Anyandera 23:17 - AHYERƐLƐ KRONGRON

¹⁷ Nnɛma wɔ nye boro bɔnefoɛ, na mmom suro AWURADE daa biala.

Anyandera 23:17 Iomraidhean Croise

Edwein 111:10

AWURADE surolɛ te nworɛnwunɛ ye bohyɛlɛ; bɛ bɔ bɛyɔ sɔ ne, benya nimdeɛ paa. Odi kyɛ bɛye ye ayɛ afebɔɔ.

Anyandera 15:16

Kyɛ ekosuro AWURADE ná ekonya nikyee kaaba ne, ɔte paa tra anwonyadeɛ pee bɔ amaneɛ boka so ɔ.

Anyandera 24:1

Nnɛma wɔ nye boro bɔnefoɛ, yeɛ nnɛmaa ɔyɛ wɔ nyemene kyɛ ɛne bɛ kɔbɔ afɛ ɔ;

Anyandera 24:19

Nnɛha wɔ nwo wɔ bɔnefoɛ nwo, nnɛma wɔ nye boro amumuyɛɛfoɛ,

Anyandera 24:21

Mma, suro AWURADE ne ɛhene ne, na nnɛfa wɔ nwo bɔ mmenia bɔ bɛyɛ lɔen ne,

Anyandera 28:14

Sona bɔ mmerɛ biala osuro Nyameɛ ne, onya saleɛ, nakoso bɔ ye so yɛ se ne de, musue kɔto ye.

Anyandera 3:31

Nnɛma wɔ nye boro asisiefoɛ, yeɛ esaa bɔ bapɛ bato berɛ ne, nnɛfa nu biala so.

Nworɛ Dwirɛhanɛniɛ 5:6

Nnɛma wɔ noa diedie wɔ kɔ bɔne nu, yeɛ nnɛkã kyire bɔfoɛ ne kyɛ wɔ noa fone. Nzu ati yeɛ odi kyɛ Nyameɛ fɛ wɔ noa dwirɛ nwo yaa ná ɔsɛkye wɔ sa noa adwuma ɔ.

Nworɛ Dwirɛhanɛniɛ 5:7

Ɛkye laleɛ pee a, né wɔ dwudwolɛ mbaen mbaen asone pee, nakoso suro Nyameɛ.

Asomafoɛ 9:31

Yiti asɔre nemɔ bɔ bɛwɔ Yudea ne Galilea ne Samaria mukoraa benyane asomdwee, na benyini nyamesom nu. Na bɛnate Awurade surolɛ ne Sunzum Krongron aworakyekyerɛ nu bɛsone pee.

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

1 Petro 1:17

Na sɛ ɛmɔfrɛ bɔ ɔnnea sona nyunu yeɛ obua ndɛen kyɛbɔ ebiala nnwumaa te ɔ kyɛ Baba a, ye de ɔsɛ kyɛ ɛmɔfa esuronyi bɛbɔ ɛmɔ bra wɔ mmerɛ bɔ ɛmɔaayɛ amanvrafoɛ ɔ.