Anyandera 28:12 - AHYERƐLƐ KRONGRON

¹² Teneneefoɛ di ngonim a, ɔte anigye piri, nakoso sɛ bɔnefoɛ nya tumi a, mmenia nwati bɛkɔfea.

Anyandera 28:12 Iomraidhean Croise

1 Ahemvo 18:13

Me mene, aso ɛttele bɔ nyɔle ɔ; kyɛ mmerɛ bɔ Yesebɛl okũkũ AWURADE ngɔmhyɛlɛfoɛ ne, mvale AWURADE ngɔmhyɛlɛfoɛ ɛyaa ko mveale aburannu aburannu wɔ nyɔboɛ bɔ wasi sua ɔ nu, ná mmane bɛ aleɛ ne nzue ɔ?

1 Ahemvo 19:3

Né Elia suro, yiti ɔnwatili maa ɔnate so onyane ye ti didili nu. Oodwuli Yuda kuro Beɛ Hyeba, na ɔyakyili ye somvoɛ ne berɛ.

2 Aberɛso Dwirɛ 7:10

Bosome nzoo ne, ye kyẽa bɔ ɔtɔ so aburanyɔ ne nza ne aso, otuli mmenia ne apo maa bɛhɔle b’awuro. Bele anigye ne aworakyekyerɛ yeɛ bɛhɔle ɔ, ɔnate paa bɔ AWURADE ayɔ ama Dawide ne Solomon ɔne ye maen Yisrael ne ati.

Anyandera 11:10

Sɛ oyie teneneeniɛ yé a, kuro ne di ahurusi, nakoso sɛ bɔnefoɛ wu de a, ye de bɛbɔ ese.

Anyandera 28:28

Bɔnefoɛ nya tumi a, mmenia nwati bɛkɔfea, na sɛ bɔnefoɛ bɛ boso nua a, teneneefoɛ bɛyɛ pee.

Anyandera 29:2

Sɛ teneneefoɛ bedi maen so a, nu mmenia di ahurusi, nakoso sɛ bɔnefoɛ di so a, nu mmenia sũ gua bɛ kunu.

Nworɛ Dwirɛhanɛniɛ 10:16

Maen bɔ wɔ hene adwene te ngwadaa adwene ɔ, bɔ wɔ nnehyeɛ bɛto poen ngyerɛmɔ ɔ, wɔ yaakɔ o!

Yeremia 36:19

Yeɛ atitire nemɔ sele Baruku kyɛ, “Ɛne Yeremia, ɛmɔɔfea, na nnɛmɔma ebiala nwu ɛmɔ si atee.”

Yeremia 36:26

Yeɛ ɛhene ne fale ahyɛdeɛ mane ɔwa bienzua Yerameel ne Seraya bɔ ye baba ole Asriɛl ne Selemia bɔ ye baba ole Abideel ne kyɛ bɛɛhye ahyerɛlɛniɛ Baruku ne ngɔmhyɛlɛniɛ Yeremia bɛbra, nakoso AWURADE fale bɛ feale.

Yeremia 5:1

Ɛ́mɔtu amirika beli Yerusalem mmorɔnoɛ so akɔneaba, ɛ́mɔtoto bɛ nye bɛ́nea nningyein yé! Ɛ́mɔneanea ye dwaa nemɔ aso bɛ́nea, sɛ ɛmɔkonwu sona ko po bɔ ɔyɔ bɔ ɔtengyɛ ɔ, bɔ ɔpena nahorɛ si atee ɔ, amaa ɔnate so mafa Yerusalem bɔne mahyɛ ye.

1 Samuel 24:11

Oo me baba, nea kyɛ ndira w’ataadeɛ tendenn ne noa ɔ. Sɛ mapɛ w’ataadeɛ tendenn ne noa, ná mangu wɔ a, ye de odi kyɛ ɛte ye bo kyɛ, wɔ nwo adwene tɛɛ biala nne me ti anu, anaa nnyɔle wɔ nwo lɔen. Nnyɔle wɔ bɔne biala, nakoso ɛpena me ku me.