Anyandera 27:23 - AHYERƐLƐ KRONGRON

²³ Odi kyɛ enwu kyɛbɔ wɔ mmoaen b’aporɛnuserɛ osi te ɔ, yeɛ odi kyɛ ɛnea wɔ nyɛmmoa mɔ so yé;

Anyandera 27:23 Iomraidhean Croise

Gyenesise 33:13

Nakoso Yakob sele ye kyɛ, “Me mene se kyɛ ngwadaa nemɔ bɛ mve ottini, yeɛ mmoaen ne nandwie bɔ bɛ mma tua nyɔfone noa koso boka me so; na sɛ yɛmaa bɛnate pee ɛlɛho a, ngaka ne amu kowuwu.

2 Aberɛso Dwirɛ 26:10

Osisili abandenden mɔ wɔ ɛserɛ ne aso, na otutuli abura pee, ofikyɛ né ole nyɛmmoa pee wɔ aseɛ frɛtɛɛ ne aseɛ pralaa ne aso. Né osa ole akuafoɛ mɔ ne bɛ bɔ betwi bobe nzaa wɔ mmokaa nemɔ aso ne aseɛ bɔ ɔkye aleɛ nemɔ aso, ofikyɛ né ye nye gye kua nwo.

Ɛksadɔso 7:23

Faro sá hɔle ye awuro, na wamva ɛhe po wanyɛ dwirɛ.

Anyandera 24:27

Siesie w’adwuma wɔ nekaa bie, duadua wɔ fieso nningyein yie, ná afei asi w’awuro.

Anyandera 24:32

Nwuni ye ne, ndwenene ye nwo yé, nneane, na nzuane nworɛ he mvili nu:

Yeremia 31:10

“Ao maen maen mɔ, ɛ́mɔtie AWURADE noa dwirɛ, ná ɛ́mɔbɔ ye dawure wɔ supɔ mɔ bɔ bɛwɔ dedeede ɔ so, ná ɛmɔhã kyɛ, ‘Bɔ ɔbɔle Yisrael sandene ne, okosa kɔboaboa bɛ noa kɔnea bɛ so kyɛbɔ mmoaenneafoɛ nea ye mmoaen kure so ɔ.’

Hesekiel 34:12

Na kyɛbɔ mmoaenneafoɛ ɔpena ye mmoaen bɔ babɔ aya ɔ bɛ boso, wɔ kyẽa bɔ ɔne bɛ wɔ berɛ ne, sɔ ala yeɛ ngɔpena me mmoaen nemɔ bɛ boso ɔ; na ngɔye bɛ ngofi nekaa mukoraa bɔ babɔ aya bahɔ ɔ, wɔ munungum ne awosii kabii kyẽa ne.

Hesekiel 34:31

Ɛmɔte me mmoaen kure, me mmoaen bɔ mema bɛ aleɛ ɔ, ɛmɔte mmenia, na me yeɛ nde ɛmɔ Nyameɛ ɔ, AWURADE Nyameɛ noa dwirɛ ɛne.”

Yohane 10:3

Ye yeɛ anoa wɛmvoɛ ne obukye ye ɔ; mmoaen nemɔ bɛte ye komvi, na ɔfa ye bɔbɔ ye mmoaen bɛ dumaa yeɛ ɔfa frɛ bɛ maa befite ɔ.

Deuteronomi 32:46

osele bɛ kyɛ, “Edwirɛ bɔ ɛnɛ kyẽa ye meka mefa medi adanzeɛ metia ɛmɔ ye, odi kyɛ ɛmɔfa besie ɛmɔ ti anu. Ɛ́mɔfa bɛ́tete ɛmɔ mma, amaa ɔnate so bɛ wora bali mmeraa he anu dwirɛ amukoraa so nahorɛ nu.

1 Petro 5:2

ɛ́mɔnea Nyameɛ mmoaen kure bɔ owura ɛmɔ sa ne aso, bɔ nna nhyɛsoɛ so ɔ, na mmom kyɛ ɛmɔkofia ɛmɔ kunu bɛkɔnea bɛ so kyɛbɔ Nyameɛ pena ɔ; bɔ nna adifuu ti ɔ, na mmom kyɛ ofi ɛmɔ ahone nu ti ɔ;

1 Samuel 17:28

Dawide aliɛma panyi Eliabo tele kyɛ ɔ́ka edwirɛ kyire koɛhonɛfoɛ nemɔ nen, ɔfɛle Dawide so yaa, na ɔhane kyɛ, “W’amaneɛ wɔ wa? Mmoaen kãa bie ne, nwa yeɛ ɛfale bɛ yakyili ye wɔ ɛserɛ ne aso ɔ? Mese kyɛbɔ esi te dwɛɛ ɔne adwene tɛɛ bɔ ɔwɔ wɔ ti anu ɔ. Koɛ ne ala yeɛ ɛwale kyɛ ɛbaanea ɔ!”