Anyandera 29:1 - AHYERƐLƐ KRONGRON

¹ Sona bɔ bɛtaa betwi ye nyunu a ogua ye so asi ne, musue bɔ ɔkɔto ye mvum nu ne, ongonya ye sɔbea.

Anyandera 29:1 Iomraidhean Croise

1 Ahemvo 17:1

Tisibeniɛ Elia bɔ ofi Tisibe bɔ ɔwɔ Gileade ne, osele Ahabo kyɛ, “AWURADE Yisrael Nyameɛ teasefoɛ bɔ yeɛ ngyi ye nyunu ne, kyɛbɔ ɔte ase ye de, mekã kyɛ, bosue anaa esue ngɔpe ase afoɛ ye mɔ anu, sana mafa me noa dwirɛ mama ye nwo ate koraka.”

1 Ahemvo 18:18

Elia buale kyɛ, “Nnhale Yisrael biala, na mmom wɔ ɛne wɔ baba abusuafoɛ yeɛ ɛmɔahã Yisrael ɔ. Ofikyɛ ɛmɔabu AWURADE mmeraa dwirɛ so, na ɛmɔaasɔne mmosoen Baal mɔ.

1 Ahemvo 20:42

Na ngɔmhyɛlɛniɛ ne sele Ahabo kyɛ, “AWURADE nwa, ‘Ɔnate kyɛ amaa biaa bɔ mahyɛ kyɛ behũ ye ne wahɔ ne ati, bɛkɔfa wɔ ngoa bekotua ye deɛ kerɛ, ná bafa wɔ mmenia basi ye deɛ mɔ gya nu.’ ”

1 Ahemvo 22:28

Yeɛ Mikaya sele kyɛ, “Sɛ efi koɛ ne noa esa ba asomdwee nu a, ye de nna AWURADE yeɛ wafa me so wadwudwo ɔ.” Na ɔtoale so sele kyɛ, “Ɛmɔ amukoraa, ɛ́mɔfa bɛsa terɛ nwo!”

2 Aberɛso Dwirɛ 25:16

Nakoso ngɔmhyɛlɛniɛ ne noa wɔ so bɔ odwudwo ne, Nana Amasia sele ye kyɛ, “Nwa yeɛ ɔyɛle wɔ Nana ye tufohene ɔ? Ka wɔ noa to nu. Wanyɛ sɔ a, ngohũ wɔ.” Yiti ngɔmhyɛlɛniɛ ne yakyili ngɔm ne hyɛlɛ, nakoso osele kyɛ, “Me de mese kyɛ Nyameɛ pena kyɛ oku wɔ ɔ, ɔnate bɔ ayɔ ɔ, ɔne kyɛ andie me foɛtulɛ ne ati.”

2 Aberɛso Dwirɛ 33:10

AWURADE bɔle Manase ne ye maen kɔkɔ, nakoso bandie ye dwirɛ.

2 Aberɛso Dwirɛ 36:13

Nana Nebukadenesa bɔ né wama Sedekia wata Nyameɛ ndaen kyɛ ɔngɔyɛ ye nwo lɔen ne, Sedekia yɛle ye nwo lɔen. Sedekia yɛle asoserɛ, ná obubuli mmakaa tuale ye so kyɛ ɔngɔso AWURADE Yisrael Nyameɛ ne.

Nehemia 9:29

Na ɛbɔle bɛ kɔkɔ bɔ ɔnate so bekosa bekooli wɔ mmeraa ne aso ɔ. Nakoso bɛyɛle anwomasoɛ, yeɛ banni wɔ mmeraa dwirɛ so, na mmom wɔ nhyehyɛleɛ bɔ sona di so a onya ngoa ne, bɛyɔle bɔne bebuli so. Bɛpemone b’awaen beguale wɔ so, bɛsoale bɛ kɔm so kyeinn, na bandie wɔ dwirɛ.

YOB NWOMAA NE 9:4

Ye nworɛ ne ye tumi te totohyia, nwa yeɛ wadwɔso watia ye bɔ wafa ye nwo wali tɔtorɔtɔɔ ɔ?

Ɛksadɔso 9:7

Faro somane mmenia maa bɛɛneane, na benwuni kyɛ Yisraelfoɛ ngaka nemɔ, nu ko po wanwu. Nakoso Faro bubuli mmakaa tuale ye so, na wamma mmenia ne ate ma bangɔ.

Anyandera 28:14

Sona bɔ mmerɛ biala osuro Nyameɛ ne, onya saleɛ, nakoso bɔ ye so yɛ se ne de, musue kɔto ye.

Anyandera 28:18

Sona bɔ odi nahorɛ ne, okonya ngoa, nakoso bɔ ɔnate atee tɛɛ so ne de, ye ayieleɛ koyie ye mvum nu.

Anyandera 28:28

Bɔnefoɛ nya tumi a, mmenia nwati bɛkɔfea, na sɛ bɔnefoɛ bɛ boso nua a, teneneefoɛ bɛyɛ pee.

