Anyandera 28:27 - AHYERƐLƐ KRONGRON

²⁷ Sona bɔ ɔkyɛ ehiafoɛ nikyee ne, nikye fee nwo ngohia ye, nakoso bɔ okobu ye nye kogua bɛ mmokalɛ so ne de, amoenwaa pee kɔwa ye so.

Anyandera 28:27 Iomraidhean Croise

Anyandera 11:24

Ebiemɔ bɛye bɛ kunu bɛyɔ paa paa, nakoso bɛkɔ so benya bɛ nwo, yeɛ ebiemɔ wora bɛfa bɛ nningyein bɛbɔ atianuserɛ, nakoso bɛkɔ so bedi hiaa.

Anyandera 11:25

Sona bɔ ɔtaa kyɛ nikyee ne, okonya ye nwo, yeɛ sona bɔ ɔboka ebiemɔ maa bɛyɛ yee ne, ye koso ɔkɔyɛ yee.

Anyandera 11:26

Sona bɔ ɔndɔne ye aburoo wɔ mmerɛ bɔ mmenia hia ne, mmenia paye ye, nakoso bɔ ɔtɔne ye deɛ ne de, onya saleɛ.

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Anyandera 22:9

Sona bɔ ofia ye kunu ɔkyɛ nikyee ne, onya saleɛ, ofikyɛ ɔfa ye aleɛ ne bie ma ehiafoɛ.

Anyandera 24:24

Ebiala bɔ okose bɔnefoɛ kyɛ, “Edi be” nen, mmenia kɔnoma ye, na maen maen kohyi ye.

Anyandera 28:28

Bɔnefoɛ nya tumi a, mmenia nwati bɛkɔfea, na sɛ bɔnefoɛ bɛ boso nua a, teneneefoɛ bɛyɛ pee.

Yesaya 1:15

Sɛ ɛmɔtrɛtrɛ ɛmɔ sa nu (kyɛ ɛmɔbɔ mbaeɛ a,) ngɔye me nye ngɔto buro bɔ mengɔtɛ ɛmɔ so ɔ. Ɛmɔbɔ mbaeɛ pee de, nakoso mengotie, ofikyɛ ɛmɔahã mogya bagua paa.

Deuteronomi 15:10

Fia wɔ kunu ma ye nikye, na sɛ ɛma ye nikyee a, ɔyɛ a nnɛsũ gua wɔ kunu; na ɔnate ɛhe aso AWURADE wɔ Nyameɛ koyira wɔ wɔ w’adwuma mukoraati nu, ɔne wɔ sa noa adwuma mukoraati nu.

Deuteronomi 15:7

“Sɛ eliɛma bie te ehianiɛ wɔ kuro bie anu, wɔ w’aseɛ bɔ AWURADE wɔ Nyameɛ ɔ́fa ma wɔ ne aso a, nnɛbɔ eliɛma ne atianuserɛ, yeɛ nnɛma wɔ sa bo yɛ se ma eliɛma bɔ ye nwo ahyere ye ɔ.

Hebrifoɛ 13:16

Nnɛma ɛmɔbu ɛmɔ nye begua so kyɛ ɛmɔkɔyɔ paa ná ɛmɔkɔbokaboka bɛ nwo ɔ, ofikyɛ sɔ afɔleɛ nemɔ yeɛ ɔsɔ Nyameɛ nye ɔ.