Anyandera 27:20 - AHYERƐLƐ KRONGRON

²⁰ Kyɛbɔ ɛborɔ ne Abadɔn bɛ ko nyi le ne, sɔ ala yeɛ kuro sona nye ɔneanea a ɔmvɛ ɔ.

Anyandera 27:20 Iomraidhean Croise

YOB NWOMAA NE 26:6

Ɛborɔ nwo la so wɔ Nyameɛ nyunu, yeɛ Abadɔn koso, ngatasoɛ biala nne so.

Anyandera 15:11

Sɛ ɛborɔ ne Abadɔn po bɛla berɛ too wɔ AWURADE nyunu a, ɔkɔyɛ sɛɛ bɔ kuro sona ti anu adwene kɔfea ye ɔ!

Anyandera 23:5

Kyɛ ɛbɔ wɔ nye perɛ ne, né watu wamini, ofikyɛ anwonya le ndaa, na otu kyɛ kɔleɛ ɔkɔ anwuro anwuro.

Anyandera 27:19

Kyɛbɔ sona nea nzue nu a onwu ye nyunu ne, sɔ ala yeɛ sona ye ti anu adwene okyire ye sona sue ɔ.

Nworɛ Dwirɛhanɛniɛ 1:8

Nningyein amukoraa yie ɛfɛɛ, ɛfɛɛ bɔ sona ngora ye kã ɔ; anyeɛ nea nikyee a ɔnde ye, yeɛ asoɛ tie dwirɛ a onyi.

Nworɛ Dwirɛhanɛniɛ 4:8

Sona bɔ wayɛ angonam bɔ olle ba anaa aliɛmaa ɔ, nakoso adwuma serɛ alaa yeɛ ɔkɔ so yɔ ɔ, na ye nye nzɔ ye anwonya bɔ wanya ye ɔ. Na obisa ye nwo kyɛ, “Adwuma bɔ mefɛ me nwo meyɔ, bɔ mama m’anigye abɔ me ye, nwa yeɛ mefɛ mema ye ɔ?” Ɛhe koso te mbaen ne adwuma fuin.

Nworɛ Dwirɛhanɛniɛ 6:7

Ɛfɛɛ amukoraa bɔ sona ɔfɛ ye, ye noa aleɛ ti ɔ, nakoso odidi a ɔnde ye.

Yesaya 5:14

Ye sɔ ne ati, ɛborɔ ye komvi ode ye tekɔtekɔ paa, wabukye ye noa nu fakaa, na Yerusalem animnyamfoɛ ne ye mmenia worawora ne ye lɔen ne bɛ bɔ bɛ nye gye ye nu ne, bekoowura nu.

Yeremia 22:17

Nakoso w’apoobɔlɛ anwonyadeɛ angome yeɛ wɔ nye ne w’ahone li ye si ɔ; ɔne kyɛ ɛkɔhã mogya bɔ odi be ɔ kogua, ɛkɔhyɛ mmenia so ná ekosisi bɛ ɔ.”

Habakuku 2:5

Afei koso, nzaa te nnakannaka, anwomasoɛniɛ ne ngɔtena berɛ daa. Ye akɔnnɔ nu trɛ kyɛ ɛborɔ, ɔte kyɛ ewue bɔ ye ko nyi le ɔ. Ɔko boaboa maen maen amukoraa noa ma ye nwo, na ɔkye mmenia amukoraa nnure ɔfa.”

Hagae 1:9

Né ɛmɔ nye la ate kyɛ ɛmɔkonya fieso nningyein pee, nakoso, ɛ́mɔnea, ɔyɛle aleɛ kaaba bie. Na ɛmɔfa bɛwale awuro nen, nhu nguale. Nzu ɔ? Bɔ Asafo AWURADE bisa hɔ ɛne. M’awuro ne bɔ wabubu wagua ne ati ɔ, wɔ aberɛ bɔ ɛmɔ de, ebiala nye aboro osi ye bɔbɔ ye awuro ɔ.

1 Yohane 2:16

Ofikyɛ bɔ ɔwɔ wiase amukoraa: anwoɔnaen akɔnnɔ, anyeboroborolɛ, asetena nu anwohoahoa offi Baba ne berɛ, na mmom ofi wiase.