Anyandera 25:22 - AHYERƐLƐ KRONGRON

²² ofikyɛ sɛ ɛyɔ sɔ a, né asuso see nzramaa agua ye ti afia, na AWURADE kɔma wɔ ye nwo akatuaa paa.

Anyandera 25:22 Iomraidhean Croise

2 Samuel 16:12

Ebiaa AWURADE kɔnea m’amaneɛnwunɛ ye, na ɔkɔkakyi amoen bɔ baboro me ɛnɛ ye maa ngonya saleɛ.”

2 Aberɛso Dwirɛ 28:15

Yeɛ sɔ mmenia nemɔ bɔ babobɔ bɛ dumaa ne, bedwɔsole belele mmenia bɔ bahye bɛ nnure ne, na bɛfale nzesadeɛ ne anu ndaadeɛ ne bie bewurale ebiala bɔ né ye nwo la so ɔ. Bewurale bɛ ndaadeɛ ne mmaboa, bɛmane bɛ aleɛ ne nzue, na bɛtetale bɛ ngena nu ayire. Bɛfale bɛ bɔ bayɛ mmerɛ ne amukoraa bɛtenatenane afunum so, na bɛfale bɛ bɛɛmane b’abusuafoɛ wɔ Yeriko bɔ ɔte ayee kuro ne. Afei besale bɛ si bɛwale Samaria.

Mateo 10:13

Sɛ awuro berɛ ama bede ɛmɔ nyemene so a, ɛ́mɔma ɛmɔ asomdwee ne ɔbra awuro ne aso; nakoso sɛ banne ɛmɔ nyemene so de a, ye de ɛ́mɔma ɛmɔ asomdwee ne osa bra ɛmɔ berɛ.

Mateo 6:4

ama w’adɔeɛyɛlɛ ne ayɛ mvealeɛ nu dwirɛ; na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

Mateo 6:6

Na wɔ de, sɛ ɛ́bɔ mbaeɛ a, kɔ wɔ sua nu, to w’anoa ne anu, ná bɔ mbaeɛ kyire wɔ Baba bɔ ɔwɔ mvealeɛ nu ne, na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

1 Korintofoɛ 15:18

Né nzaade Kristo nu agyidifoɛ koso bɔ balela ne bamini.

1 Samuel 24:18

Ɛnɛ amaa manwu kyɛbɔ asi alo me ɔ, ofikyɛ mmerɛ bɔ AWURADE fale me wurale wɔ sa ne, angu me.