Anyandera 25:18 - AHYERƐLƐ KRONGRON

¹⁸ Sona bɔ okoli oliɛngo nwo adanzewia ne, ɔte kyɛ koɛ abopura, ngrandɛ ne agyaen nnaennaen.

Anyandera 25:18 Iomraidhean Croise

Edwein 140:3

Basi bɛ gye nnaennaen kyɛ ewoo deɛ, na ɛbɔnaa borɔ yeɛ ɔwɔ bɛ noa nu ɔ. Sela

Edwein 52:2

Wɔ noa kekã musue dwirɛ, wɔ temverema te kyɛ dɛmaa nnaennaen.

Edwein 55:21

ye noa dwirɛ te menemene tra woɛ, nakoso koɛ nwo adwene yeɛ ɔwɔ ye ti anu ɔ; ye noa nu dwirɛ te bɛtɛɛ kyɛ aloko, nakoso edwirɛ ne te ngrandɛ bɔ bahwe ɔ.

Edwein 57:4

Gyata mɔ yeɛ me kra la b’afia ɔ. Bɛ gye te pealɛɛ ne agyaen, bɛ temverema te ngrandɛ nnaennaen.

Ɛksadɔso 20:16

“Nnɛdi adanzewia tia ebiɛngo.

Anyandera 12:18

Edwudwolɛ fumfum kora pura sona kyɛ ngrandɛ, nakoso nworɛniɛ ye noa dwirɛ de, ɔsa anwonyerɛ.

Anyandera 24:28

Nnɛdi adanzewia tia ebiɛngo, yeɛ nnɛfa wɔ noa kekã nnakannaka dwirɛ.

Anyandera 25:17

Nnɛyɛ eliɛngo awuro drɛdrɛ, anyɔ a, wɔ nwo kɔfone ye maa ɔkɔpɔ wɔ.

Yeremia 9:3

Bɛkondo bɛ temverema kyɛ agyaen bɛpɛ anoanu; nna nahorɛ ɔ, na mmom ngondombopɛlɛ yeɛ wamaa batindim wɔ aseɛ ye aso ɔ, ofikyɛ bɛyɔ bɔne bɛfoa bɔne so, na bɛnze me, AWURADE noa dwirɛ ɛne.

Yeremia 9:8

Bɛ temverema te kyɛ agyaen bɔ odi awue ɔ; ɔkã ngondombo dwirɛ. Bɛkekã asomdwee dwirɛ bekyirekyire bɛ mmango mɔ, nakoso bɛ ti anu de, bɛbɔ porɛ kyɛ bɛkɔtetɛ bɛ ɔ.

Yakobo 3:6

Temverema koso te see. Temverema te ewiase bɔ ɔndengyɛ bɔ wafra y’akwaa mɔ nu ɔ; ɔbɔ musue maa ɔkã nipadua ne amukoraa, ɔfa see to mmenia asetena nu, na abɔnzam see nu yeɛ onya ye see ne fi ɔ.