Anyandera 25:25 - AHYERƐLƐ KRONGRON

²⁵ Ndɛenvɛen bɔ okofi dedeede kɔwa ne, ɔte kyɛ afa nzue frɔlɔɔ ama sona bɔ nzuhɔen ku ye ɔ.

Anyandera 25:25 Iomraidhean Croise

Gyenesise 45:27

Nakoso bɛhane bɔ Yosef aha ahyire bɛ ne amu behyirele Yakob. Na Yakob nwuni teaseɛnam mɔ bɔ Yosef asoma kyɛ bɛfa bɛɛfa ye nen, ye kra wale ye nwo.

2 Samuel 23:15

Na Dawide le aworadɔlɛ hane kyɛ, “Abura bɔ ɔwɔ Betlehem kuro berɛ pambim ne anwo ne, sɛ ebie sa nu nzue brɛ me maa meno a, ahaa mekuro.”

Edwein 63:1

Ao Nyameɛ, wɔ yeɛ ɛte me Nyameɛ ɔ, mepena wɔ serɛserɛ; me kra wora adɔ wɔ, me nwonaen ayɛ hodwoo ɔpena wɔ kyɛ aseɛ wosee katerepee bɔ ɔpena nzue ɔ.

Ɛksadɔso 17:6

Tie, ngoogyina wɔ nyunu wɔ dɔ, wɔ nyɔbotaen ne aso wɔ Horebo. Fa fĩ nyɔbotaen ne aso, na nzue kofi nu kɔwa kɔma mmenia ne konya bie kɔno.” Na Mose yɔle sɔ wɔ Yisrael mbanyi nemɔ nyunu.

Anyandera 15:30

Wɔ nyunu yɛ ɛsereserelɛ a, ɔma wɔ nye gye, yeɛ ndɛenvɛen maa sona aporɛ nu yɛ se.

Anyandera 25:26

Teneneeniɛ bɔ ɔkɔma ye nwo ate kɔma bɔnefoɛ kɔsɛkye ye ne, ɔte kyɛ mbombonzue bɔ baponda ye, anaa abura nu nzue bɔ basɛkye ye ɔ.

Yesaya 52:7

Sona bɔ ɔso ndɛenvɛen nate mmokaa nemɔ aso ne, kyɛbɔ ye gya bo osi yɛ nyemene ɔ! Ɔbɔ asomdwee nwo dawure, ɔso edwirɛ paa nwo ndɛenvɛen, ɔbɔ ngoalelɛ nwo dawure, na ose Sion kyɛ, “Wɔ Nyameɛ ne, odi hene.”

Yesaya 55:1

“Huuu, ɛmɔ bɔ nzuhɔen ku ɛmɔ ee, ɛmɔbra nzue ne anwo oo; ɛmɔ bɔ ɛmɔlle sikaa po ne, ɛmɔbra bɛɛtɔ ná beli oo! Ɛmɔbra bɛɛtɔ nzaa ne nyɔfonesue bɔ ɛmɔngɔfa sikaa yeɛ bɛkɔtɔ ɔ, bɔ nyɔboɛ biala ɔlla so ɔ.

Yeremia 18:14

Lebanon asukɔtwea, aso ɔyakyi Sirion nyɔbotaen so falɛ anaa? Ye nzue yurukuku bɔ ɔtengyɛ fi dedeede ba ne, aso ɔwewe anaa?

Nahum 1:15

Nea mmokaa nemɔ aso dɔ kyɛ ɔba ɔ, bɔ ɔso ndɛenvɛen, bɔ ɔbɔ asomdwee nwo dawure ne! Ao Yuda, di w’aluolue krongron nemɔ, tua w’aboadeɛ nemɔ, ofikyɛ bɔnefoɛ ne ngɔfa koɛ ngɔtoa wɔ ko, bama ye boso amini bɔkɔɔ.

Yohane 7:37

Na kyẽa bɔ ɔpɛ ye bo, bɔ ɔte aluolue ne anu kyẽa piri ne, Yesu dwɔso gyinane, na ɔteane nu hane kyɛ, “Sɛ nzuhɔen ku ebie a, ɔbra me berɛ ɔɔno nzue oo.

Romanfoɛ 10:15

Na sɛ banzoma mmenia a, ɔkɔyɛ sɛɛ ná babɔ edwirɛ ne dawure? Kyɛbɔ bahyerɛ ye kyɛ, “Bɛ bɔ bɛso ndɛenvɛen bɛnate ne, kyɛbɔ bɛ gya bo osi yɛ nyemene ɔ!”

1 Timoteo 1:15

Ɛhe te nahorɛ dwirɛ bɔ ɔsɛ kyɛ bede bɛto nu bɔkɔɔ ɔ, kyɛ Kristo Yesu wale wiase oolele bɔnefoɛ bɔ nde bɛ hene ne ngoa.

Yosua 22:33

B’amaneɛ ne yɛle Yisraelfoɛ fɛ. Yisraelfoɛ yele Nyameɛ ayɛ, na banyɛ b’adwene ko kyɛ bɛkɔɔfa koɛ bɛkɔtoa Rubenfoɛ ne Gadefoɛ, bɔ ɔkɔmaa bekohũhũ b’aseɛ ne aso ama ná basɛkye so nningyein ɔ.

Nyekyire 21:6

Na osele me kyɛ, “Wayie! Me ole Alfa ne Omega, Ahyɛaseɛ ne Ayieleɛ. Ebiala bɔ nzuhɔen ku ye ne, ngɔfa ngoa asue ti nu nzue ngɔma ye kyɛkyɛ.

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.