Anyandera 22:9 - AHYERƐLƐ KRONGRON

⁹ Sona bɔ ofia ye kunu ɔkyɛ nikyee ne, onya saleɛ, ofikyɛ ɔfa ye aleɛ ne bie ma ehiafoɛ.

Anyandera 22:9 Iomraidhean Croise

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Anyandera 11:17

Sona bɔ ɔyɛ paa ne, ɔyɛ paa ma ye kra, nakoso atianuserɛniɛ de, ɔyɛ ye bɔbɔ ye nwo.

Anyandera 11:25

Sona bɔ ɔtaa kyɛ nikyee ne, okonya ye nwo, yeɛ sona bɔ ɔboka ebiemɔ maa bɛyɛ yee ne, ye koso ɔkɔyɛ yee.

Anyandera 11:27

Sɛ ebie ɔpena paa si atee a, né ɔpena bɔ ɔsɔ anyeɛ ɔ, nakoso sɛ ebie di bɔne si a, bɔne to ye.

Anyandera 14:21

Bɔ obu ye mmango animtia ne, ɔte bɔne, nakoso bɔ ɔdo sona bɔ ɔyɛ anwumvo ne, onya saleɛ.

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Anyandera 21:13

Ebiala bɔ mmenia bɔ bɛyɛ anwumvo ɔ besu bɛfrɛ ye a otuatua ye so ne, ye koso osũ frɛ a, ebiala ngɔtɛ ye so.

Anyandera 28:24

Ebiala bɔ owua ɔse ne oni, ná ose kyɛ, “Ɛhe de, nna mmeraatolɛ ɔ” ahɔ ne, obiɛngo ole awerɔm awueniɛ.

Anyandera 28:27

Sona bɔ ɔkyɛ ehiafoɛ nikyee ne, nikye fee nwo ngohia ye, nakoso bɔ okobu ye nye kogua bɛ mmokalɛ so ne de, amoenwaa pee kɔwa ye so.

Anyandera 31:20

Ɔma ye sa sõ ehiafoɛ so, na ɔboka bɛ bɔ bɛyɛ anwumvo ɔ.

Yesaya 32:8

Nakoso sona bɔ odi mu ne de, ɔdwene nningyein bɔ bedi mu ɔ nwo, na bɔ ɔyɔ amukoraa te paa.

Mateo 20:15

Nikyee bɔ me bɔbɔ me deɛ ahɔ ne, asoɛ nnne ye nwo ate kyɛ mefa meyɔ bɔ mekuro anaa? Anaakyɛ, nde paa ti yeɛ wɔ nye aboro ye?’

Marko 7:22

anyeboroborolɛ, amumuyɛɛ, nnakannaka, ahohwibra, akɔnnɔ tɛɛ, musue dwirɛ, ahandaen ne ngwaseasɛm fi ba ɔ.

Luka 14:13

Yiti sɛ ɛto poen a, to wɔ sa frɛ ehiafoɛ, mmubuafoɛ, abafaen mɔ ne anyesiniwaafoɛ,

Asomafoɛ 20:35

Mahyire ɛmɔ wɔ nikyee biala nu kyɛ ɔsɛ kyɛ ɛmɔyɔ adwuma sɔa bɛfa bɛboka ehiafoɛ, ná ɛmɔma yɛkaye Awurade Yesu dwirɛ bɔ ɔhane ne. Ɔnwa: ‘Ɔte saleɛ pee kyɛ ɛkɔma tra kyɛ ekole ɔ.’ ”

Deuteronomi 28:56

Wɔ nu brasua bɔ odwo paa ná ɔkorɔkorɔ sona paa ne: bɔ odwo ná ɔkorɔkorɔ ne ati, bɔ onguro kyɛ ɔkɔye ye gya kogua ase ɔ, ye koso ɔkɔfa aleɛ kɔbɔ ye ahone nu biaa aheɛ, yeɛ ɔwa bienzua ne ɔwa brasua koso aheɛ.

Hebrifoɛ 13:16

Nnɛma ɛmɔbu ɛmɔ nye begua so kyɛ ɛmɔkɔyɔ paa ná ɛmɔkɔbokaboka bɛ nwo ɔ, ofikyɛ sɔ afɔleɛ nemɔ yeɛ ɔsɔ Nyameɛ nye ɔ.

Hebrifoɛ 6:10

Ofikyɛ Nyameɛ de, ɔtte asisie bɔ ɔkobu ye nye kogua ɛmɔ mmɔdenbɔlɛ, ɔne ɔdɔ bɔ ɔnate ye dumaa ti ɛmɔaye ye ali bahyire anwoteefoɛ, ná ɛmɔtɛyɔ ɔ.

1 Petro 4:9

Ɛ́mɔte ɛmɔ nyunu bɛso ɛmɔ nwo ɛmɔ nwo wɔfoɛ.