Anyandera 24:23 - AHYERƐLƐ KRONGRON

²³ Nworɛniɛ ne, ɛhemɔ koso te ye noa dwirɛ: Ɔtte mayee kyɛ ekobua ndɛengyea ɔ.

Anyandera 24:23 Iomraidhean Croise

2 Aberɛso Dwirɛ 19:7

Afei, ɛ́mɔsuro AWURADE na ɛ́mɔbua ndɛen turoloo, ofikyɛ AWURADE yɛ Nyameɛ onguro ndɛengyea, mmenia nu nyeyemuɛ anaa fea-ase-ma lelɛ.”

YOB NWOMAA NE 13:8

Aso ɛmɔgyi Nyameɛ si anaa, anaakyɛ ɛmɔka bie bɛma ye?

Edwein 107:43

Ebiala bɔ ɔse nworɛ ne, odi kyɛ ɔdwene sɔ edwirɛ hemɔ anwo, odi kyɛ ɔdwene AWURADE ɔdɔ bɔ onni ngasi ne anwo yee.

Anyandera 1:6

amaa ɔnate so bate anyandera ne nworɛ dwirɛ bo, nworɛfoɛ dwirɛ ne b’anyandera bo.

Anyandera 18:5

Ɔtte mayee kyɛ ɛkɔma bɔnefoɛ koli be, ná ekobua teneneeniɛ ndɛengyea ɔ.

Anyandera 22:17

Yɛ asoɛ tie nworɛfoɛ noa dwirɛ, ma w’adwene hɔ me nimdeɛ ne aso,

Anyandera 28:21

Mmenia nu nyeyemuɛ ɔtte mayee, nakoso aleɛ kaaba bie po ɔkora ma sona yɔ bɔne.

Hosea 14:9

Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.

Lewitikɔso 19:15

“Nnɛma ɛmɔbua ndɛengyea. Nnɛkã kyɛ ebie te ehianiɛ yiti ebua ye be, yeɛ nnɛkã kyɛ ebie te sona titire yiti ɛkɔ so tu ye dwirɛ hyɛ kyẽa, na mmom bua ebiɛngo ndɛen turoloo.

Yohane 7:24

Nnɛma ɛmɔnea sona nyunu bebua ye ndɛen, na mmom ɛ́mɔbua ndɛen bɔ ɔtengyɛ ɔ!”

Deuteronomi 1:17

Nnɛma ɛmɔbua ndɛengyea, na mmom ɛ́mɔyɛ asoɛ bétie kwahweabaa mɔ dwirɛ kyɛbɔ ɛmɔtie atitirefoɛ ne ala. Nnɛma ɛmɔsuro sona nyunu, ofikyɛ ndɛenbualɛ ne te Nyameɛ deɛ. Na edwirɛ biala bɔ ɔbo ɛmɔ so ne, ɛ́mɔfa bɛbra me gya so, na ngoli.’

Deuteronomi 16:19

Nnɛbua ndɛengyea, nnɛsisi ebie wɔ ndɛenbualɛ nu, yeɛ nnɛde fea-ase-ma, ofikyɛ fea-ase-ma ma nworɛniɛ bu ye nye gua ndɛen turoloo so, na ɔmaa mmenia bua bɛ bɔ bedi be ɔ ndɛengyea.

Yakobo 3:17

Nakoso nworɛ bɔ ofi anwuro ne de, bɔ oli moa ɔ, ye nwo te, okuro asomdwee, ye nwo dwo, ye so yɛ mmerɛ, anwumvoinnwunɛ ne bra paa ayi ye tɛkyɛ, na nyeyemuɛ anaa nyaatwom nne nu.

1 Petro 1:17

Na sɛ ɛmɔfrɛ bɔ ɔnnea sona nyunu yeɛ obua ndɛen kyɛbɔ ebiala nnwumaa te ɔ kyɛ Baba a, ye de ɔsɛ kyɛ ɛmɔfa esuronyi bɛbɔ ɛmɔ bra wɔ mmerɛ bɔ ɛmɔaayɛ amanvrafoɛ ɔ.