Anyandera 28:16 - AHYERƐLƐ KRONGRON

¹⁶ Maen panyi bɔ ɔnze nworɛ ne, ɔhyɛ ye mmenia so paa, nakoso bɔ okyi anwonya fiɛ ne de, okonyi kɔhyɛ.

Anyandera 28:16 Iomraidhean Croise

1 Ahemvo 12:10

Ye ti pɛen mmerandeɛ bɔ ɔne bɛ tu nu nemɔ buale ye kyɛ, “Mmenia hemɔ bɔ baafa bato wɔ nyunu kyɛ, ‘Wɔ baba maa yɛyɔle adwuma serɛ paa. Yiti kekesaala ye, te so ma yɛ,’ ne, bua bɛ kyɛ, ‘Me sa mmɛseka bɔ oli nziɛ ne po, ɔte piri tra me baba sisia.

1 Ahemvo 12:14

na ogyinane mmerandeɛ nemɔ foɛtulɛ so sele bɛ kyɛ, “Me baba maa ɛmɔyɔle adwuma bɔ ɔyɛ se paa ɔ, na me wora, ngɔfa bieku ngɔboka so. Me baba de, ole mbire yeɛ ɔhwene ɛmɔ so ɔ, nakoso me de ngɔfa anyanyangyeleɛ yeɛ ngɔhwe ɛmɔ so ɔ.”

Nehemia 5:15

Amrado mɔ bɔ belili me nyunu moa ne de, bɛfale anwokyere kandinga paa yeɛ bɛtole maen ne aso ɔ. Bedidele aleɛ ne nzaa befili mmenia ne berɛ, asora ɛdwetɛ sekel aburanna ne koso. Bɛ somvoɛ nemɔ po, bɛyɛle maen ne aso abakomasɛm. Nakoso me de, manyɔ sɔ, ofikyɛ mesuro Nyameɛ.

Ɛksadɔso 18:21

Afei koso, neanea mmenia ne amukoraa nu, ná ye mmenia bɔ bɛfata, bɔ besuro Nyameɛ, bɔ bedi nahorɛ, bɔ bekyi fea-ase-ma, ná maa bɛlela mmenia apee apee, ɛyaa ɛyaa, aburannu aburannu ne buru buru noa.

Anyandera 15:27

Sɛ sona nya ye nwo fi aminɛlilɛ nu a, ɔtwetwe amaneɛ brɛ ye abusua, nakoso sona bɔ okyi fea-ase-ma de, okonya ngoa.

Nworɛ Dwirɛhanɛniɛ 10:16

Maen bɔ wɔ hene adwene te ngwadaa adwene ɔ, bɔ wɔ nnehyeɛ bɛto poen ngyerɛmɔ ɔ, wɔ yaakɔ o!

Nworɛ Dwirɛhanɛniɛ 4:1

Nza nwuni nhyɛsoɛ amukoraa bɔ ɔkɔ so wɔ wiase ɔ. Bɛ bɔ mmenia hyɛ bɛ so ne, nea bɛ nye moen, belle aworakyekyerɛniɛ biala. Tumi wura bɛ bɔ bedi anyandim ne sa. Ao, amaneɛnwunɛfoɛ nemɔ, belle aworakyekyerɛniɛ biala!

Yesaya 3:12

Ngwadaa yeɛ bɛhyɛ me maen so ɔ, na mmrasua yeɛ bedi bɛ so panyi ɔ. O me maen, wɔ mbanyi mɔ lakalaka wɔ maa edi makyebu fi w’atimbire so.

Amose 4:1

Ɛmɔ, ɛ́mɔtie, Basan nandwie mmeleɛ bɔ ɛmɔwɔ Samaria bokaa so ɔ, ɛmɔ bɔ ɛmɔhyɛ mmenia bɔ bɛyɛ anwumvo ɔ so, ná ɛmɔsisi ehiafoɛ ɔ; ɛmɔ bɔ ɛmɔkã bekyire ɛmɔ ahu mɔ kyɛ, ‘Fa bra maa yɛno’ ɔ.