Anyandera 23:35 - AHYERƐLƐ KRONGRON

³⁵ Na ɛkɔhã kyɛ, “Bafa nikyee babɔ me, nakoso mambura, babo me, nakoso ɔnyɛ me yea. Mmerɛ beni yeɛ me nye so kɔtete me maa ngɔɔpena nzaa bieku ngɔno ɔ?”

Anyandera 23:35 Iomraidhean Croise

Anyandera 23:34

Wɔ nye so kɔyɛ wɔ kyɛ ebie bɔ ɔla ɛpo afia ɔ, okohyini wɔ kyɛ ebie bɔ waala ɛlɛen noa ɔ.

Anyandera 26:11

Kyɛbɔ kyea fe a osa kodi ne, sɔ ala yeɛ kwaseaa osa kɔyɔ ngwaseade ɔ.

Anyandera 27:22

Sɛ ɛfa dwɔmaa si kwaseaa ɛfra aburoo wɔ duwaa nu po a, ye gyiminɛ ne ngofi ye nu ngotu.

Yesaya 22:13

Nakoso nea: anwosɛpɛlɛ ne anigye, nandwie ne mmoaen hunɛ, naenlilɛ ne nzaanonɛ. (Na ɛmɔnwa) “Ɛ́mɔma yɛdidi ná yɛno, ofikyɛ ɛhema né yawu.”

Yesaya 56:12

“Bɛkã kyɛ, ‘Ɛmɔbra, mekwaafa nzaa meba, ɛ́mɔma yɛ́no nzaa serɛ yɛ́bo, na ɛhema koso ɔkɔyɛ kyɛ ɛnɛ ala, na ɔkɔtra so po!’ ”

Yeremia 31:18

Amba, mate kyɛ Efraim ɔ́bɔ abubue kyɛ, ‘Ahwe me so, na manya asohwenɛ, kyɛ nandwie ba bɔ bennya bɛffale kɔnnua bɛttole ye kɔme ɔ. Maa nza mmra, na ngosa ngɔwa, ofikyɛ wɔ yeɛ ɛte AWURADE me Nyameɛ ɔ.

Yeremia 5:3

Ao AWURADE, aso nna nahorɛ yeɛ wɔ nye pena kyɛ onwu ye ɔ? Ahwe bɛ so, nakoso wanyɛ bɛ yea; ahũhũ bɛ, nakoso bamva ɛhe bandu bɛ nwo foɛ, bɛ nyunu porɛ bɔ babɔ ɔ, ɔtra nyɔboɛ, na bayɛ b’adwene kyɛ bɛngɔsakyera.

Ɛfesofoɛ 4:19

Bɛnze nyanzoen ko, bama ahohwibra ali bɛ ti, na bɛbɔ bra fiɛ bɔ nikye fee nzi bɛ ate ɔ.

Deuteronomi 29:19

Na ebiala bɔ ɔkɔte apam ndaen he anu dwirɛ, ná ɔkɔdwene saleɛ kɔma ye nwo kyɛ, ‘Ɔwɔ nu kyɛ meyɛ asoserɛ de, nakoso ngonya asomdwee’ nen, (sɔ nikyee ne ma sona bɔ ɔtengyɛ ne bɔnefoɛ bewu bɛbɔ nu),

2 Petro 2:22

Bɔ wato bɛ ne, ɔte kyɛbɔ nohorɛ anyandera ne kã ne, kyɛ: “Kyea fe a, osa kodi,” yeɛ “Ebia prako a, osa kɔbo ye asaa bɔ ɔla nu ne.”