Anyandera 27:18 - AHYERƐLƐ KRONGRON

¹⁸ Ebiala bɔ ɔnea borɔdoma bakaa so ne, odi ye mma ne bie, yeɛ bɔ ɔso ye mene ne koso, ye mene kɔhyɛ ye animnyam.

Anyandera 27:18 Iomraidhean Croise

2 Ahemvo 18:31

Nnɛma ɛmɔtɛ Hesekia so, ofikyɛ Asiria hene nwa: Ɛ́mɔfite bɛbra ná ɛmɔɔli ɛmɔ ti dwirɛ wɔ me berɛ, amaa ɔnate so ebiala wanya ye bɔbɔ ye fieso aleɛ wali, na wanya ye bɔbɔ ye abura nu nzue wano,

2 Ahemvo 3:11

Nakoso Yehosafate bisale kyɛ, “Aso AWURADE ngɔmhyɛlɛniɛ nne wa, bɔ yɛkɔhora yɛkɔfa ye so yɛkobisa AWURADE noa dwirɛ ɔ?” Yeɛ Yisrael hene somvoɛ nemɔ nu ko buale kyɛ, “Safate awa Elisa bɔ né ɔte Elia somvoɛ ne, ɔwɔ berɛ.”

2 Ahemvo 5:25

Gehasi oogyinane ye mene Elisa nyunu, na Elisa bisale ye kyɛ, “Gehasi, ɛhɔle ni?” Obuale kyɛ, “Wɔ somvoɛ, nngɔle neka fee.”

2 Ahemvo 5:27

Ɔnate ye sɔ ti, Naaman kwata anwonyerɛ ne kɔte kɔha wɔ ne wɔ boso ama so afebɔɔ.” Yiti Gehasi fili Elisa nyunu berɛ hɔle bɔ né kwata anwonyerɛ ayɛ ye ma ye nwo ayɛ horaenn kyɛ asukɔtwea ɔ.

Ɛseta 6:11

Yiti Haman ɔɔfale ataadeɛ ne wurale Modekae, ɔfale ye tenane pɔngɔ ne aso, olili ye nyunu fale ye fale kuro ne dwaaso, na ɔbɔle ye dawure kyɛ, “Sona bɔ Nana kuro kyɛ ɔbɔ ye aba so ne, sɔaa yeɛ odi kyɛ bɛyɛ ye hɔ oo.”

Edwein 123:2

Amba, kyɛbɔ ngoaa bɛ nye la bɔ bɛ mene ɔfa ma bɛ so, ɔne kyɛbɔ afaneɛ ye nye la bɔ ye mene brasua ɔfa ma ye so ne, sɔ ala yeɛ yɛ nye la AWURADE yɛ Nyameɛ so ɔ, kɔpem kyɛ okonwu yɛ anwumvoin ɔ.

Ɛksadɔso 24:13

Yiti Mose dwɔsole, ɔne ye bokafoɛ Yosua, na Mose hɔle Nyameɛ bokaa ne aso.

Anyandera 17:2

Kanganiɛ bɔ ɔse nworɛ ne, okoli baa bɔ ɔbɔ nyanzoen bra so tumi, na okonya aliɛmaa nemɔ b’agyapadeɛ ne bie.

Anyandera 22:29

Aso anwu sona bɔ ɔyɛ ye adwuma ferengyemm ɔ? Ahemvo mɔ yeɛ okonya atee kɔso bɛ ɔ, ɔngɔso kwahweabaa mɔ.

Anyandera 27:17

Bɛfa buralɛ yeɛ besi buralɛ ɔ, na sɔ ala yeɛ sona ma sona adwene nu bukye ɔ.

Anyandera 27:19

Kyɛbɔ sona nea nzue nu a onwu ye nyunu ne, sɔ ala yeɛ sona ye ti anu adwene okyire ye sona sue ɔ.

Edwein Nu Dwein 8:12

Me bobe boo bɔ me bɔbɔ me deɛ ahɔ ne, me bɔbɔ yeɛ menea so ɔ. O Solomon, ɛdwetɛ apee ko ne, ɔte wɔ deɛ, yeɛ bobe mmaa so hwɛsofoɛ nemɔ bɛ deɛ ɛyaa nyɔ.

Yesaya 36:16

Nnɛma ɛmɔtɛ Hesekia so, ofikyɛ Asiria hene nwa: Ɛ́mɔfite bɛbra beeli ɛmɔ ti dwirɛ wɔ me berɛ. Ɔba ye sɔ a, ɛmɔ nu biala konya ye bɔbɔ ye bobe ne ye borɔdoma koli, na okonya ye bɔbɔ ye abura nu nzue kɔno,

Mateo 24:25

Ɛ́mɔtie! Mali moa mahã mahyire ɛmɔ dada.

