Anyandera 24:24 - AHYERƐLƐ KRONGRON

²⁴ Ebiala bɔ okose bɔnefoɛ kyɛ, “Edi be” nen, mmenia kɔnoma ye, na maen maen kohyi ye.

Anyandera 24:24 Iomraidhean Croise

Anyandera 11:26

Sona bɔ ɔndɔne ye aburoo wɔ mmerɛ bɔ mmenia hia ne, mmenia paye ye, nakoso bɔ ɔtɔne ye deɛ ne de, onya saleɛ.

Anyandera 17:15

Ebiala bɔ obua bɔnefoɛ be, ɔne ebiala bɔ obua teneneeniɛ fɔ ne, AWURADE kyi bɛ munyɔ kɔkɔkɔkɔ.

Anyandera 28:27

Sona bɔ ɔkyɛ ehiafoɛ nikyee ne, nikye fee nwo ngohia ye, nakoso bɔ okobu ye nye kogua bɛ mmokalɛ so ne de, amoenwaa pee kɔwa ye so.

Anyandera 30:10

Nnɛkã akoaa nwo dwirɛ tɛɛ kyire ye mene, ɛyɔ sɔ a, ɔkɔwa wɔ amoen, na ekoli fɔ.

Yesaya 5:20

Bɛ yaakɔ! Bɛ bɔ bɛkã kyɛ bɔne te paa, ɔne kyɛ paa te bɔne ɔ; bɛ bɔ bɛfa awosii bɛyɛ kanea, ná bafa kanea bayɛ awosii ɔ; bɛ bɔ bɛnwa nikyee weewee te menemene, ná nikyee menemene koso yɛ wee ɔ!

Yesaya 5:23

Bɛ yaakɔ! Bɛ bɔ bede fea-ase-ma bebua sona bɔ odi fɔ be ɔ, ɔne bɛ bɔ bebua sona bɔ odi be ndɛengyea ɔ!

Yesaya 66:24

“Na bekofite bɛkɔɔnea mmenia bɔ bayɛ me nwo lɔen nemɔ bɛ fuin, ofikyɛ bɛ nnɔboakoma nemɔ ngowu, bɛ see ne ngonua, na bɛkɔyɛ akyiwadeɛ bɛkɔma anwoɔnaen amukoraa.”

Hesekiel 13:22

Ɛmɔafa ɛmɔ nnakannaka ne bama teneneefoɛ bɛ wora abɔ, ɔwɔ nu kyɛ me de mmvale aworabɔlɛ nndole bɛ so. Ɛmɔsi bɔnefoɛ adua, kyɛbɔ ɔkɔyɛ bɔ ɔngɔhwe ye nwo ngofi ye bɔne atee so ngonya ngoa ɔ.