Anyandera 28:28 - AHYERƐLƐ KRONGRON

²⁸ Bɔnefoɛ nya tumi a, mmenia nwati bɛkɔfea, na sɛ bɔnefoɛ bɛ boso nua a, teneneefoɛ bɛyɛ pee.

Anyandera 28:28 Iomraidhean Croise

2 Aberɛso Dwirɛ 22:12

Ɔfale Yoase feale Nyameɛ awuro berɛ afoɛ nzia. Sɔ mmerɛ ne, né Atalia yeɛ obu maen ne ɔ.

Ɛseta 8:17

Manzini biala nu ne kuro biala so bɔ Nana Ahasuro mmeraa ne ahyɛdeɛ ne oodwuli ne, Yudafoɛ nyane anwosɛpɛ ne anigye, bɛtole poen, na belili afofi. Yeɛ maen maen mɔ bɔ bɛwɔ aseɛ ne aso ne, Yudafoɛ nwo suronyi tɔle bɛ nu pee so, yiti bɛ nu pee bɛɛyɛle Yudafoɛ.

YOB NWOMAA NE 24:4

Besumu mmenia bɔ bɛyɛ anwumvo ɔ befi atee so, na aseɛ so ehiafoɛ amukoraa bɛbɔ nu bɛkɔfea.

Anyandera 28:12

Teneneefoɛ di ngonim a, ɔte anigye piri, nakoso sɛ bɔnefoɛ nya tumi a, mmenia nwati bɛkɔfea.

Anyandera 28:27

Sona bɔ ɔkyɛ ehiafoɛ nikyee ne, nikye fee nwo ngohia ye, nakoso bɔ okobu ye nye kogua bɛ mmokalɛ so ne de, amoenwaa pee kɔwa ye so.

Anyandera 29:1

Sona bɔ bɛtaa betwi ye nyunu a ogua ye so asi ne, musue bɔ ɔkɔto ye mvum nu ne, ongonya ye sɔbea.

Anyandera 29:2

Sɛ teneneefoɛ bedi maen so a, nu mmenia di ahurusi, nakoso sɛ bɔnefoɛ di so a, nu mmenia sũ gua bɛ kunu.