Anyandera 6:15

Yiti musue kɔto sɔ sona ne mvum nu, na ɔkɔto ye mvum nu bɔ ongonya ye sɔbea ɔ.

Yesaya 28:22

Yiti nnɛma ɛmɔdi ngorohoɛ ko, anyɔ a, bekomia ɛmɔ panwu ne anu; ofikyɛ mate ehuhunɛ pasaa nwo dwirɛ mafi Asafo AWURADE Nyameɛ berɛ, kyɛ, ɔkɔmaa ɔkɔto aseɛ amukoraa.

Yesaya 48:4

Ofikyɛ, mese kyɛ wɔ so yɛ se, ayɛ wɔ kɔme kyeinn kyɛ buralɛ, ɔne wɔ nwoma so kyɛ ayaa.

Yeremia 14:19

Aso apo Yuda koraa? Sion nwo ayɛ wɔ kra tɛ anaa? Nzu ati yeɛ abobɔ yɛ agua berɛ maa yɛnnya ye noa ayire ye? Yɛ nye lale asomdwee ate, nakoso nikye paa biala wamvi nu wamma. Yɛ nye lale anwonyerɛsalɛ mmerɛ ate, nakoso, yieee, ahunundetelɛ mmom yeɛ watɔ yɛ so ɔ!

Yeremia 17:23

Nakoso bandie, yeɛ banyɛ asoɛ bamma me; bɛsoale bɛ kɔme so, kyɛbɔ ɔkɔyɛ bɔ bengotie anaa bengole foɛtulɛ bɛngɔto nu ɔ.

Yeremia 36:31

Na ngɔhwe ye ne ye boso ama ne ye somvoɛ mɔ bɛ so, ɔnate b’amumuyɛɛ ti. Na bɛ ne Yerusalemfoɛ ne Yudafoɛ, musue amukoraa bɔ ngane kyɛ ngɔmaa ɔkɔto bɛ ne, ngɔprapra ngogua bɛ so, nakoso bengotie.’ ”

Habakuku 2:7

Bɛ bɔ bɛma wɔ kerɛ ne, aso bengodwɔso bengotia wɔ mvum nu, na bɛ bɔ bekodwɔso wɔ so ne, bɛkɔma wɔ nwo kɔwosowoso wɔ. Na ɛkɔyɛ koɛ nu nzesadeɛ kɔma bɛ.

Yohane 13:18

“Nna ɛmɔ amukoraa bɛ nwo dwirɛ yeɛ mekã ɔ, na me de, mese bɛ bɔ maneanea nu maye bɛ ɔ. Na ɛhe yeɛ ɔkɔma Ahyerɛlɛ ne kɔwa nu kyɛ, ‘Sona bɔ ɔne me to asaa didi ne, ye yeɛ waye me wama ɔ.’

Yohane 13:26

Yeɛ Yesu buale kyɛ “Sona bɔ ngɔfa paanoo sii ye ngɔbɔ nu ná ngɔfa ngɔma ye ne, ye ɛne.” Yiti ɔfale paanoo sii ne bɔle nu, na ɔfa mane Yudase Yiskariote, Simɔn awa ne.

Asomafoɛ 1:18

(Sɔ Yudase ne, ɔfale sikaa bɔ onya fili ye amumuyɛɛ ne anu tɔle aseɛ, na ye kɔme ɔɔwɔle berɛ nen, ye ko pakyele, na ye nyaa mukoraa tu guale.

Asomafoɛ 1:25

kyɛ ɔyɛ asomafoɛ adwuma ne osi Yudase, bɔ ofili yɛ nu tele ye nwo hɔle nekaa bɔ ɔsɛ kyɛ ɔkɔ ɔ ne gya nu.”

1 Tɛsalonikafoɛ 5:3

Na mmerɛ bɔ mmenia kɔhã kyɛ, “Yɛle asomdwee ne anwotɔ” nen, yeɛ ewue kɔto bɛ mvum nu kyɛ koɛhalɛ bɔ ɔka brasua bɔ wafo aworɛ so ɔ, na bengonya bɛ ti bengodidi nu.

1 Samuel 2:25

Sɛ ebie yɔ bɔne tia obiɛngo a, ebie kɔpa kyerɛ kɔma ye wɔ Nyameɛ nyunu, nakoso sɛ ebie yɔ bɔne tia Nyameɛ a, nwa yeɛ ɔkɔpa kyerɛ kɔma ye ɔ?” Nakoso bandie bɛ se dwirɛ, ofikyɛ né AWURADE ayɛ kyɛ okohu bɛ.

1 Samuel 2:34

Na bɔ ɔkɔto wɔ mma nyɔ Hofini ne Finehase ne de, ɔkɔyɛ sɛngyerɛnneɛ kɔma wɔ: bɛ munyɔ bekowu ɛlɛho.