Anyandera 22:6 - AHYERƐLƐ KRONGRON

⁶ Tete akwadaa ma onwu atee paa bɔ odi kyɛ ɔfa so ɔ, amaa sɛ onyi a wamvi so.

Anyandera 22:6 Iomraidhean Croise

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

Ɛfesofoɛ 6:4

Seɛ mɔ, nnɛma ɛmɔhu ɛmɔ mma mɔ b’ahone, na mmom ɛ́mɔtete bɛ wɔ Awurade ndeteyɛɛ ne foɛtulɛ nu.

Deuteronomi 11:19

Ɛ́mɔfa béhyirehyire ɛmɔ mma mɔ. Na sɛ ɛte w’awuro oo, ɛnate atee so oo, ɛkɔ nnaa nu oo, anaakyɛ edwɔso oo, di ye nwo ngɔmɔ.

Deuteronomi 4:9

“Nakoso ɛ́mɔnea yé, ɛ́mɔnea ɛmɔ nwo yé, ná ɛmɔ wora amvi nningyein bɔ ɛmɔ nye anwu ye ne, yeɛ nnɛmɔma ofi ɛmɔ ti anu le wɔ mmerɛ biala bɔ ɛmɔte ngoa nu ɔ. Ɛ́mɔfa béhyirehyire ɛmɔ mma ne ɛmɔ nnomaa;

Deuteronomi 6:7

Fa kyirekyire wɔ mma mɔ paa. Na sɛ ɛte w’awuro oo, ɛnate atee so oo, ɛda oo, anaakyɛ edwɔso oo, ɔsɛ kyɛ edi ye nwo ngɔmɔ.

2 Timoteo 3:15

ɔne kyɛbɔ ofi wɔ ngwadaa nu yeɛ anwu Ahyerɛlɛ Krongron ne kyɛ ɔkora maa enwu nworɛ bɔ ɔnate Yesu Kristo nu gyidie so ɔfa wɔ kɔ ngoalelɛ nu ɔ.

Maenbulɛfoɛ 13:12

Yeɛ Manoa bisale kyɛ, “Sɛ wɔ dwirɛ ne ba nu a, nzikyɛ nhyehyɛleɛ yeɛ ɔfa akwadaa ne anwo ɔ? Nzikyɛ yeɛ odi kyɛ ɔyɔ ɔ?

1 Samuel 1:28

Yiti me koso, mafa ye mahyɛ AWURADE. Na mmerɛ amukoraa bɔ ɔte ase ne, mafa ye mama AWURADE.” Na bɛsɔnene AWURADE wɔ berɛ.

1 Samuel 2:26

Abɛɛmaa Samuel hɔle so nyini, na ɔsɔle AWURADE ne kuro sona nye.