Anyandera 24:21 - AHYERƐLƐ KRONGRON

²¹ Mma, suro AWURADE ne ɛhene ne, na nnɛfa wɔ nwo bɔ mmenia bɔ bɛyɛ lɔen ne,

Anyandera 24:21 Iomraidhean Croise

2 Samuel 18:8

Koɛ ne trɛ hɔle porɛ ne anu amukoraa. Na mmenia bɔ bewuwuli ɛhɔayeɛ ne anu sɔ kyẽa nen, bɛsone bɛtra bɛ bɔ bɛtotɔle ngrandɛ noa ɔ.

1 Ahemvo 1:49

Yeɛ mmenia amukoraa bɔ Adoniya tole ye sa frɛle bɛ ne, ahunundetelɛ tɔle bɛ so, na ebiala fale ye atee nwati hɔle.

1 Ahemvo 12:16

Yisrael amukoraa nwuni kyɛ Nana Rehoboam wanne bɛ dwirɛ ne wando nu, na besele ye kyɛ, “Kyɛfa beni yeɛ yɛle ye wɔ Dawide nu ɔ? Yɛlle agyapadeɛ biala wɔ Yese awa ne anu. Yisrael ee, ebiala ɔhɔ ye awuro oo! Dawide bosoniɛ, koli wɔ mmenia so hene.” Yiti Yisraelfoɛ besili nu bɛhɔle b’awuro.

Ɛksadɔso 14:31

Yisraelfoɛ nwuni tumi piri bɔ AWURADE fa ho tiale Misraimfoɛ ne. Yiti Yisraelfoɛ surole AWURADE, na belele AWURADE ne ye somvoɛ Mose belili.

Anyandera 17:11

Bɔnefoɛ mbena hwee te kyɛ ɛlɔenyɛlɛ, yiti bɛkɔsoma ɛbɔfoɛ atianuserɛniɛ maa ɔkɔhɔ ye so.

Anyandera 23:17

Nnɛma wɔ nye boro bɔnefoɛ, na mmom suro AWURADE daa biala.

Mateo 22:21

Bebuale ye kyɛ, “Kaesare deɛ ɔ!” Yeɛ osele bɛ kyɛ, “Nzaade ɛ́mɔfa Kaesare deɛ bɛ́ma Kaesare, ná ɛ́mɔfa Nyameɛ deɛ bɛ́ma Nyameɛ.”

Tito 3:1

Kaye bɛ ma bɛbrɛ bɛ nwo ase bɛma maen mbanyi ne bɛ bɔ tumi wura bɛ sa ɔ, kyɛ bɛyɛ sotie, ná bésiesie bɛ nwo bɛ́ma nnwumaa paa biala;

1 Samuel 24:6

Na osele ye mmenia nemɔ kyɛ, “AWURADE pa gua kyɛ ngɔyɔ sɔ nikyee ne ngotia me mene bɔ AWURADE apopa ye ngoo ɔ, kyɛ ngɔfa me sa ngɔhã ye ɔ, ofikyɛ AWURADE apopa ye ngoo.”