Anyandera 28:18 - AHYERƐLƐ KRONGRON

¹⁸ Sona bɔ odi nahorɛ ne, okonya ngoa, nakoso bɔ ɔnate atee tɛɛ so ne de, ye ayieleɛ koyie ye mvum nu.

Anyandera 28:18 Iomraidhean Croise

Edwein 125:5

Nakoso mmenia bɔ bedi makyebu bɛfa b’atee bɔ ɔndengyɛ so ne de, AWURADE kɔfa bɛ kɔfra amumuyɛɛfoɛ so kɔfoa bɛ kofi berɛ. Asomdwee ɔ́tena Yisrael!

Edwein 25:21

Ma pɛpɛɛpɛyɛlɛ ne nahorɛlilɛ ɔnea me so, ofikyɛ wɔ yeɛ mafa me nwo mato wɔ so ɔ.

Edwein 26:11

Nakoso me de, nahorɛlilɛ yeɛ mefa menate ɔ; pepɛ de me, ná nwu me anwumvoin.

Edwein 84:11

Ofikyɛ AWURADE Nyameɛ te eyia ne akokyɛm; ye yeɛ ɔdo sona ná ɔmaa onya animnyam ɔ, na bɛ bɔ bɛ bra te sannwuu ne, ɔmva nikye paa biala mmɔ bɛ atianuserɛ.

Anyandera 10:25

Sɛ mvrama piri otu pɛ nu a, bɔnefoɛ boso mini, nakoso teneneeniɛ de, ɔte nyinasoɛ bɔ otimu berɛ daa ɔ.

Anyandera 10:27

AWURADE surolɛ ma ngoa tendenn, nakoso bɔnefoɛ de, ye ngoa so pɛ tika.

Anyandera 10:9

Sona bɔ odi nahorɛ ne, ɔnate a ye nwo sonn, nakoso ebiala bɔ ɔnate atee tɛɛ so ne de, ye nwo dwirɛ kofite.

Anyandera 28:10

Ebiala bɔ odiedie teneneefoɛ maa bɛyɔ bɔne ne, ɔkɔtɔ ye bɔbɔ ye kumaa bɔ wafu ɔ nu; nakoso bɛ bɔ bɛ bra te sannwuu ne de, okoyie bɛ yé.

Anyandera 28:6

Ehianiɛ bɔ ye bra te sannwuu ne, ɔte paa tra sikaniɛ bɔ ye suban ɔtte mayee ɔ.

Numeri 22:21

Yiti Balaam dwɔsole ngyerɛmɔ, osiesiele ye afunum, na ɔne Moabo mbanyi nemɔ besili nu bɛhɔle.

Numeri 22:32

Yeɛ AWURADE abɔfo ne bisale ye kyɛ, “Nzu ati yeɛ abɔ wɔ kaka ne pɛen nza ye? Mawa kyɛ mebaasi wɔ ate, ofikyɛ nikyee bɔ ɛyɔ ne, ɔndengyɛ wɔ me nyunu.

Numeri 22:35

Na AWURADE abɔfo ne sele Balaam kyɛ, “Ɛne biaa nemɔ bɛhɔ, nakoso bɔ ngɔhã ngohyire wɔ ne angome yeɛ odi kyɛ ɛkã ɔ.” Yiti Balaam ne Balake mbanyi nemɔ bɛhɔle.

Galatiafoɛ 2:14

Na nwuni kyɛ bakwati nahorɛ bɔ ɔwɔ nzɛmba ne anu nen, nzele Petro wɔ bɛ mukoraa bɛ nyunu kyɛ, “Sɛ wɔ bɔ ɛte Yudaniɛ ɛbɔ wɔ bra kyɛ Amaenmaensoniɛ, na ɛnyɛ kyɛ Yudaniɛ a, nzu ati yeɛ ɛhyɛ Amaenmaensofoɛ kyengyekyengye maa bɛbɔ bɛ bra kyɛ Yudafoɛ ɔ?”

1 Tɛsalonikafoɛ 5:3

Na mmerɛ bɔ mmenia kɔhã kyɛ, “Yɛle asomdwee ne anwotɔ” nen, yeɛ ewue kɔto bɛ mvum nu kyɛ koɛhalɛ bɔ ɔka brasua bɔ wafo aworɛ so ɔ, na bengonya bɛ ti bengodidi nu.

Nyekyire 3:3

Yiti kaye bɔ behyirele wɔ, ɔne bɔ ɛtele ne; sɔ nu yé na sakyera w’adwene. Na sɛ anwɛne a, ngɔwa wɔ so kyɛ awueniɛ, na engonwu dɔnhwere horɛ bɔ ngɔfa ngɔwa wɔ so ɔ.