Anyandera 28:1 - AHYERƐLƐ KRONGRON

¹ Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Anyandera 28:1 Iomraidhean Croise

1 Ahemvo 1:49

Yeɛ mmenia amukoraa bɔ Adoniya tole ye sa frɛle bɛ ne, ahunundetelɛ tɔle bɛ so, na ebiala fale ye atee nwati hɔle.

2 Ahemvo 7:15

Bɛpole Siriafoɛ so alaa beedwuli asue Yɔɔdan noa. Mmerɛ bɔ Siriafoɛ bɛnwati, bɔ né bɛ nwo kã bɛ tɛtɛtɛtɛ ne, bɛ ndaadeɛ ne akodeɛ bɔ befindini beguale ne, ɛbɔfoɛ nemɔ nwuni bɛ wɔ atee ne aso. Yiti ɛbɔfoɛ nemɔ besa bɛwale bɛɛbɔle Yisrael hene amaneɛ.

Nehemia 6:11

Nakoso mmuale kyɛ, “Mmenia bɔ bɛnwati bɛkɔfea ne, ebie ole me? Sona bɔ ɔte kyɛ me, aso odi kyɛ ɔnwati ɔkɔfea asɔneyɛɛ sua nu amaa onya ye ti odidi nu? Mengɔhɔ asɔneyɛɛ sua ne anu!”

YOB NWOMAA NE 15:21

Ahunundetelɛ ma ye so anu ndɔ ye, na ye asomdwee mmerɛ nu po, sɛkyefoɛ ne ba ye so.

Edwein 112:7

Onzuro ahunundetelɛ dwirɛ; ye adwene si ye pi, na ye wora wura AWURADE nu.

Edwein 53:5

Berɛ yeɛ esuronyi kandinga kɔtɔ bɛ so ɔ, esuronyi bɔ ebie ɔhhane bɛ le ɔ. Ofikyɛ bɛ bɔ bɛko betia wɔ ne, Nyameɛ kɔto bɛ mmowue kɔpete, ɛkɔma bɛ nyunu kogua ase, ofikyɛ Nyameɛ aye ye sa wafi bɛ bo.

Edwein 53:6

Ao, ahaa né Yisrael ngoalelɛ wafi Sion wawa! Na sɛ Nyameɛ ma ye maen bɛ sa kã b’agyapadeɛ bieku a, Yakob koli ahurusi, na Yisrael nye kɔgye.

Ɛksadɔso 11:8

Na wɔ mbanyi hemɔ amukoraa bɛkɔwa me nyunu bekoobu ndwerɛ bɛkɔhã kyɛ, ‘Fi wa kɔ, ɛne wɔ mmenia bɔ beli wɔ si amukoraa!’ Na ɛhe asi ne, ngofi wa ngɔhɔ.” Afei Mose fɛle ɛyaa hahii fili Faro nyunu berɛ hɔle.

Anyandera 10:9

Sona bɔ odi nahorɛ ne, ɔnate a ye nwo sonn, nakoso ebiala bɔ ɔnate atee tɛɛ so ne de, ye nwo dwirɛ kofite.

Anyandera 27:27

ekonya mbɔngye nyɔfonesue somaa kɔyɛ w’aleɛ, w’awuro ama aleɛ, ɔne w’afaneɛ mmaayaa mɔ bɛ noa aleɛ.

Yesaya 30:17

Bɛ nu ko nwo suronyi ɔkɔma mmenia apee kɔnwati, bɛ nu nnu nwo suronyi ɔkɔma ɛmɔkɔnwati, kɔpem kyɛ ɛmɔ ayieleɛ kɔyɛ kyɛ frangaa bɔ ogyi bokaa ti afia ɔ, kyɛ sɛngyerɛnneɛ bɔ ogyi pambaa so ɔ.

Yesaya 7:2

Na bɛbɔle Dawide awuro ama mɔ amaneɛ kyɛ, “Siria ne Efraim bayɛ apam” nen, Yuda hene Ahase ne ye mmenia bɛ nwo wosole bɛ tɛtɛtɛtɛ kyɛ ɛhɔayeɛ nu mmakaa bɔ mvrama woso bɛ ɔ.

Yeremia 20:4

Ofikyɛ bɔ AWURADE kã ɛhe: Tie, méfa wɔ meyɛ anwunanwuna nikye mema wɔ bɔbɔ wɔ nwo, ɔne wɔ mmango mɔ amukoraa; na bɛkɔtotɔ bɛ pɔfoɛ mɔ ngrandɛ noa wɔ aberɛ bɔ wɔ nye tua ɔ. Na ngɔfa Yuda amukoraa ngowura Babilɔn hene sa. Ɔkɔhye bɛ nnure kɔsoa bɛ kɔhɔ Babilɔn, na ɔkɔfa ngrandɛ kohũhũ bɛ.

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Lewitikɔso 26:36

Na ɛmɔ nu mmenia bɔ bekonya bɛ ti bekodidi nu ne, ngɔfa ahunundetelɛ ngɔto bɛ so wɔ bɛ pɔfoɛ mɔ aseɛ nemɔ aso. Nyaa bɔ mvrama bɔ ye ne, ye nwo dede po kɔmaa bɛkɔnwati, bɛkɔnwati kyɛ ebie bɔ ɔnwati fi ngrandɛ noa ɔ, na bekofifi ase wɔ aberɛ bɔ ebiala mvoa bɛ ɔ.

Asomafoɛ 14:3

Nakoso bɛtenane berɛ bɛhyɛle; besili b’ahone bedwudwole wɔ Awurade nu, na ye koso olili ye adom dwirɛ ne nwo adanzeɛ, na ɔfale bɛ so yɔle nzɛngyerɛnneɛ ne anwanwadeɛ.

Asomafoɛ 4:13

Na benwuni kyɛ Petro ne Yohane b’ahone yɛ se, ná besa benwuni kyɛ bɛte kwahweabaa mɔ bɔ bɛnze nwomaa nen, ɔyɛle bɛ nwanwa; na afei benwuni kyɛ bɛne Yesu yeɛ bɛnatele ɔ.

Deuteronomi 28:25

“AWURADE kɔmaa ekoli ngoguo wɔ wɔ pɔfoɛ mɔ nyunu. Ɛkɔfa atee ko aso kɔhɔ bɛ so, nakoso ɛkɔfa atee ahoroɔ nzoo so ɛkɔnwati kofi bɛ nyunu. Na edwirɛ bɔ ɔkɔto wɔ ne kɔyɛ aseɛ so ahennie mukoraati nwanwa.

Deuteronomi 28:7

“Wɔ pɔfoɛ mɔ bɔ bedwɔso betia wɔ ne, Nyameɛ kɔmaa bekoli ngoguo wɔ wɔ nyunu. Bɛkɔfa atee ko aso bɛkɔwa wɔ so, nakoso bɛkɔfa atee ahoroɔ nzoo so bɛkɔnwati bekofi wɔ nyunu.

1 Tɛsalonikafoɛ 2:2

Na ɔwɔ nu kyɛ yɛlili moa yɛnwuni amaneɛ, ná bɛbɔle yɛ alapaa wɔ Filipi, kyɛbɔ ɛmɔse ne, nakoso yɛsili y’ahone wɔ yɛ Nyameɛ nu kyɛ yɛkɔhã Nyameɛ nzɛmba ne yɛkohyire ɛmɔ, wɔ aberɛ bɔ bɛko betia yɛ ɔ.