Anyandera 27:10 - AHYERƐLƐ KRONGRON

¹⁰ Nnɛpo wɔ damvo ne wɔ baba damvo; yeɛ sɛ edwirɛ to wɔ a, nnɛkɔ eliɛma awuro, na mmom sona bɔ ɔte pingye wɔ ne, ɔkɔhora kɔboka wɔ kɔtra eliɛma bɔ ɔwɔ dedeede ɔ.

Anyandera 27:10 Iomraidhean Croise

2 Samuel 19:24

Sɔɔlo anomaa Mefibosɛte hɔle ooyiale Nana Dawide. Né wayakyi ye gya boen maa wafu, wama ye kanza afu funyaenn, na ye ndaadeɛ koso né ɔppole, fite kyẽa bɔ Nana Dawide fili Yerusalem maa oodwuli kyẽa bɔ osa wale asomdwee nu ɔ.

2 Samuel 19:28

Nana, me mene, ahaa me baba abusuafoɛ mukoraa, ehunɛ yeɛ yɛfata kyɛ eku yɛ ɔ. Nakoso amaa me, wɔ somvoɛ, maboka mmenia bɔ bedidi wɔ poen so ne aso. Nana, nzikyɛ bieku yeɛ ngɔhora ngobisa ngofi wɔ berɛ ɔ?”

2 Samuel 21:7

Nakoso Sɔɔlo anomaa Mefibosɛte bɔ ɔte Yonatan awa ne de, Nana Dawide maa onyane ye ti didili nu, ɔnate kyɛ né Dawide ne Sɔɔlo awa Yonatan bɛ munyɔ bafa AWURADE bata bɛ nwo ndaen.

2 Aberɛso Dwirɛ 24:22

Nana Yoase wangaye paa bɔ Sakaria baba Yehoada ɔyɔ mane ye ne, na mmom ohuni ɔwa ne. Mmerɛ bɔ beku Sakaria ne, ɔteane nu kyɛ, “AWURADE ɔ́nea bɔ ɛmɔyɔ ye, ná otua ɛmɔ so kerɛ!”

Anyandera 17:17

Adamvoa kuro wɔ dwirɛ mmerɛ biala, yeɛ w’amaneɛnwunɛ nu ti yeɛ bɛwole eliɛma ɔ.

Anyandera 18:24

Abiɛngoɛ biemɔ fa sona kɔ sɛkyelɛ nu, nakoso abiɛngoɛ bie bata wɔ tra aliɛmaa.

Anyandera 19:7

Sɛ ehianiɛ oliɛma mɔ amukoraa po bɛpɔ ye a, ɔkɔyɛ sɛɛ bɔ ye damvo mɔ bɛngɔhwe bɛ nwo ngofi ye nwo ɔ! Ɔpena bɛ ɔne bɛ dwudwo a, onnya bɛ.

Yeremia 2:5

AWURADE nwa nyoo: “Nzikyɛ mvomsoɛ yeɛ ɛmɔ nana mɔ benwuni ye wɔ me nwo, bɔ ɔnate so bɛhwene bɛ nwo befili me nwo bɛhɔle dedeede beelili nningyein mbaen mbaen si, maa bɛ koso bɛkakyili mmenia mbaen ɔ?

Asomafoɛ 23:12

Aleɛ hyene nen, Yudafoɛ biemɔ yɛle ko bɛfale adwene; na bɛtale ndaen kyɛ bengodidi anaa bɛngɔno hwee, sana banya Pɔɔlo bahu ye koraa.

Deuteronomi 22:1

“Sɛ enwu kyɛ eliɛngo nandwie anaa boaen ate, ná wamini a, nnɛyakyi ye maa ɔkɔ, na mmom fa ye sá kɔma ye mene.