Anyandera 22:4 - AHYERƐLƐ KRONGRON

⁴ Anwobrɛaseɛ ne AWURADE surolɛ nwo akatuaa yeɛ ɔfa anwonya, animnyam ne ngoa ba ɔ.

Anyandera 22:4 Iomraidhean Croise

Anyandera 19:23

AWURADE surolɛ ma sona nya ngoa, enya ye a, ɛkɔtena asomdwee nu, na edwirɛ biala ngɔto wɔ.

Anyandera 21:20

Agudeɛ bɔ odi mu ne ngoo wɔ nworɛniɛ awuro, nakoso kwaseaa de, onya ye a ɔsɛkye ye.

Anyandera 21:21

Ebiala bɔ ɔfa tenenee bra ne paayɛlɛ osie ye nye so ne, okonya ngoa, tenenee ne animnyam.

Anyandera 22:3

Badwemma nwu musue bɔ ɔkɔwa ɔ, na ɔtwe ye nwo kɔfea, nakoso bɛ bɔ b’adwene te nganga de, bɛfa bɛ ti bekowura nu benwu amaneɛ.

Anyandera 22:5

Mmowue ne ngaen wɔ bɔnefoɛ atee so, na ebiala bɔ ye ngoa nwo hia ye ne, ɔtwe ye nwo fi bɛ nwo.

Anyandera 29:23

Sona ye anwomasoɛ brɛ ye ase, nakoso bɔ ɔte sunzum nu awiɛmvoɛ ne de, okonya animnyam.

Anyandera 3:16

Ngoa tendenn wɔ ye sa famaa nu, yeɛ anwonya ne animnyam wɔ ye sa bɛen nu.

Anyandera 31:30

Sokooyɛlɛ te nnakannaka, yeɛ anwonyemene te mbaen, nakoso brasua bɔ osuro AWURADE de, ɔfata kyɛ bɛye ye ayɛ.

Yesaya 33:6

Ɔkɔyɛ wɔ mmerɛ so nyinasoɛ pindinn, ɔte ngoalelɛ, nworɛ ne nimdeɛ mmorosoɛ, na AWURADE surolɛ yeɛ ɔte ye agyapadeɛ ɔ.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Daniel 4:36

Na sɔ mmerɛ ne ala, m’adwene sa yɛle paa, na kyɛbɔ ɔkɔyɛ bɔ m’ahennie ne konya animnyam ne ati, m’animnyam ne m’anwonyemene sa yɛle me deɛ. Me foɛtulɛfoɛ ne me mbanyi mɔ bɛɛpenane me boso, besa bɛfale me besiele m’ahennie bia so, na bɛfale tumi bɔ ɔtra daa deɛ ne ɔ bewurale me sa.

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

1 Timoteo 4:8

ofikyɛ anwoɔnaen nu mmɔdenbɔlɛ nwo le mvasoɛ kãa de, nakoso nyamesom paa nwo le mvasoɛ wɔ nikyee biala nu, na ole kekesaala ye ngoa ɔne ngoa bɔ ɔbaawa ne nwo bɔhyɛ.

Yakobo 4:10

Ɛ́mɔbrɛ ɛmɔ nwo ase wɔ Awurade nyunu, na ɔkɔma ɛmɔ so.

Yakobo 4:6

Nakoso adom bɔ ɔfa ma ne, ɔsone pee. Na ye sɔ ati yeɛ Ahyerɛlɛ ne kã kyɛ, “Nyameɛ nye sa anwomasoɛfoɛ, na ɔdo anwobrɛaseɛfoɛ.”