Anyandera 26:24 - AHYERƐLƐ KRONGRON

²⁴ Pɔfoɛ noa dwirɛ te menemene, nakoso ɔbɔ nnakannaka porɛ wɔ ye ti anu.

Anyandera 26:24 Iomraidhean Croise

Gyenesise 34:13

Ɔnate kyɛ Sɛkem ato Dina mmɔnaa ne ati, Yakob mma mmienzua nemɔ buale Sɛkem ne ɔse Hamɔ wɔ nnakannaka atee so.

2 Samuel 13:26

Yeɛ Absalom sele kyɛ, “Sɛ engonya ye nwo a, ye de mesrɛ wɔ, ma nniɛma Amnɔn ɔne yɛ hɔ.” Na Nana Dawide bisale ye kyɛ, “Nzu ati yeɛ ɛpena kyɛ ɔne wɔ bɛkɔ ɔ?”

2 Samuel 13:27

Nakoso Absalom hɔle so srɛle Nana Dawide. Na afei ɔmane Amnɔn, yeɛ ye mma mmienzua ngaa ne amu bɛ ne Absalom hɔle. [Absalom poen bɔ ɔtole ne, ɔte kyɛ ahemvo poentolɛ.]

2 Samuel 20:9

Na Yoabo sele Amasa kyɛ, “Nniɛma, wɔ nwo te sɛɛ?” Afei Yoabo le ye sa famaa sɔle Amasa kanza nu kyɛ ɔkwaatɔ ye nu yɛ ye atuu.

Nehemia 6:2

Yeɛ Sanbalate ne Gesem bɛsomane maa beesele me kyɛ, “Bra maa yɛyia wɔ Ono aseɛ frɛtɛɛ so nguraa nemɔ ko anu.” Nakoso né babɔ me nwo porɛ tɛɛ.

Edwein 12:3

AWURADE, bɛ bɔ bɛdɛfɛdɛfɛ ne, kã bɛ noa to nu, yeɛ bɛ bɔ bɛfa bɛ noa bɛkã anwomasoɛ dwirɛ mbiri ne,

Edwein 28:3

Nnɛfa me fra bɔnefoɛ ne nzɛmmɔnefoɛ ɛtwe me so. Bɛ yeɛ bɛkã asomdwee nwo dwirɛ bekyire bɛ mmango, nakoso bɔne yeɛ ɔwɔ bɛ ti anu ɔ.

Edwein 41:6

Sɛ ebie bapasa me nwo a, edwirɛ bɔ ɔkã ne, nna ye ahone nu yeɛ ofi ɔ, nzɛmmɔne yeɛ osusu ye nwo wɔ ye ti anu ɔ; na sɛ ofi me nwo berɛ kɔ a, ɔfa kotene.

Anyandera 10:18

Bɔ ɔpɔ sona, nakoso ɔkatakata so ne, ɔnga nahorɛ, yeɛ bɔ ɔkekã obiɛngo nwo dwirɛ sɛkye ye ne, ɔte kwaseaa.

Anyandera 11:1

Tonyi bɔ bawura nu te AWURADE akyiwadeɛ, nakoso ye nye sɔ asusudeɛ nyɔboɛ bɔ ɔkã nahorɛ ɔ.

Anyandera 12:17

Sona bɔ ɔkã nahorɛ ne, ɔda pɛpɛɛpɛyɛlɛ ali, nakoso bɔ odi adanzewia de, ɔpɛ ngondombo.

Anyandera 12:20

Bɛ bɔ bɛdwene adwene tɛɛ ne, nnakannaka wɔ bɛ ti anu, nakoso bɛ bɔ betu asomdwee nwo foɛ de, benya anika.

Anyandera 12:5

Teneneeniɛ ye ti anu adwene te paa, nakoso bɔnefoɛ foɛtulɛ de, ɔte nnakannaka.

Anyandera 14:8

Badwemma ye nworɛ ne, ɔmaa ɔdwene bɔ ɔyɔ ɔ nwo, nakoso ngwaseafoɛ bɛ gyiminɛ te nnakannaka.

Anyandera 23:7

ofikyɛ ɔyɔ sɔ sona nye so mbaen, na ose wɔ kyɛ, “Didi ná no,” nakoso nna ye kunu ɔ.

Yeremia 9:4

Odi kyɛ ebiala ɔnea ye nwo yé wɔ obiɛngo anwo, na nnɛfa wɔ wora wura eliɛma nu, ofikyɛ aliɛmaa biala ɔpepɛ sona gya ndii nu, na abiɛngoɛ biala ɔnate di nzekure.

1 Samuel 18:17

Afei Sɔɔlo sele Dawide kyɛ, “Nea, mma brasua panyi Merabo ɛhe. Ngɔfa ye ngɔmaa ekogya, nakoso sana etu wɔ nwo sie berɛ ma me, ná ɛko AWURADE koɛ ne.” Né Sɔɔlo adwene ole kyɛ, “Me de, mengɔfa me sa mengɔhã ye; Filistifoɛ yeɛ mekuro kyɛ beku ye ɔ.”