Anyandera 25:27 - AHYERƐLƐ KRONGRON

²⁷ Woɛtafelɛ pee ɔtte mayee, na sɔ ala yeɛ sɛ ɛpena animnyam ma wɔ nwo a ɔtte mayee ɔ.

Anyandera 25:27 Iomraidhean Croise

Anyandera 25:16

Sɛ enwu woɛ a, nnɛtafe ye adifuu, anyɔ a, ɔkɔfo wɔ boɛ so maa ɛkɔfe.

Anyandera 25:2

Mvealeɛ nu dwirɛ te Nyameɛ ye animnyam, na ahemvo mɔ b’animnyam ole kyɛ bɛkɔfeefee edwirɛ nu ɔ.

Anyandera 27:2

Ma ebie ɔkamvo wɔ, wɔ bɔbɔ nnɛkamvo wɔ nwo, ma ebie mbaen ɔhã, wɔ bɔbɔ nnɛte wɔ noa kã.

Luka 14:11

Ofikyɛ ebiala bɔ ɔma ye nwo so ne, bɛkɔbrɛ ye ase; na bɔ ɔbrɛ ye nwo ase ne, bɛkɔma ye so.”

Yohane 5:44

Ɔkɔyɛ sɛ né ɛmɔale bali, ɛmɔ bɔ ɛmɔhyehyɛ ɛmɔ nwo ɛmɔ nwo animnyam, bɔ ɛmɔmbena animnyam bɔ ofi Nyameɛ komapɛ ne berɛ ɔ?

2 Korintofoɛ 12:1

Ye nwo nhia kyɛ ngɔhoahoa me nwo ɔ, nakoso ngɔhã Awurade nyekyire, ɔne bɔ waye wahyire me nwo dwirɛ.

2 Korintofoɛ 12:11

Mayɛ kwaseaa mahoahoa me nwo, nakoso ɛmɔ yeɛ bamaa mayɛ sɔ ɔ, ofikyɛ ɛmɔ yeɛ ɔsɛ kyɛ ɛmɔkamvo me bekyire ɔ. Na sɛ nnde huu po a, sɔ “asomafoɛ atitire” nemɔ de bɛndra me wɔ atee biala so.

Filipifoɛ 2:3

Nnɛma ɛmɔfa pɛsɛmangomenya anaa nduhoɛ bɛyɔ nikyee biala, na mmom ɔsɛ kyɛ ɛmɔfa anwobrɛaseɛ adwene bebu ɛmɔ mmango mɔ bɛtra ɛmɔ bɔbɔ ɛmɔ nwo.