Anyandera 28:25 - AHYERƐLƐ KRONGRON

²⁵ Sona bɔ ye nye boro nikyee ne, ɔtwetwe ngondii ba, nakoso bɔ ɔfa ye wora wura AWURADE nu ne de, okoyie ye yé.

Anyandera 28:25 Iomraidhean Croise

Edwein 84:12

Ao Asafo AWURADE, ebiala bɔ ye wora wura wɔ nu ne, onya saleɛ.

Anyandera 10:12

Ɛpɔen twetwe ngondii ba, nakoso ɔdɔ de, ɔkata mvomsoɛ amukoraa so.

Anyandera 10:3

AWURADE mma ɛhɔen ngu teneneeniɛ kra, nakoso bɔnefoɛ de, ɔbɔ bɔ wanya ye ɔ ogua.

Anyandera 11:25

Sona bɔ ɔtaa kyɛ nikyee ne, okonya ye nwo, yeɛ sona bɔ ɔboka ebiemɔ maa bɛyɛ yee ne, ye koso ɔkɔyɛ yee.

Anyandera 13:10

Anwomasoɛ ne basabasayɔlɛ yeɛ bɛnate ɔ, nakoso bɛ bɔ betie foɛtulɛ ne de, nworɛ ne bɛ yeɛ bɛnate ɔ.

Anyandera 13:4

Bɔ ɛfoen sona ɔpena biala, ongonya ye, nakoso sona bɔ okuro adwuma de, ye kra sa kã bɔ ɔpena ɔ.

Anyandera 15:18

Sona bɔ ye ahone pingye ye ne, ye nwo te ngondii, nakoso bɔ ye ahone nhu ndɛ ne de, ɔma mmenia ahone tɔ nzue nu.

Anyandera 15:27

Sɛ sona nya ye nwo fi aminɛlilɛ nu a, ɔtwetwe amaneɛ brɛ ye abusua, nakoso sona bɔ okyi fea-ase-ma de, okonya ngoa.

Anyandera 15:30

Wɔ nyunu yɛ ɛsereserelɛ a, ɔma wɔ nye gye, yeɛ ndɛenvɛen maa sona aporɛ nu yɛ se.

Anyandera 21:24

Anwomasoɛniɛ bɔ otu ye nwo ne, ye dumaa ole ngorohoɛniɛ, na ɔbɔ ye bra anwomasoɛ ndrasoɛ nu.

Anyandera 22:10

Foa ngorohoɛniɛ ne, na ngondii so kɔpɛ; aporowaa ne nzoaa bo kɔpɛ.

Anyandera 29:22

Sona bɔ okuro ɛyaafɛlɛ ne, ɔtwetwe ngondii ba, yeɛ bɔ ɔma ye ahone hu ne, ɔto mmeraa pee.

Anyandera 29:25

Esuro sona a, né asua wɔ nwo ngaen, nakoso ebiala bɔ ɔfa ye wora wura AWURADE nu ne de, ye nwo sonn.

Yesaya 58:11

AWURADE kɔyɛ wɔ taataa daa biala, ɔkɔma wɔ kra ko koyi wɔ aseɛ katerepee so, ɔkɔma w’aporɛ nu kɔyɛ se, ɛkɔyɛ kyɛ turo bɔ mmerɛ biala nzue doadoa nu ɔ, kyɛ mbombonzue bɔ ɔnwewe ɔ.

1 Timoteo 6:6

Nakoso nyamesom paa bɔ ɔma wɔ kunu dwo wɔ ne, ɔte anwonya piri;