Anyandera 23:29 - AHYERƐLƐ KRONGRON

²⁹ Nwa yeɛ edwirɛ ato ye ɔ? Nwa yeɛ ye wora ɔbɔ ɔ? Nwa yeɛ okuro ngondiihonɛ? Nwa yeɛ okuro aporowaasulɛ ɔ? Nwa yeɛ wapurapura mbaen ɔ? Nwa yeɛ ye nye mmaa ayɛ kɔɔ ɔ?

Anyandera 23:29 Iomraidhean Croise

Gyenesise 19:33

Yiti bɛmane bɛ se nzaa maa ɔnone sɔ kɔngɔen ne; na bamuɛbaa ne hɔle ɔne ɔse bɛɛlale. Nakoso wannwu ɔwa ne nnaa nu ne ye dwɔsolɛ nu.

Gyenesise 49:12

Ɔkɔno nzaa somaa biala bɔ okuro ɔ, ná nyɔfonesue ama ye gye ayɛ hyɛnn.

2 Samuel 11:13

Dawide tole ye sa frɛle ye maa bedidili bɛnone, na Dawide maa ɔbole. Odwuli nɔsoa ne, Yuria angɔ ye awuro. Ɔne ye mene Dawide somvoɛ nemɔ yeɛ bɛlale ahemvie anoa nu berɛ ɔ.

2 Samuel 13:28

Né Absalom ali moa waha wahyire ye somvoɛ nemɔ kitii kyɛ, “Ɛ́mɔfa bɛ nye bɛ́sra Amnɔn, na sɛ ɛmɔnwu kyɛ nzaa ne abo ye, ná mekã mekyire ɛmɔ kyɛ, ‘Ɛ́mɔhu Amnɔn!’ a, ɛ́mɔhu ye. Nnɛma ɛmɔsuro. Me yeɛ mahyɛ ɛmɔ kyɛ ɛ́mɔyɔ sɔ ɔ. Ɛ́mɔsi ɛmɔ ahone bɛyɛ mmienzua.”

Anyandera 20:1

Nzaa te ngorohoɛniɛ, nzaa serɛ maa ekuro ngondii, na ebiala bɔ ɔkɔfa ye ti kowura nu ne, ɔnze nworɛ.

Anyandera 23:20

Nnɛne akɔnomnzafoɛ bɛbɔ afɛ, yeɛ nnɛne anoanufɛɛfoɛ bɛbɔ afɛ;

Anyandera 23:21

ofikyɛ akɔnomnzafoɛ ne adifuufoɛ bekoli hiaa, yeɛ ngosietɔlɛ ɔfa ndangurɛ kera sona.

Yesaya 5:11

Bɛ yaakɔ! Bɛ bɔ bɛpɛ aleɛ bedwɔso bekodi nzaa serɛ si, bɛ bɔ besiri pɛ bɛno nzaa toonn bɛbo ɔ!

Yesaya 5:22

Bɛ yaakɔ! Bɛ bɔ bale dumaa wɔ nzaanonɛ nu ɔ, ɔne bɛ bɔ bɛbɔ mmɔden wɔ nzaa serɛ frafralɛ nu ɔ.

Nahum 1:10

Mmerɛ bɔ batoatoa nu kyɛ mmowue, ná babobo kyɛ akɔnomnzafoɛ nen, ɔkɔyera bɛ kyɛ ɛserɛ worowaa.

Ɛfesofoɛ 5:18

Nnɛma ɛmɔbo nzaa, ofikyɛ ɔne basabasayɔlɛ yeɛ bɛnate ɔ; na mmom ɛ́mɔma Sunzum ne oyi ɛmɔ tɛkyɛ.