Anyandera 25:2 - AHYERƐLƐ KRONGRON

² Mvealeɛ nu dwirɛ te Nyameɛ ye animnyam, na ahemvo mɔ b’animnyam ole kyɛ bɛkɔfeefee edwirɛ nu ɔ.

Anyandera 25:2 Iomraidhean Croise

2 Samuel 1:5

Yeɛ Dawide bisale sɔ aberandeɛ bɔ ogu so ɔbɔ ye amaneɛ ne kyɛ, “Ɛyɛle sɛɛ yeɛ enwuni kyɛ Sɔɔlo ne ɔwa Yonatan bawu ɔ?”

2 Samuel 14:19

Yeɛ Nana Dawide bisale ye kyɛ, “Sɔ dwirɛ he, aso nna Yoabo yeɛ wapesa wawura wɔ ɔ?” Na braa ne buale kyɛ, “Nana, me mene, aha ato me deɛ ne aso. Bɔ aha ne te nahorɛ turoloo. Amba, wɔ somvoɛ Yoabo yeɛ ohyirele me kyɛ nyɔ sɔ ɔ. Ye yeɛ ɔfale edwirɛ he amukoraa tuale w’afaneɛ noa ɔ.

Ɛsra 4:15

amaa ɔnate so aneanea wɔ nana mɔ dwirɛ bɔ bahyerɛ bato berɛ ne anu. Na ekonwu ye wɔ edwirɛ bɔ bahyerɛ bato berɛ ne anu kyɛ, sɔ kuro ne ɔte ɛlɔenyɛlɛfoɛ kuro bɔ ɔmma ahemvo mɔ ne mbɔtam mɔ bɛ nwo ndɔ bɛ ɔ. Ofi tetetete yeɛ kuro berɛ ama bahɔ so bayɔ maen mbanyi nwo lɔen ɔ, na ɔnate sɔ ati yeɛ wɔ mbanyi mɔ bɛbɔle sɔ kuro ne ɔ.

Ɛsra 4:19

Yiti mahyɛ mmeraa maa baneanea edwirɛ bɔ bahyerɛ bato berɛ ne anu, na wala ali pefee kyɛ, ofi tetetete yeɛ sɔ kuro ne wahɔ so wayɛ lɔen watia ahemvo mɔ ɔ, na ɛlɔenyɛlɛ ne basabasayɔlɛ ɔmba kuro ne aso.

Ɛsra 5:17

Nana Dario, sɛ ɔngɔha wɔ a, maa bɛneanea ahemvie ngrataa bɔ bafa basie Babilɔn ne anu bɛnea, kyɛ, aso Nana Karose hyɛle mmeraa kyɛ besi Nyameɛ awuro bɔ ɔwɔ Yerusalem ne bieku anaa. Nana, bɔ w’adwene kyire wɔ wɔ edwirɛ he anwo ne, soma maa bɛɛhã behyire yɛ.”

Ɛsra 6:1

Afei Nana Dario hyɛle mmeraa maa bɛɛpenane sɔ ngrataa ne wɔ nekaa bɔ besie ngrataa wɔ Babilɔn ne.

YOB NWOMAA NE 29:16

Nyɛle bɛ bɔ bɛyɛ anwumvo ɔ bɛ baba, na ngane bie mane ɛwɔfoɛ bɔ menze ye ɔ.

YOB NWOMAA NE 38:4

“Mmerɛ bɔ ndole aseɛ fapem ne, né ɛwɔ nisua? Sɛ ele ye nwo nimdeɛ a, ka kyire me.

YOB NWOMAA NE 40:2

“Sona bɔ ɔbɔ Tuminiɛ ne somoɛ ne, aso sɔ sona ne ɔne ye bɛkɔbɔ nguro anaa? Sona bɔ ɔne Nyameɛ besu aporowaa ne, ɔsɛ kyɛ ɔye Nyameɛ noa.”

YOB NWOMAA NE 42:3

(Ebisale kyɛ,) ‘Sona bɔ nimdeɛ abɔ ye beni ɛne, bɔ obu me nhyehyɛleɛ animtia ye?’ Yiti nahorɛ nu, mahã edwirɛ bɔ né mende ye bo ɔ, edwirɛ anwanwasoɛ bɔ ɔbo me so, bɔ né menze ɔ.

Anyandera 25:27

Woɛtafelɛ pee ɔtte mayee, na sɔ ala yeɛ sɛ ɛpena animnyam ma wɔ nwo a ɔtte mayee ɔ.

Anyandera 25:3

Kyɛbɔ nyameɛso si wale kɔ anwuro, ná aseɛ bo dɔ kɔ kuronn ne, sɔ ala yeɛ sɛ ɛfeefee bɔ ɔwɔ ahemvo mɔ ti anu a ɔnyɛ yee ɔ.

Nworɛ Dwirɛhanɛniɛ 1:13

Mva nziele me nye so kyɛ, nikyee biala bɔ bɛyɔ ye wɔ ewiase ne, mefa nworɛ mepɛnzɛpɛnzɛ nu mete ye bo. Ɔte adwuma serɛ paa bɔ ye yɔlɛ nyɛ fɛ, bɔ Nyameɛ afa ato adasa so kyɛ bɛyere bɛ nwo bɛyɔ ɔ.

Deuteronomi 29:28

AWURADE fɛle yaa. Ole ɛyaa piri ne ɛyaa hahii yeɛ otuli bɛ fili b’aseɛ so ɔ, na waagyi bɛ wagua aseɛ foforɛ so, kyɛbɔ kekesaala ye ɔte ye.’

Deuteronomi 29:29

“Mvealeɛ nu dwirɛ te AWURADE yɛ Nyameɛ deɛ, nakoso edwirɛ bɔ wala ye ali ne de, ɔte yɛ ne yɛ mma mɔ deɛ afebɔɔ, amaa ɔnate so yali mmeraa he anu dwirɛ amukoraati so.