Anyandera 24:16 - AHYERƐLƐ KRONGRON

¹⁶ ofikyɛ, teneneeniɛ kɔhora kofĩ ase pɛen nzoo, nakoso osa dwɔso, nakoso bɔnefoɛ de, musue to ye ma ye ayieleɛ yie ye.

Anyandera 24:16 Iomraidhean Croise

Gyenesise 19:35

Yiti sɔ kɔngɔen ne koso bɛmane bɛ se nzaa ma ɔnone; na kaaba ne dwɔsole ɔne ye bɛɛlale. Nakoso wannwu ɔwa ne nnaa nu ne ye dwɔsolɛ nu.

Ɛseta 7:10

Yiti bakaa bɔ Haman fa penane berɛ kyɛ bɛbaabɔ Modekae kɔme wɔ so ne, so yeɛ bɛbɔle Haman kɔme ɔ. Na afei Nana Ahasuro ahone tɔle nzue nu.

YOB NWOMAA NE 5:19

Ɔkɔye wɔ kofi amaneɛ sɔ alaa nzia nu, yoo, na bɔ ɔtɔ so nzoo ne anu, edwirɛ biala ngɔto wɔ.

Edwein 34:19

Teneneeniɛ amaneɛ ɔsone, nakoso AWURADE pepɛ de ye fi ye mukoraa nu.

Edwein 34:21

Bɔne kohũ amumuyɛɛfoɛ, na bɛ bɔ bɛpɔ teneneefoɛ ne, ongoyie bɛ yé.

Edwein 37:24

Sɛ ɔtɔ ase po a, ɔngɔtɔ ase tim, ofikyɛ AWURADE tira ye sa.

Edwein 52:5

Nakoso Nyameɛ kobubu wɔ kogua berɛ afebɔɔ; ɔkɔpra wɔ boso kɔhwe wɔ kofi wɔ tena sua nu; okotu wɔ bo kofi teasefoɛ aseɛ so. Sela

Edwein 7:16

Ye musue bɔ ye bɔbɔ ye ti so, na basabasa bɔ wahyehyɛ ne, odwiri gua ye bɔbɔ ye ti so.

Edwein 79:12

Ao AWURADE, ngorohoɛ bɔ maen maen bɔ bapɛ yɛ nwo bayia bɛgoro wɔ nwo ne, tua bɛ so kerɛ pɛen nzoo.

Anyandera 13:17

Somafoɛ tɛɛ twetwe amaneɛ ba, nakoso ɛbɔfoɛ nahorɛniɛ de, ɔma mmenia nwo sande bɛ.

Anyandera 13:21

Musue foa bɔnefoɛ, nakoso teneneefoɛ de, saleɛ te b’akatuaa.

Anyandera 14:32

Bɔnefoɛ ye bɔne yeɛ ɔbrɛ ye ase ɔ, nakoso teneneeniɛ de, ole anyelasoɛ wɔ ye wue nu.

Anyandera 24:22

ofikyɛ amaneɛ kɔto bɛ mvum nu, na nwa yeɛ ɔse asohwenɛ bɔ ofi bɛ munyɔ bɛ berɛ kɔwa ne ɔ?

Anyandera 6:15

Yiti musue kɔto sɔ sona ne mvum nu, na ɔkɔto ye mvum nu bɔ ongonya ye sɔbea ɔ.

Yeremia 18:17

Ngɔyɛ kyɛ eyia afiteleɛ mvrama ngɔbɔ bɛ ngɔsande wɔ pɔfoɛ ne nyunu.” B’amaneɛnwunɛ kyẽa ne ngɔfa me si yeɛ ngɔma bɛ ɔ, na nna me nyunu ɔ.

Yeremia 8:4

“Kã kyire bɛ kyɛ, Bɔ AWURADE kã ɛhe: Sɛ mmenia befi ase a, benza bendwɔso ko anaa? Sɛ sona di makyebu a, aso onza ye si anaa?

Hesekiel 7:5

“AWURADE Nyameɛ nwa nyoo: Musue! Nea, musue yeɛ ɔ́ba ne!

Amose 5:2

“Ababunu Yisrael wafi ase bɔ ongodwɔso ko ɔ; bapo ye wɔ ye aseɛ so, bɔ ebiala nne berɛ bɔ ɔkɔma ye so ɔ.”

Amose 8:14

Bɛ bɔ bɛfa Samaria mmosoen bɛteta ndaen bɛkã kyɛ, ‘Ao Dan, kyɛ wɔ nyameɛ te ase ye e’, yeɛ ‘Kyɛ Beɛ Seba atee te ase ye’ ne, bekofifi ase bɔ bengodwɔso ko ɔ.”

Numeri 32:23

Nakoso sɛ ɛmɔanyɔ sɔ a, ye de ɛmɔayɔ bɔne batia AWURADE, na ɛ́mɔkaye kyɛ ɛmɔ bɔne nwo asohwenɛ kɔwa ɛmɔ so.

Asomafoɛ 12:23

Na aworafire nu, Awurade abɔfo ɔɔbɔle ye tole ase, ofikyɛ wamva animnyam wamma Nyameɛ; ɔlɔle nnɔboakoma na owuli.

1 Tɛsalonikafoɛ 5:3

Na mmerɛ bɔ mmenia kɔhã kyɛ, “Yɛle asomdwee ne anwotɔ” nen, yeɛ ewue kɔto bɛ mvum nu kyɛ koɛhalɛ bɔ ɔka brasua bɔ wafo aworɛ so ɔ, na bengonya bɛ ti bengodidi nu.

1 Samuel 26:10

Yeɛ Dawide toale so sele kyɛ, “Kyɛ AWURADE te ase ye, AWURADE yeɛ okohu ye ɔ. Sɛ wanwu ye Ɛdangama wue a, bekohu ye wɔ koɛ nu.

1 Samuel 31:4

Na Sɔɔlo sele ye somvoɛ bɔ otira ye akodeɛ ne kyɛ, “Twe wɔ ngrandɛ ne fa wɔ me. Anyɔ a, mmenia hemɔ bɔ bɛmbɛ bɛ bienzua ye, bɛkɔɔfa bie bɛkɔwɔ me ná bagoro me nwo.” Nakoso ye somvoɛ bɔ otira ye akodeɛ ne ambene so kyɛ ɔkɔyɔ sɔ ɔ, ofikyɛ ɛserɛ piri hane ye. Yiti Sɔɔlo fale ye bɔbɔ ye ngrandɛ ne, na ɔtole ye nwo yele so huni ye nwo.