Anyandera 28:11 - AHYERƐLƐ KRONGRON

¹¹ Sikaniɛ bu ye nwo kyɛ ɔte nworɛniɛ, nakoso ehianiɛ bɔ ɔte badwemma ne de, ɔma sikaniɛ ne bo da so.

Anyandera 28:11 Iomraidhean Croise

YOB NWOMAA NE 32:9

Nna enyinɛ ngome yeɛ ɔma sona nwu nworɛ ɔ, yeɛ nna mbanyi mɔ ngome yeɛ bele edwirɛ bɔ ɔte turoloo nwo nimdeɛ ɔ.

Anyandera 18:11

Sikaniɛ anwonya yeɛ ɔte ye kuro bɔ wato ye nwo fasue ɔ, osusu kyɛ ɔte fasue tendenn.

Anyandera 18:17

Sona di moa bɔ ye nguro a, ɛnwanzɛ odi be kɔpem kyɛ bɔ ɔne ye bɛbɔ nguro ne kobisabisa ye dwirɛ ɔ.

Anyandera 19:1

Ehianiɛ bɔ ye bra te sannwuu ne, ɔte paa tra sona bɔ ɔte nnakannaka ne kwaseaa ɔ.

Anyandera 23:4

Nnɛha wɔ nwo pee pena anwonya, nnɛdi wɔ bɔbɔ wɔ nworɛ si.

Anyandera 26:12

Yeɛ anwu sona bɔ obu ye nwo kyɛ ye de ɔse nworɛ ɔ? Sɔ sona ne, anyelasoɛ wɔ berɛ ma ngwaseafoɛ tra ye.

Anyandera 26:16

Ɛfoen sona bu ye nwo nworɛniɛ tra badwemmafoɛ nzoo.

Anyandera 26:5

Ma kwaseaa ye ngwaseasɛm nwo mmuayɛɛ, anyɛ a, ɔkɔdwene kyɛ ɔse nworɛ.

Anyandera 3:7

Nnɛbu wɔ nwo nworɛniɛ, suro AWURADE, ná twe wɔ nwo fi bɔne nwo.

Yesaya 5:21

Bɛ yaakɔ! Bɛ bɔ bɛdwene kyɛ bɛte nworɛfoɛ, ná bɛdwene kyɛ bɛte badwemma ɔ!

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

Romanfoɛ 12:16

Ɛmɔ amukoraa bɛ́yɛ adwene ko; na nnɛma ɛmɔmoma ɛmɔ nwo so, na mmom ɛ́mɔbrɛ ɛmɔ nwo ase. Nnɛma ɛmɔbu ɛmɔ nwo nworɛfoɛ.

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.