Anyandera 22:8 - AHYERƐLƐ KRONGRON

⁸ Sona bɔ odua amumuyɛɛ ne, ɔkɔpɛ musue, na ye ɛyaafɛlɛ mbire nu kobubu.

Anyandera 22:8 Iomraidhean Croise

YOB NWOMAA NE 4:8

Bɔ mese ole kyɛ, bɛ bɔ betutu amumuyɛɛ bɛtɛ, ná bedua amaneɛ ne, bɔ batɛ ne bɔ balua ne ala yeɛ bɛtete ɔ.

Edwein 125:3

Ahemvo bɔnefoɛ mɔ bɛ hɔtɔ ngɔhɔ so ngoli tumi wɔ aseɛ bɔ bafa bama teneneefoɛ ne aso, kyɛbɔ ɔkɔyɛ bɔ teneneefoɛ bɛngɔfa bɛ nwo bɛngɔfɔlefɔle amumuyɛɛ ɔ.

Anyandera 1:31

Yiti, bɛ yɔleɛ nwo akatuaa yeɛ bɛ sa kɔhã ye ɔ, na bɛ porɛ bɔ bɛbɔ ne, ɔkɔbɔ bɛ bɔbɔ bɛ ti so.

Anyandera 14:3

Kwaseaa noa dwirɛ te mbire bɔ ɔfa hoahoa ye nwo ɔ, nakoso nworɛfoɛ noa dwirɛ pepɛ de bɛ.

Yesaya 10:25

Ɔngɔhyɛ biala, ɛyaafɛlɛ ne bo kɔpɛ, na m’ahone kohu bɛ so kohũhũ bɛ.

Yesaya 10:5

Aa, Asiria, me yaafɛlɛ mbire, pɔmaa bɔ otira bɛ sa nu ne, ɔte m’ahonehulɛ piri!

Yesaya 14:29

Filistia amukoraa, nnɛdi ahurusi, kyɛ mbire bɔ ofini wɔ ne, nu abubu ɔ, ofikyɛ ewoo ne, ye ndii nu yeɛ ɛkyenebene kofi kɔwa ɔ, na ɔwa ne kɔyɛ see ewoo bɔ otu ɔ.

Yesaya 30:31

Na AWURADE komvi ne ati, Asiria nwo kɔwoso ye tɛtɛtɛtɛ, mmerɛ bɔ ɔkɔfa ye mbire ne kofi ye ne.

Yesaya 9:4

Ofikyɛ b’adesoa bɔ ɔso bɛ ne, bakaa bɔ ɔla bɛ kɔme anwo ne, yeɛ mmenia bɔ bɛhyɛ bɛ so nemɔ b’abopura ne, abubu nu kyɛ kyẽa bɔ elili Midian so ngonim ne.

Hosea 10:13

Ɛmɔafundam bɔne yɔleɛ, ɛmɔapɛ amumuyɛɛ; ɛmɔali ngondombo mmaa. Ofikyɛ ɛfale wɔ nwo tole w’anwoserɛ so, wɔ koɛhonɛfoɛ ahoneserɛfoɛ nemɔ bɛ somaa so.

Hosea 8:7

Ofikyɛ bedua mvrama, na mvrama bɔ ɔpɛ ye nwo ɔ yeɛ bɛkɔpɛ ɔ. Aburoo ne wambɛnzɛ, na ɔngɔfa mmaa. Sɛ ɔfa mmaa po a, ɛwɔfoɛ mɔ yeɛ bekoli ɔ.