:11

Ofikyɛ ebiala bɔ ɔma ye nwo so ne, bɛkɔbrɛ ye ase; na bɔ ɔbrɛ ye nwo ase ne, bɛkɔma ye so.”

Luka 18:14

Na Mekã mekyire ɛmɔ kyɛ, sɔ sona he mmom yeɛ Nyameɛ buale be maa ɔhɔle ye awuro ɔ, na nna ko ne ɔ; ofikyɛ ebiala bɔ ɔma ye nwo so ne, bɛkɔbrɛ ye ase, nakoso bɔ ɔbrɛ ye nwo ase ne de, bɛkɔma ye so.”

Asomafoɛ 12:23

Na aworafire nu, Awurade abɔfo ɔɔbɔle ye tole ase, ofikyɛ wamva animnyam wamma Nyameɛ; ɔlɔle nnɔboakoma na owuli.

Deuteronomi 8:16

na ɔmane wɔ mana bɔ wɔ nana mɔ bɛnze nikye horɛ maa elili wɔ ɛserɛ so, kyɛ ɔ́fa brɛ wɔ ase ná oso wɔ nea, maa oyie wɔ yé.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.