Anyandera 28:10 - AHYERƐLƐ KRONGRON

¹⁰ Ebiala bɔ odiedie teneneefoɛ maa bɛyɔ bɔne ne, ɔkɔtɔ ye bɔbɔ ye kumaa bɔ wafu ɔ nu; nakoso bɛ bɔ bɛ bra te sannwuu ne de, okoyie bɛ yé.

Anyandera 28:10 Iomraidhean Croise

Edwein 139:24

Nea sɛ bra tɛɛ bie wɔ me nu a, na di me nyunu fa me fa atee bɔ ɔla berɛ afebɔɔ ne aso.

Edwein 37:11

Nakoso anwobrɛaseɛfoɛ bɛ sa kɔhã aseɛ ne; ɔnate asomdwee kandinga ne ati, bɛ nye kɔgye.

Edwein 57:6

Basua me ngaen, me kra wora abɔ. Betuli kumaa wɔ m’atee nu, nakoso bapɛ bɛ nwo batete bagua nu. Sela

Edwein 9:15

Kumaa bɔ maen maen mɔ batu ne, batete bagua nu; ngaen bɔ besuale bɛfa bɛfeale ne, wasɔ bɛ bɔbɔ bɛ gya.

Anyandera 10:3

AWURADE mma ɛhɔen ngu teneneeniɛ kra, nakoso bɔnefoɛ de, ɔbɔ bɔ wanya ye ɔ ogua.

Anyandera 15:6

Anwonya pee wɔ teneneeniɛ awuro, nakoso bɔnefoɛ de, ye anwonya te musue.

Anyandera 2:21

Ofikyɛ bɛ bɔ bɛ bra te sannwuu ne yeɛ bɛkɔtena aseɛ ne aso ɔ, bɛ bɔ bɛ nwo te ne yeɛ bɛkɔtena so ɔ;

Anyandera 21:20

Agudeɛ bɔ odi mu ne ngoo wɔ nworɛniɛ awuro, nakoso kwaseaa de, onya ye a ɔsɛkye ye.

Anyandera 26:27

Ebiala bɔ ɔpɛ kumaa ne, ɔkɔte kɔtɔ nu, yeɛ sona bɔ omunu nyɔboɛ ne, nyɔboɛ ne kosa ye si kɔɔtɔ ye so.

Anyandera 28:18

Sona bɔ odi nahorɛ ne, okonya ngoa, nakoso bɔ ɔnate atee tɛɛ so ne de, ye ayieleɛ koyie ye mvum nu.

Nworɛ Dwirɛhanɛniɛ 10:8

Sona biala bɔ ofu kumaa ne, ye bɔbɔ ɔkɔtɔ nu, yeɛ bɔ okodwiri ɛwaen kogua ne, ewoo kɔha ye.

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

Galatiafoɛ 2:4

Na aliɛmaa mɔ ngondombofoɛ bɛfeafeale bɛ nwo bɛwale berɛ bie kyɛ bɛbaatetɛ bɛpena yɛ fawɔnwodi bɔ yanya ye wɔ Kristo Yesu nu ne nwo ate, na bamaa yaawura ngoaasolɛ nu.

Hebrifoɛ 6:12

Yɛnguro kyɛ ɛmɔkɔyɛ nyaanyaa, na mmom yɛkuro kyɛ ɛmɔsua bɛ bɔ bɛnate gyidie ne aboterɛ so benya Nyameɛ bɔhyɛ ne.

1 Petro 3:9

Nnɛma ɛmɔfa bɔne betua bɔne so, anaa nzoaapepɛlɛ betua nzoaapepɛlɛ so; na mmom ɛ́mɔyirayira; ofikyɛ ɛhe ati yeɛ bɛfrɛle ɛmɔ ɔ, kyɛ ɛmɔɔnya saleɛ.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.

1 Samuel 26:19

Nana, me mene, tie wɔ somvoɛ noa dwirɛ. Sɛ AWURADE yeɛ wamaa atu me anyeɛ a, ye de mesrɛ kyɛ ole afɔleɛ ná ɔyakyi. Nakoso sɛ kuro mmenia ahɔ de a, ye de AWURADE tua bɛ kerɛ, ofikyɛ ɛnɛ bafoa me bafi AWURADE agyapadeɛ ne anwo bɔ mengonya bie ɔ. Na bɛnwa: ‘Kɔso nyameɛ foforɛ biemɔ.’