Anyandera 25:21 - AHYERƐLƐ KRONGRON

²¹ Sɛ ɛhɔen ku wɔ pɔfoɛ a, ma ye aleɛ ma oli, yeɛ sɛ nzuhɔen ku ye a, ma ye nzue ma ɔno;

Anyandera 25:21 Iomraidhean Croise

2 Ahemvo 6:22

Nakoso Elisa buale kyɛ, “Daabi, nnɛkũkũ bɛ. Aso mmenia bɔ ɛkɔfa wɔ ngrandɛ ne w’agyaen kɔhye bɛ nnure ne, odi kyɛ ekũkũ bɛ anaa? Brɛ bɛ aleɛ ne nzue maa bedidi na bɛno, na maa besa bɛhɔ bɛ mene dɔ.”

2 Aberɛso Dwirɛ 28:15

Yeɛ sɔ mmenia nemɔ bɔ babobɔ bɛ dumaa ne, bedwɔsole belele mmenia bɔ bahye bɛ nnure ne, na bɛfale nzesadeɛ ne anu ndaadeɛ ne bie bewurale ebiala bɔ né ye nwo la so ɔ. Bewurale bɛ ndaadeɛ ne mmaboa, bɛmane bɛ aleɛ ne nzue, na bɛtetale bɛ ngena nu ayire. Bɛfale bɛ bɔ bayɛ mmerɛ ne amukoraa bɛtenatenane afunum so, na bɛfale bɛ bɛɛmane b’abusuafoɛ wɔ Yeriko bɔ ɔte ayee kuro ne. Afei besale bɛ si bɛwale Samaria.

YOB NWOMAA NE 24:23

Ɔbɔ bɛ nwo waen ogyina bɛ si, nakoso ye nye li b’atee bɔ bɛnate so ɔ si.

Anyandera 24:17

Wɔ pɔfoɛ fĩ ase a, nnɛmaa ɔyɛ wɔ fɛ, yeɛ sɛ osoti koso a, nnɛma wɔ nye gye,

Anyandera 24:29

Nnɛkã kyɛ, “Edwirɛ bɔ wafa wali me ne, me koso ngɔfa bie ngoli ye, bɔ wayɔ ne, ngɔyɔ bie ngotua ye so.”

Anyandera 25:20

Sɛ ɛto dwein kyire ebie bɔ ye wora abɔ a, ɔte kyɛ apa wɔ nwo tena wɔ ɛyerɛ mmerɛ nu, anaa ɔte kyɛ nzaa kekarekekare bɔ afa agua kena nu ɔ.

Mateo 5:44

Nakoso me de, mekã mekyire ɛmɔ kyɛ, ɛ́mɔhuro ɛmɔ pɔfoɛ mɔ dwirɛ, ná ɛ́mɔbɔ mbaeɛ bɛ́ma bɛ bɔ bɛtane ɛmɔ nye ɔ;

1 Samuel 24:20

Afei de, mese kyɛ ekoli hene amba, na Yisrael ahennie ne, wɔ sa nu yeɛ ye bo kotimu ɔ.