Anyandera 27:8 - AHYERƐLƐ KRONGRON

⁸ Sona bɔ ofi ye awuro kokyinikyini ne, ɔte kyɛ anomaa bɔ ofi ye saen nu kokyinikyini ɔ.

Anyandera 27:8 Iomraidhean Croise

Gyenesise 21:14

Yiti Abraham dwɔsole ngyerɛmɔ tutuutu, na ɔfale aleɛ ne kɔndoa bɔ nzue wɔ nu mane Hagar fa tole ye kɔme anwo, na oguale ye ne ɔwa ne ate. Hagar sili nu hɔle, na oohyinihyini Beɛ Hyeba ɛserɛ so.

Gyenesise 4:16

Afei Kein fili AWURADE nyunu berɛ hɔle, na ɔɔtenane Nɔɔdo aseɛ so wɔ Eden eyia afiteleɛ.

1 Ahemvo 11:22

Nakoso Faro buale kyɛ, “Nzikyɛ yeɛ ohia wɔ me wa bɔ yiti yeɛ ɛpena kyɛ esa kɔ wɔ bɔbɔ wɔ maen nu ye?” Yeɛ Hadade sele kyɛ, “Hwee nhia me, nakoso maa ngɔ.”

1 Ahemvo 19:9

Oodwuli nyɔboɛ bɔ wasi sua bie anu wɔ berɛ, na ɔlale berɛ sɔ kɔngɔen ne. Yeɛ AWURADE lale ye dwirɛ ali hyirele Elia, na obisale ye kyɛ, “Elia, w’amaneɛ wɔ wa?”

Anyandera 21:16

Sona bɔ odi nimdeɛ atee nwo makyebu ne, awufoɛ mɔ nu yeɛ ɔkɔtena ɔ.

Anyandera 26:2

Kyɛbɔ akatipire tu tenatena, ná nandwinoma koso tu kyinikyini ne, sɔ ala yeɛ amoenwaa bɔ olle nyinasoɛ ne ongonzi huu ɔ.

Anyandera 27:7

Sona ko yi a, woɛ nyɛ ye akɔnnɔ; nakoso bɔ ɛhɔen ku ye de, aleɛ weewee biala yɛ ye fɛ.

Yesaya 16:2

Kyɛbɔ nnomaa mmaa bɔ bafoa bɛ bafi bɛ saen nu bɔ bekyinikyini ne bɛte ne, sɔ yeɛ Moabo mma mmrasua nemɔ bɛkɔyɛ wɔ Anɔn apɛleɛ ɔ.

Yona 1:3

Nakoso Yona dwɔsole kyɛ ɔnwati fi AWURADE nyunu ɔkɔ Tasise. Ɔhɔle Yopa, na onwuni ɛlɛen bie bɔ ɔkɔ Tasise ɔ. Yiti otuale ye ɛlɛen sikaa ne, na ɔfo ɔtenane nu kyɛ ɔnwati fi AWURADE nyunu ɔne bɛ kɔ Tasise.

1 Korintofoɛ 7:20

Ebiala hɔ so tena tebea bɔ né ɔwɔ nu koraka yeɛ Nyameɛ baafrɛ ye ne anu.

Yuda 1:13

bɛte ɛpo asorɔkye bɔ obu fa so, bɔ opu bɛ bɔbɔ b’animguaseɛ gua ɔ, nzramaa mɔ bɔ bekyinikyini bɔ basiesie awosii kabii bama bɛ ɔ.

1 Samuel 22:5

Na ngɔmhyɛlɛniɛ Gade sele Dawide kyɛ, “Nnɛtena anwoserɛ afealeɛ ne anu; fi nu kɔ Yuda aseɛ so.” Yiti Dawide fili berɛ, na osili nu hɔle Herete ɛhɔayeɛ nu.