Anyandera 27:17 - AHYERƐLƐ KRONGRON

¹⁷ Bɛfa buralɛ yeɛ besi buralɛ ɔ, na sɔ ala yeɛ sona ma sona adwene nu bukye ɔ.

Anyandera 27:17 Iomraidhean Croise

Anyandera 27:16

Sɛ ɛpena kyɛ ɛma braa ne yakyi a, ɔte kyɛ ɛma mvrama yakyi tulɛ ɔ, anaa ɔte kyɛ ɛfa wɔ sa famaa ebuma ngoo ɔ.

Anyandera 27:18

Ebiala bɔ ɔnea borɔdoma bakaa so ne, odi ye mma ne bie, yeɛ bɔ ɔso ye mene ne koso, ye mene kɔhyɛ ye animnyam.

Anyandera 27:9

Kyɛbɔ sakyeɛfona ne ayirefona ma sona nye gye ne, sɔ ala yeɛ adamvoa nu fɛɛ, bɔ ɔte foɛtulɛ paa bɔ ɔfa ma wɔ te ɔ.

Anyandera 29:22

Sona bɔ okuro ɛyaafɛlɛ ne, ɔtwetwe ngondii ba, yeɛ bɔ ɔma ye ahone hu ne, ɔto mmeraa pee.

Yohane 11:29

Na ɔtele ɛhe nen, odwɔsole ndɛndɛ ooyiale ye.

1 Tɛsalonikafoɛ 3:3

amaa sɔ amaneɛnwunɛ hemɔ ammo ɛmɔ nu biala so. Ofikyɛ ɛmɔ bɔbɔ ɛmɔse kyɛ amaneɛnwunɛ bɔ odi kyɛ yɛnwu ye hɔ ala ɛne.

2 Timoteo 1:12

Na ɔnate ɛhe ati yeɛ menwu amaneɛ hemɔ ye, nakoso ɔnyɛ me nya; ofikyɛ mese bɔ male ye mali ne, na mede medi kyɛ ɔkora ɔbɔ bɔ mafa mawura ye sa ne nwo waen maa okoodwu Kyẽa ne.

2 Timoteo 1:8

Yiti nnɛma y’Awurade adanzeɛlilɛ ne ɔyɛ wɔ nya, anaa me bɔ nde ye kukununiɛ ne me nwo yɛ wɔ nya; na mmom nya kyɛfa wɔ nzɛmba ne nwo amaneɛnwunɛ nu, kyɛbɔ Nyameɛ tumi ɔte ne.

2 Timoteo 2:3

Na wɔ koso, mia wɔ nye nwu amaneɛ kyɛ Kristo Yesu sraaniɛ paa.

Hebrifoɛ 10:24

Ɛ́mɔma yɛpena atee bɔ yɛkɔfa so yɛkɔbokaboka yɛ nwo bɔ ɔkɔmaa yɛkohyire ɔdɔ ná yayɔ nnwumaa paa ɔ.

Yakobo 1:2

Nniɛma mɔ, sɛ nzɔhwɛ ahoroɔ toto ɛmɔ a, ɛ́mɔbu ye kyɛ ɔte anigye nikye;

Yosua 1:18

Na sona biala bɔ okohwi kɔfa wɔ dwirɛ so, ná wandie wɔ dwirɛ anaa wɔ nhyehyɛleɛ biala nen, ɔsɛ kyɛ beku ye. Wɔ de, gyina pindinn ná ma w’ahone yɛ se.”

Yosua 2:24

Na besele Yosua kyɛ, “Amba, AWURADE afa aseɛ ne amukoraa wawura yɛ sa. Ɔnate yɛ ti ahunundetelɛ atɔ aseɛ ne aso ama mukoraati so dada.”

1 Samuel 23:16

Yeɛ Sɔɔlo awa Yonatan sili nu hɔle Dawide berɛ wɔ Horese, na ɔkyekyele Dawide wora kyɛ Nyameɛ kɔbɔ ye nwo waen.