Mateo 24:46

Akoaa bɔ ye mene ba banwu ye kyɛ sɔ ala yeɛ ogu so ɔyɔ ne, onya saleɛ.

Marko 10:43

Nakoso ɛmɔ nu de, ɔnzɛ kyɛ ɔba ye sɔ ɔ. Na mmom ebiala bɔ ɔpena kyɛ ɔyɛ ɛmɔ so panyi nen, ɔsɛ kyɛ ɔyɛ ɛmɔ somvoɛ;

Luka 12:37

Na ngoaa bɔ bɛ mene ba a, ɔbato bɛ kyɛ bɛwɛne ne, benya saleɛ! Nahorɛ nu, mekã mekyire ɛmɔ kyɛ, ɔkɔbɔ ye abɔsoɛ, ɔkɔmaa bɛkɔtena poen nwo, ná wawa waaso bɛ.

Luka 12:42

Na Awurade buale kyɛ, “Nwa ole awuro so neafoɛ nahorɛniɛ ne nworɛniɛ ne, bɔ ye mene kɔfa ye awuro berɛ ngoaa mɔ kowura ye sa, kyɛ ɔma bɛ b’aleɛ wɔ mmerɛ bɔ ɔsɛ ɔ nu ɔ?

Luka 19:17

Yeɛ osele ye kyɛ, ‘Mmo, akoaa paa! Ɔnate kyɛ ali kãa bie nwo nahorɛ ne ati, nea nguro buru so.’

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Asomafoɛ 10:7

Na abɔfo ne dwudwo hyirele Kɔneleo yiele, ná ɔhɔle nen, Kɔneleo frɛle ye somvoɛ nemɔ anu nyɔ ne asraaniɛ nyamesuroniɛ ko bɔ ɔboka Kɔneleo somvoɛ nemɔ aso ɔ.

1 Korintofoɛ 3:8

Bɔ oluale ne, ɔne bɔ oguaguale so nzue ne, bɛ mukoraa pɛ, na bɛ nu biala sa kɔha ye akatuaa kyɛbɔ ye bɔbɔ ye adwuma si te ɔ.

1 Korintofoɛ 9:13

Aso ɛmɔnze, kyɛ bɛ bɔ bɛyɔ nningyein krongron nemɔ nwo adwuma ne, benya bɛ noa aleɛ befi asɔneyɛɛ sua ne anu ɔ? Yeɛ bɛ bɔ bɛso wɔ afɔleɛ bokyea ne anwo ne, benya afɔleɛbɔlɛ nningyein ne bie ɔ?

1 Korintofoɛ 9:7

Nwa yeɛ ɔkɔ koɛ ná ye bɔbɔ yeɛ otua ye nwo kerɛ ɔ? Nwa yeɛ ɔyɔ mmakaammaa boo bɔ onni ye mma ne bie ɔ? Anaakyɛ nwa yeɛ ɔnea nandwie so ná ɔnno bɛ nyɔfonesue ne bie ɔ?

Kolosefoɛ 3:22

Ngoaa mɔ, ɛ́mɔyɛ sotie bɛ́ma ɛmɔ anwoɔnaen nu meneɛ mɔ wɔ nikyee biala nu. Nnɛma ɛmɔyɔ ye bɛ nye so mbaen, kyɛ ɛmɔyɔ ma sona kamvo ɛmɔ ɔ, na mmom ɛ́mɔfia ɛmɔ kunu bɛyɔ ye kyɛ mmenia bɔ besuro Awurade ɔ.

2 Timoteo 2:6

Kuaniɛ bɔ ɔyɔ adwuma ne, ye yeɛ ɔsɛ kyɛ odi moa di nu aleɛ ne bie ɔ.

1 Petro 2:18

Ngoaa mɔ, ɛ́mɔfa esuronyi amukoraa bɛbrɛ ɛmɔ nwo ase bɛ́ma ɛmɔ mene mɔ. Nna meneɛ mɔ bɔ bɛte paa ná bedwo angome, na mmom meneɛ atianuserɛfoɛ koso bɛboka so.

1 Petro 2:21

Na ɛhe ati yeɛ bɛfrɛle ɛmɔ ɔ, ofikyɛ ɔnate yɛ ti Kristo koso nwuni amaneɛ, na ɔfa yɛle nhwɛsoɛ mane yɛ, kyɛ ɛmɔ koso ɛ́mɔtu ye agyirɛ ne bie.

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.