Anyandera 28:4 - AHYERƐLƐ KRONGRON

⁴ Bɛ bɔ bɛmva mmeraa bɛnyɛ huu ne, bɛbɔ bɔnefoɛ aba so, nakoso bɛ bɔ bedi mmeraa so ne de, bɛko betia bɔnefoɛ.

Anyandera 28:4 Iomraidhean Croise

1 Ahemvo 18:18

Elia buale kyɛ, “Nnhale Yisrael biala, na mmom wɔ ɛne wɔ baba abusuafoɛ yeɛ ɛmɔahã Yisrael ɔ. Ofikyɛ ɛmɔabu AWURADE mmeraa dwirɛ so, na ɛmɔaasɔne mmosoen Baal mɔ.

1 Ahemvo 18:21

Yeɛ Elia wale mmenia ne amukoraa nwo berɛ, na obisale kyɛ, “Ɛmɔ adwene kɔyɛ ndaa ndaa maa okoodwu kyinzu? Sɛ AWURADE yeɛ ɔte Nyameɛ a, ye de ɛmɔso ye. Nakoso sɛ Baal ahɔ de a, ye de ye yeɛ ɛmɔso ye ɔ.” Na maen ne amma ye mmuayɛɛ.

Nehemia 13:15

Sɔ mmerɛ ne, nwuni ye wɔ Yuda kyɛ mmenia betwi nzaa, yeɛ afei bɛsoa aburoo bɛteta afunum mɔ si afofikyẽa. Sɔ ala yeɛ né bɛfa nzaa, bobe, borɔdoma ne nningyein ahoroɔ bɛsoa ngaka nemɔ bɛba Yerusalem afofikyẽa ɔ, na mmɔle bɛ kɔkɔ kyɛ nnɛmaa bɛtɔne nningyein afofikyẽa.

Nehemia 13:28

Ɔsɔfo panyi paa Eliasibo, ɔwa Yehoada, ye mma mmienzua nemɔ anu ko bɔ né ogya Horonniɛ Sanbalate ɔwa brasua ne, mvoane ye mvili me nyunu maa ɔhɔle.

Edwein 10:3

Ofikyɛ bɔnefoɛ bɛfa bɔ ɔla b’ahone nwo bɛhoahoa bɛ nwo, yeɛ adifuuniɛ ɔnoma AWURADE odwudwo otia ye.

Edwein 49:18

Mmerɛ bɔ ɔte ngoa nu ne, obuli ye nwo kyɛ wayie ye yé, ofikyɛ sɛ sona nya ye nwo a, mmenia kamvo ye.

Yeremia 5:30

Edwirɛ bɔ ɔyɛ suro ná ɔma bɛ nwo dwiri bɛ ɔ yeɛ wape maen ne anu ɔ:

Mateo 14:4

Ɔnate kyɛ né Yohane ahã ahyire Herode kyɛ, “Mmeraa mma ate kyɛ egya ye ɔ.”

Mateo 3:15

Yeɛ Yesu buale ye kyɛ, “Ma ate maa yɛyɔ ye sɔ kekesaala ye, na yɛyɔ bɔ Nyameɛ ahyehyɛ ne.” Yiti Yohane penene so.

Mateo 3:7

Na onwuni kyɛ Farasiifoɛ ne Sadusiifoɛ nemɔ anu pee bɛba maa ɔbɔ bɛ asu nen, osele bɛ kyɛ, “Ewoo mmaa bɔ ɔte kyɛ ɛmɔ ɔ! Nwa yeɛ otuli ɛmɔ foɛ paa kyɛ ɛ́mɔnwati béfi ahonehulɛ bɔ ɔba ne anu ɔ?

Asomafoɛ 12:22

Na mmenia nemɔ bɛbɔ belele so kyɛ, “Ɛhe de, nyameɛ bie yeɛ odwudwo ne, na nna kuro sona ɔ!”

Asomafoɛ 15:2

Ɛhe mane Pɔɔlo ne Banaba bɛne mmenia nemɔ benyane dwudwolɛ besuli aporowaa serɛserɛ wɔ sɔ dwirɛ he anwo. Yiti betuli mmenia kyɛ bɛboka Pɔɔlo ne Banaba so bɛhɔ Yerusalem beenwu asomafoɛ nemɔ ne mbanyi mɔ wɔ sɔ dwirɛ he anwo.

Asomafoɛ 19:9

Nakoso ebiemɔ yɛle asoserɛ, banne dwirɛ ne banni, na bɛhane musue dwirɛ betiale Atee ne wɔ mmenia wora ne nyunu. Yiti ɔyakyili bɛ berɛ, ɔfale agyidifoɛ ne bokale ye nwo so; na daa biala ɔyɛle ngyerɛkyerɛ wɔ ebie bɔ bɛfrɛ ye Tirano sukuu sua nu.

Romanfoɛ 1:32

Bɛse Nyameɛ mmeraa ne kyɛ bɛ bɔ bɛyɔ sɔ nningyein nemɔ ne, ewue yeɛ ɔfata bɛ ɔ. Nna kyɛ bɛyɔ sɔ nningyein hemɔ angome, na mmom bɛhyɛ bɛ bɔ bɛyɔ sɔ ne nguraen.

Ɛfesofoɛ 5:11

Nnɛma ɛmɔyɔ awosii nnwumaa bɔ onzu mmaa ne bie, na mmom ɛ́mɔpa bɛ nwo tena!

1 Tɛsalonikafoɛ 2:2

Na ɔwɔ nu kyɛ yɛlili moa yɛnwuni amaneɛ, ná bɛbɔle yɛ alapaa wɔ Filipi, kyɛbɔ ɛmɔse ne, nakoso yɛsili y’ahone wɔ yɛ Nyameɛ nu kyɛ yɛkɔhã Nyameɛ nzɛmba ne yɛkohyire ɛmɔ, wɔ aberɛ bɔ bɛko betia yɛ ɔ.

1 Yohane 4:5

Nakoso bɛ de bɛte wiase deɛ, yiti ewiase dwirɛ yeɛ bɛkã ɔ, na ewiase koso tie bɛ dwirɛ.

Yuda 1:3

Aliɛmaa mɔ, mabɔ mmɔden amukoraa kyɛ mekyerɛ ngoalelɛ bɔ yɛ mukoraa yanya ye ne nwo dwirɛ mebrɛ ɛmɔ, na ye nwo ahia kyɛ mekyerɛ mebrɛ ɛmɔ, ná metu ɛmɔ foɛ, kyɛ ɛ́mɔpere bégyina pindinn bɛ́ma gyidie bɔ bafa bama anwoteefoɛ pɛnko ne.