Anyandera 29:10 - AHYERƐLƐ KRONGRON

¹⁰ Kodiawufoɛ bɛpɔ sona bɔ ye bra te sannwuu ɔ, nakoso teneneefoɛ de, bɛpena ye kra ngoa.

Anyandera 29:10 Iomraidhean Croise

1 Ahemvo 21:20

Ahabo bisale Elia kyɛ, “Eh me pɔfoɛ, bɔ mayɔ ye, ama me bo ala so?” Na Elia buale kyɛ, “Yoo, mama wɔ bo ala so. Atu wɔ nwo asie berɛ kyɛ ɛkɔyɔ bɔ ɔte bɔne wɔ AWURADE nyunu ɔ. Ye sɔ ti,

1 Ahemvo 22:8

Yeɛ Yisrael hene buale Yehosafate kyɛ, “Waha ko bɔ yɛkɔhora yɛkobisa ye AWURADE noa dwirɛ ɔ. Ye ole Yimila awa Mikaya. Nakoso mekyi ye kɔkɔkɔkɔ, ofikyɛ ɔnhyɛ ngɔm paa biala mva me nwo, sana musue nwo ngɔm ala yeɛ ɔhyɛ fa me nwo ɔ.” Na Yehosafate sele kyɛ, “Nana, nnɛkã ye sɔ.”

2 Aberɛso Dwirɛ 18:7

Yeɛ Yisrael hene buale Yehosafate kyɛ, “Waha ko bɔ yɛkɔhora yɛkobisa ye AWURADE noa dwirɛ ɔ. Ye ole Yimila awa Mikaya. Nakoso mekyi ye kɔkɔkɔkɔ, ofikyɛ ɔnhyɛ ngɔm paa biala mva me nwo; sana musue nwo ngɔm ala.” Na Yehosafate sele kyɛ, “Nana, nnɛkã ye sɔ.”

Edwein 59:2

Pepɛ de me fi amumuyɛɛfoɛ mɔ sa nu, ná de me ngoa fi kodiawufoɛ bɛ sa nu.

Anyandera 13:19

Sɛ wɔ sa kã bɔ ɛpena a, ɔyɛ wɔ kra fɛ, na ɔte ngwaseafoɛ akyiwadeɛ kyɛ bɛkɔhwe bɛ nwo bekofi bɔne nwo ɔ.

Anyandera 29:27

Amumuyɛɛniɛ te teneneeniɛ akyiwadeɛ, yeɛ sona bɔ ye bra te sannwuu ne, ɔte bɔnefoɛ akyiwadeɛ.

Anyandera 29:9

Sɛ nworɛniɛ ne kwaseaa bɛbɔ nguro a, kwaseaa ne teatea nu, anaa ɔsere bɔ ɔmbɛ so ɔ.

Yeremia 18:20

Aso bɔne yeɛ bɛfa betua paa so kerɛ ɔ? Nakoso bɛ de, batu kumaa kyɛ me kra ɔte tɔ nu. Kaye kyɛ ngyinane wɔ nyunu kyɛ mekã paa mema bɛ, bɔ ɔkɔma w’ahone kɔtɔ nzue nu wɔ bɛ nwo ɔ.

Yeremia 38:13

Yeɛ bɛfale nyamaa ne bɛtwetwene Yeremia bɛyele ye befili abura ne anu. Na Yeremia hale kuku nu aluo berɛ.

Yeremia 38:7

Na Yitiopianiɛ sayɛɛ Ebede Meleke, bɔ né ɔwɔ ahemvie berɛ ne, ɔtele kyɛ bafa Yeremia bato kumaa nu kuku ne anu. Sɔ mmerɛ ne, né ɛhene ne te Benyamin anoa piri ne anu berɛ.

Luka 23:34

Na Yesu hane kyɛ, “Baba, fa kyɛ bɛ, ofikyɛ bɛnze bɔ bɛyɔ ɔ!” Na beguale serewa bɛhyɛle ye ndaadeɛ ne bɛfale.

Yohane 5:34

Na me de, nna sona berɛ yeɛ mede adanzeɛ mefi ɔ, na mmom mekã sɔ dwirɛ nemɔ, kyɛbɔ ɔkɔyɛ bɔ ɛmɔkonya ngoa ɔ.

Asomafoɛ 7:60

Afei oguale ndwerɛ, na ɔteane nu serɛserɛ kyɛ, “Awurade, fa bɛ bɔne he kyɛ bɛ!” Ɔhane sɔ ne, owuli.

Romanfoɛ 10:1

Nniɛma mɔ, m’ahone nu dwirɛ ne me mbaeɛ bɔ mebɔ mekyire Nyameɛ mema Yisrael ole kyɛ bekonya daa ngoa ɔ.

1 Samuel 15:11

“Ɔyɛ me yea kyɛ mvale Sɔɔlo nzili hene ɔ, ofikyɛ wayakyi me si lilɛ, na onni me mmeraa so.” Sɔ dwirɛ ne hale Samuel, na osũ frɛle AWURADE kɔngɔen ne amukoraa.