Anyandera 22:29 - AHYERƐLƐ KRONGRON

²⁹ Aso anwu sona bɔ ɔyɛ ye adwuma ferengyemm ɔ? Ahemvo mɔ yeɛ okonya atee kɔso bɛ ɔ, ɔngɔso kwahweabaa mɔ.

Anyandera 22:29 Iomraidhean Croise

Gyenesise 41:38

Yeɛ Faro bisale ye mbanyi nemɔ kyɛ, “Aso yɛkonya sona bɔ ɔte sɔa bɔ Nyameɛ Sunzum te ye nu ɔ?”

Gyenesise 41:46

Yosef hyɛle ye adwuma abo wɔ Misraim hene Faro ahemvie ne, né wali afoɛ aburasa. Na Yosef fili Faro awuro berɛ ɔɔpasale Misraim maen ne anu mukoraa.

Gyenesise 47:6

Misraim aseɛ ne wura wɔ sa, ma wɔ baba ne eliɛma mɔ bɛtena aseɛ ne nekaa bɔ ɔkye aleɛ paa ɔ. Maa bɛtena Gosen mbɔtam, na sɛ ɛse bɛ nu biemɔ bɔ bɛkɔhora a, maa bɛnea me nyɛmmoa deɛ mɔ bɛma me.”

2 Samuel 2:32

Na Yoabo ne koɛhonɛfoɛ nemɔ bɛɛfale Asahel besiele ye wɔ ye baba asieleɛ ne anu wɔ Betlehem. Bɛnatele kɔngɔen ne toonn, na beedwuli Hebron ne, né aleɛ ahye.

1 Ahemvo 10:8

Ɛye mɔ ato ali! Wɔ somvoɛ hemɔ bɔ daa bɛso wɔ ná betie wɔ nworɛ dwirɛ ne, bato bali!

1 Ahemvo 11:28

Né Yeroboam te anwoserɛniɛ paa. Na Solomon nwuni kyɛ sɔ aberandeɛ ne ɔbɔ ye nwo mmɔden ne, Yosef boso ama amukoraa bɔ bɛhyɛ bɛ maa bɛyɔ adwuma ne, ɔmaa ɔneane bɛ so.

1 Aberɛso Dwirɛ 4:23

Bɛ yeɛ bɛnwo ngukue ná bɛte Netaim ne Gedera ne. Né bɛte berɛ bɛyɔ adwuma bɛma (maen ne anu) hene.

Anyandera 10:4

Asaa bɔ ɔte foen ne, ɔne ehiaa yeɛ bɛnate ɔ, nakoso asaa bɔ okuro adwuma ne de, ɔmaa enya wɔ nwo.

Anyandera 12:24

Sona bɔ okuro adwuma ne, odi mmenia so panyi, nakoso ɛfoen sona de, bɛmaa ɔyɔ kanganiɛ adwuma.

Anyandera 23:1

Sɛ ɛne panyi bie bɛtena ase kyɛ ɛmɔdidi a, edidi a fa adwene to ye nwo paa;

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Daniel 1:19

Yeɛ Nana ne bɛ lili ngɔmɔ, na onwuni kyɛ ebiala nne berɛ bɔ ɔte kyɛ Daniel, Hanania, Misael ne Asaria wɔ bɛ mukoraa bɛ nu ɔ; yiti bɛmaa begyinane Nana nyunu bɛsole ye.

Daniel 1:4

mmerandeɛ bɔ bellili nnɛen ɔ, anwonyemenefoɛ bɔ bɛse nworɛ, bɔ nimdeɛ ali bɛ ti, bɔ bɛkɔhora bekosua nwomaa, bɔ bɛkɔhora bɛkɔyɔ ɛsolɛ adwuma wɔ Nana ahemvie ɔ, ná ohyirehyire bɛ Kaldeafoɛ dwudwolɛ ne ye hyerɛlɛ.

Mateo 25:21

Yeɛ ye mene ne sele ye kyɛ, ‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’

Mateo 25:23

Yeɛ ye mene ne sele ye kyɛ, ‘‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’

Romanfoɛ 12:11

Nnɛmɔma ɛmɔ mmɔdenbɔlɛ ɔkɔ ase, ɛ́mɔyɛ hye wɔ sunzum nu, ná ɛ́mɔso Awurade.

2 Timoteo 4:2

bɔ edwirɛ ne dawure, ná kɔ so yɔ, kyɛ mmerɛ paa nu oo, anaa mmerɛ tɛɛ nu oo. Maa mmenia benwu bɛ mvomsoɛ, twi bɛ nyunu, tu foɛ, wɔ ndoboaseɛ ne aboterɛ amukoraa nu.

1 Samuel 16:21

Na Dawide wale Sɔɔlo berɛ ɔɔyɛle ye somvoɛ. Sɔɔlo hurole Dawide dwirɛ paa, na ɔmane Dawide yɛle ye somvoɛ bɔ otira ye akodeɛ ɔ.

1 Samuel 17:31

Na bɛtele edwirɛ bɔ Dawide hane nen, bɛɛbɔle Sɔɔlo amaneɛ, na ɔmaa bɛɛfale Dawide bɛwale.