Anyandera 25:12 - AHYERƐLƐ KRONGRON

¹² Sɛ nworɛniɛ tu wɔ foɛ ná ɛfa a, ɔte kyɛ sikaa kɔkorɛ asomade ne agudeɛ.

Anyandera 25:12 Iomraidhean Croise

2 Samuel 1:24

“O Yisrael mmrasua, ɛ́mɔsu Sɔɔlo! Ye yeɛ ɔmane ɛmɔ kende kɔkorɛ nyemenenyemene maa ɛmɔherale ɔ, bɔ ɔfale sikaa kɔkorɛ mbembenanneɛ maa ɛmɔsiesiele ɛmɔ nwo ɔ.

YOB NWOMAA NE 28:17

Esikaa kɔkorɛ ne neanu, bɛ ne ye nzɛ, yeɛ ɛngɔhora ngɔfa sikaa kɔkorɛ mbembenanneɛ ngɔsesa ye.

YOB NWOMAA NE 42:11

Afei Yob aliɛma mmienzua mukoraa ne oliɛma mmrasua mukoraa ne ebiala bɔ né ɔse Yob daa ne, bɛwale ye berɛ, na bɛ ne ye didili wɔ ye awuro. Bɛdodole ye, na bɛkyekyele ye wora wɔ amaneɛ amukoraa bɔ AWURADE maa ɔtole ye ne anwo. Bɛ nu biala mane ye sikaa ne sikaa kɔkorɛ kaa ko.

Edwein 141:5

Ma teneneeniɛ ɔbo me, ná ohwi me nyunu wɔ ɔdɔ nu. Nnɛmaa bɔnefoɛ bɛfa bɛ ngoo bɛpopa me ti so, ofikyɛ mebɔ mbaeɛ daa metia b’amumuyɛɛ ne.

Ɛksadɔso 32:2

Na Aarɔn buale bɛ kyɛ, “Ɛ́mɔyeye sikaa kɔkorɛ asomade bɔ owurawura ɛmɔ aye mɔ, ɛmɔ mma mmienzua ne mmrasua mɔ, ná ɛ́mɔfa bɛ́brɛ me.”

Ɛksadɔso 35:22

Yiti mmienzua ne mmrasua mukoraati, bɔ né bekuro kyɛ bɛboka ne, bɛfale sikaa kɔkorɛ mbembenanneɛ amukoraa bɛwale: asomade, mbɛteaa, nzɔanoɛ mbɛteaa ne akomuade. Na bɛ mukoraa bɛfale sikaa kɔkorɛ ahoroɔ ayɛyelɛ nningyein bɛbrɛle AWURADE.

Anyandera 15:5

Kwaseaa mva ye baba foɛtulɛ nyɛ huu, nakoso sona bɔ betwi ye nyunu a otie ne, ɔte badwemma.

Anyandera 20:12

Asoɛ bɔ ɔte dwirɛ, yeɛ anyeɛ bɔ onwu nikye, AWURADE yeɛ ɔyɔle bɛ munyɔ ɔ.

Anyandera 9:8

Nnɛtwi ngorohoɛniɛ nyunu, ná wambɔ wɔ; sɛ etwi nworɛniɛ nyunu a, okohuro wɔ dwirɛ.

Nworɛ Dwirɛhanɛniɛ 7:5

Nworɛniɛ twi wɔ nyunu a, ɔte paa kyɛ ekotie tra kyɛ ekotie ngwaseafoɛ edweintolɛ ɔ.

Hesekiel 16:12

Mvale kaa nwurale wɔ bonyi anu, mvale asomade koso nwurale wɔ, na mvale abotire nyemenenyemene mmɔle wɔ.

Mateo 12:35

Sona paa fi nningyein paa bɔ waboaboa ye noa wɔ ye ahone nu ɔ nu yeɛ ɔda nningyein paa ali ɔ; yeɛ sona bɔnefoɛ fi bɔne nningyein bɔ waboaboa ye noa wɔ ye ahone nu ɔ nu yeɛ ɔda bɔne nningyein ali ɔ.