Anyandera 26:2 - AHYERƐLƐ KRONGRON

² Kyɛbɔ akatipire tu tenatena, ná nandwinoma koso tu kyinikyini ne, sɔ ala yeɛ amoenwaa bɔ olle nyinasoɛ ne ongonzi huu ɔ.

Anyandera 26:2 Iomraidhean Croise

2 Samuel 16:12

Ebiaa AWURADE kɔnea m’amaneɛnwunɛ ye, na ɔkɔkakyi amoen bɔ baboro me ɛnɛ ye maa ngonya saleɛ.”

2 Samuel 16:8

Sɔɔlo bɔ atu ye ali ye bia ne, ye abusuafoɛ mogya mukoraa bɔ aha agua ne, AWURADE atua wɔ so kerɛ! AWURADE ale ahennie ne wafi wɔ sa nu wama ɛwa Absalom. Abue yeɛ wabu wɔ ɔ, ofikyɛ ɛte kodiawuniɛ!”

Nehemia 13:2

ofikyɛ bamva aleɛ ne nzue banzo Yisraelfoɛ wɔfoɛ, na mmom bɛbɔle Balaam paa kyɛ ɔɔnoma bɛ. Nakoso yɛ Nyameɛ mane ɛnomalɛ ne kakyili saleɛ.

Edwein 109:28

Bɛ de bɛnoma, nakoso wɔ de eyira. Sɛ bɛba me so a, ma bɛ nyunu gua ase, nakoso wɔ somvoɛ de, ma ye nye gye.

Anyandera 27:8

Sona bɔ ofi ye awuro kokyinikyini ne, ɔte kyɛ anomaa bɔ ofi ye saen nu kokyinikyini ɔ.

Yesaya 16:2

Kyɛbɔ nnomaa mmaa bɔ bafoa bɛ bafi bɛ saen nu bɔ bekyinikyini ne bɛte ne, sɔ yeɛ Moabo mma mmrasua nemɔ bɛkɔyɛ wɔ Anɔn apɛleɛ ɔ.

Numeri 23:8

Meyɛ sɛɛ né manoma mmenia bɔ Nyameɛ ɔnnomane bɛ ɔ? Meyɛ sɛɛ né mawa mmenia bɔ AWURADE ɔppole bɛ ɔ amoen?

1 Samuel 17:43

Na Filistiniɛ ne sele Dawide kyɛ, “Mmokuroma yeɛ ɛfa ba me so ɔ, nde kyea hɔ ɔ?” Afei Filistiniɛ ne fale ye nyameɛ mɔ payele Dawide.