Anyandera 29:14 - AHYERƐLƐ KRONGRON

¹⁴ Sɛ ɛhene fa pɛpɛɛpɛyɛlɛ di ehiafoɛ dwirɛ a, ye ahennie bo kotimu berɛ daa.

Anyandera 29:14 Iomraidhean Croise

Edwein 89:2

Ofikyɛ mahã kyɛ, Ɔdɔ bɔ onni ngasi ne, ye bo atindim afebɔɔ; wɔ nahorɛlilɛ ne, ama ye bo atimu wɔ nyameɛso.

Anyandera 16:12

Ɔte akyiwadeɛ ma ahemvo kyɛ bɛkɔyɔ bɔne ɔ, ofikyɛ ɔnate tenenee so yeɛ bia ne bo tira ndii ɔ.

Anyandera 20:28

Pɛpɛɛpɛyɛlɛ ne nahorɛlilɛ ɔbɔ ɛhene nwo waen, na pɛpɛɛpɛyɛlɛ yeɛ ɔma ye ahennie gyina ɔ.

Anyandera 25:5

Foa bɔnefoɛ ne fi ɛhene ne nyunu, na ye ahennie bia kotimu wɔ tenenee nu.

Anyandera 28:16

Maen panyi bɔ ɔnze nworɛ ne, ɔhyɛ ye mmenia so paa, nakoso bɔ okyi anwonya fiɛ ne de, okonyi kɔhyɛ.

Anyandera 29:4

Sɛ ɛhene fa pɛpɛɛpɛyɛlɛ bu maen a, maen ne nya ngɔsoɛ, nakoso bɔ ode fea-ase-ma de, ɔbɔ maen ne.

Yesaya 1:17

Ɛ́mɔsua bɔ ɔte paa ɔ bɛyɔ, ɛ́mɔpena pɛpɛɛpɛyɛlɛ si atee, ɛ́mɔpepɛ bele bɛ bɔ bɛyɛ anwumvo ɔ, ɛ́mɔhã bie bɛma nyisiaafoɛ, ná ɛmɔgyina akunafoɛ mmrasua si.

Yesaya 11:4

na mmom tenenee yeɛ ɔkɔfa kobua anwumvoinfoɛ ndɛen ɔ, na pɛpɛɛpɛyɛlɛ yeɛ ɔkɔfa koli anwobrɛaseɛfoɛ bɛ dwirɛ kɔma bɛ ɔ. Ye noa nu dwirɛ yeɛ ɔkɔfa kɔyɛ mbire kofi aseɛ ɔ, na ɔkɔfa ye noa nu nwomeɛ kohũhũ bɔnefoɛ.

Yeremia 22:16

Olili ehiafoɛ ne bɛ bɔ bɛyɛ anwumvo ɔ bɛ dwirɛ mane bɛ, na oyiele ye yé. Aso ɛhe ngyire kyɛ né ɔse me? AWURADE noa dwirɛ ɛne.

Yeremia 5:28

Bayɛ branoa totwetotwee. Amba, bedi nzɛmmɔne bɛtra so; bemmua nyisiaafoɛ ndɛen bɔ ɔtengyɛ ɔ, nakoso sɔ mmenia nemɔ benya bɛ nwo, yeɛ bɛnga bie bɛmma bɛ bɔ bɛyɛ anwumvo ɔ.

Daniel 4:27

Yiti Nana, me foɛ bɔ mebaatu wɔ ye, de to nu: Bɔ bra bɔ ɔtengyɛ ɔ ná yakyi bɔne yɔlɛ; nwu bɛ bɔ bɛyɛ anwumvo ɔ anwumvoin, ná yakyi amumuyɛɛ yɔlɛ, amaa ɔnate so ebiaa né wɔ so anu atɔ wɔ ahyɛ.”