Anyandera 28:17 - AHYERƐLƐ KRONGRON

¹⁷ Sɛ ebie di obiɛngo wue nwo fɔ a, ɔkɔnwati toonn kɔfa kɔhɔ ewue nu, na nnɛma ebiala si ye ate.

Anyandera 28:17 Iomraidhean Croise

Gyenesise 4:12

Sɛ ɛyɔ aseɛ ne aso boo a, ɔngɔhye aleɛ ngɔma wɔ ko. Ɛkɔyɛ kobɔniɛ, na engonya amandena wɔ aseɛ so.”

Gyenesise 9:6

Sona biala bɔ ɔkɔha obiɛngo mogya kogua ne, ye wora sona yeɛ ɔkɔha ye mogya kogua ɔ, ofikyɛ Nyameɛ sɛso yeɛ ɔyɔle sona ɔ.

2 Samuel 13:34

Sɔ mmerɛ ne, né Absalom de wanwati. Biaa bɔ ɔwɛne kuro ne tole ye nye, na onwuni kyɛ ɛlɔen bie fi ye si dɔ bɛtorotoro bokaa ne bɛba ɔ.

2 Samuel 18:15

Yeɛ mmerandeɛ buru bɔ betiratira Yoabo akodeɛ ne, bɛpɛle Absalom nwo beyiale, na behuni ye.

1 Ahemvo 2:29

Bɛɛbɔle Nana Solomon amaneɛ kyɛ, “Yoabo anwati wahɔ AWURADE ɛtena sua ne anu, na kekesaala ye, ɔwɔ afɔleɛ bokyea ne anwo.” Na Solomon somane Yehoada awa Benaya kyɛ, “Kɔ na kohũ ye.”

1 Ahemvo 21:19

Se ye kyɛ, “AWURADE nwa, ‘Ali awue yeɛ asa afa agyapadeɛ ɔ?’ Ka kyire ye kyɛ, ‘AWURADE nwa: Nekaa bɔ ngyea bɛtafele Nabɔto mogya ne, berɛ ala yeɛ ngyea kɔtafe wɔ koso wɔ mogya deɛ ɔ.’ ”

1 Ahemvo 21:23

Bɔ AWURADE ahã afa Yesebɛl koso nwo ɛhe, ‘Ngyea koli Yesebɛl naen wɔ Yesreel fasue ne anwo.’

2 Ahemvo 9:26

‘AWURADE nwa: Nabɔto mogya ne ye mma mɔ mogya bɔ nwuni ye anoma nen, meta ndaen kyɛ sɔ aseɛ ne aso ala yeɛ ngotua wɔ so kerɛ ɔ.’ Yiti pagya ye findi ye to aseɛ ye aso, kyɛbɔ AWURADE ahã ne ala.”

Ɛksadɔso 21:14

Nakoso sɛ ebie nye la ye nwo, ná ɔlakalaka obiɛngo ku ye a, ye de twe ye fi m’afɔleɛ bokyea ne anwo ma behũ ye.

Anyandera 6:17

anyeɛ bɔ ɔtra ye ndo nwiaa, noa bɔ ɔnga nahorɛ ɔ, asaa bɔ ɔkã mogya bɔ odi be gua ɔ,

Yeremia 41:15

Nakoso Netania awa Yismael ne mmenia mmɔtwɛ bɛnwatili befili Yohanan sa nu bɛhɔle Amonfoɛ dɔ.

Asomafoɛ 28:4

Na mmerɛ bɔ supɔ ne aso ama nwuni kyɛ ewoo ne abrabra ye sa nen, besisele bɛ nwo kyɛ, “Aporowaa biala nne ye nwo, biaa he te wudiniɛ. Ɔwɔ nu kyɛ wanya ye ti ngoa wafi ɛpo nu de, nakoso ye bɔne nwo asohwenɛ bɔ oli ye si ngɔma ongonya ngoa.”

Deuteronomi 19:11

“Nakoso sɛ ebie pɔ obiɛngo, ná ɔtɛ ye atunu bobɔ ye ku ye, ná ɔnwati kɔ sɔ nguro nemɔ ko aso a,