Anyandera 28:20 - AHYERƐLƐ KRONGRON

²⁰ Nahorɛniɛ konya saleɛ pee, nakoso sona bɔ ɔpere ye nwo onya ye nwo ndɛndɛ ne de, ɔngɔfa ye nwo ngoli tɔtorɔtɔɔ.

Anyandera 28:20 Iomraidhean Croise

Nehemia 7:2

mvale Yerusalem nwurale nniɛma Hanani ɔne Hanania bɔ ɔnea abandenden ne aso ne, bɛ sa. Ofikyɛ né ɔte nahorɛniɛ bɔ osuro Nyameɛ tra kyɛbɔ mmenia pee besuro Nyameɛ ɔ.

Edwein 101:6

Maen ne anu nahorɛlilɛfoɛ nemɔ, ngɔlo bɛ, amaa ɔnate so bɛ ne me atena. Sona bɔ ɔnate atee bɔ ɔtengyɛ so ne, ye yeɛ ɔkɔso me ɔ.

Anyandera 10:6

Teneneeniɛ nya saleɛ, nakoso bɔnefoɛ de, ɔfa ye noa kata bɔne so.

Anyandera 13:11

Ambe atee paa so ambena anwonyadeɛ a, ofi wɔ sa, nakoso bɔ ɔfɛ onya ye ne de, onya pee.

Anyandera 17:5

Ɛgoro sona bɔ ɔyɛ anwumvo nwo a, né agua ye Nyameɛ bɔ ɔbɔle ye ne nyunu ase, yeɛ sona bɔ edwirɛ to obiɛngo a ɔyɛ ye fɛ ne, ɔngɔfa ye nwo ngoli tɔtorɔtɔɔ.

Anyandera 19:2

Ɔtte mayee mma sona kyɛ nimdeɛ kɔbɔ ye ɔ, yeɛ bɔ otutu amirika yɔ nikyee ne, ɔyɛ mvomsoɛ.

Anyandera 20:21

Agyapadeɛ bɔ ɛpere wɔ nwo nya ye ahyɛaseɛ ne, ye ayieleɛ ngɔyɛ saleɛ.

Anyandera 20:6

Mmeni pee nwa bɛ bɔbɔ bɛte paa, nakoso sona bɔ odi nahorɛ de, nwa yeɛ okonwu bie ɔ?

Anyandera 23:4

Nnɛha wɔ nwo pee pena anwonya, nnɛdi wɔ bɔbɔ wɔ nworɛ si.

Anyandera 28:22

Sona bɔ ɔperepere ye nwo nya ye nwo ne, ɔte anyeboroborolɛniɛ, na ɔndwene kyɛ ehiaa kɔwa ye so ɔ.

Mateo 24:45

“Na nwa koraa ole akoaa nahorɛniɛ ne nworɛniɛ, bɔ ye mene afa ye awuro berɛ ngoaa mɔ wawura ye sa, kyɛ ɔma bɛ aleɛ wɔ mmerɛ bɔ ɔsɛ ɔ nu ɔ?

Mateo 25:21

Yeɛ ye mene ne sele ye kyɛ, ‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’

Luka 12:42

Na Awurade buale kyɛ, “Nwa ole awuro so neafoɛ nahorɛniɛ ne nworɛniɛ ne, bɔ ye mene kɔfa ye awuro berɛ ngoaa mɔ kowura ye sa, kyɛ ɔma bɛ b’aleɛ wɔ mmerɛ bɔ ɔsɛ ɔ nu ɔ?

Luka 16:1

Na Yesu sa sele ye asuafoɛ nemɔ kyɛ, “Né sikaniɛ bie wɔ berɛ bɔ ole hwɛsoniɛ bɔ ɔnea ye agyapadeɛ so ɔ. Na bɛɛbɔle ye kwaadu behyirele ye kyɛ ɔ́sɛkye ye agyapadeɛ ne.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 2:13

[Mese wɔ nnwumaa], mese nekaa bɔ ɛte ɔ, nekaa bɔ Satan ahennie bia gyi ne; nakoso atira me dumaa ne anu bum, na ambo me gyidie ne, mmerɛ bɔ behuni m’adanzeniɛ nahorɛniɛ Antipa wɔ ɛmɔ berɛ ne po, nekaa bɔ Satan te ne.

1 Samuel 22:14

Na Ahimɛlɛke buale Nana Sɔɔlo kyɛ, “Wɔ somvoɛ nemɔ amukoraa, bɛ nu nwa yeɛ odi nahorɛ kyɛ Dawide ɔ? Nana, ɔte wɔ sia, otie wɔ dwirɛ, na bebu ye wɔ w’awuro berɛ.