Anyandera 26:5 - AHYERƐLƐ KRONGRON

⁵ Ma kwaseaa ye ngwaseasɛm nwo mmuayɛɛ, anyɛ a, ɔkɔdwene kyɛ ɔse nworɛ.

Anyandera 26:5 Iomraidhean Croise

Anyandera 26:12

Yeɛ anwu sona bɔ obu ye nwo kyɛ ye de ɔse nworɛ ɔ? Sɔ sona ne, anyelasoɛ wɔ berɛ ma ngwaseafoɛ tra ye.

Anyandera 26:4

Kwaseaa kã ngwaseasɛm a, nnɛtɛ ye so, anyɛ a, wɔ koso ɛkɔyɛ kwaseaa kyɛ ye ala.

Anyandera 26:6

Sɛ ɛfa ngraa soma kwaseaa a, ɔpepɛ ye bɔbɔ ye gya gua, yeɛ ɔtwetwe musue dwirɛ ba.

Anyandera 28:11

Sikaniɛ bu ye nwo kyɛ ɔte nworɛniɛ, nakoso ehianiɛ bɔ ɔte badwemma ne de, ɔma sikaniɛ ne bo da so.

Anyandera 3:7

Nnɛbu wɔ nwo nworɛniɛ, suro AWURADE, ná twe wɔ nwo fi bɔne nwo.

Yesaya 5:21

Bɛ yaakɔ! Bɛ bɔ bɛdwene kyɛ bɛte nworɛfoɛ, ná bɛdwene kyɛ bɛte badwemma ɔ!

Yohane 8:7

Na begu so bebisabisa ye dwirɛ nen, ɔtengyɛle ye nu sele bɛ kyɛ, “Ɛmɔ nu ko bɔ bɔne nne ye nwo ne, maa oli moa ɔto nyɔboɛ bɔ ye.”

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

Romanfoɛ 12:16

Ɛmɔ amukoraa bɛ́yɛ adwene ko; na nnɛma ɛmɔmoma ɛmɔ nwo so, na mmom ɛ́mɔbrɛ ɛmɔ nwo ase. Nnɛma ɛmɔbu ɛmɔ nwo nworɛfoɛ.

Tito 1:13

Sɔ adanzeɛ he te nahorɛ, yiti twi bɛ nyunu paa, amaa ɔnate so bagyina pindinn wɔ gyidie ne anu;