Anyandera 22:23 - AHYERƐLƐ KRONGRON

²³ ofikyɛ AWURADE koli bɛ dwirɛ kɔma bɛ, na bɛ bɔ besisi ehiafoɛ ne, okole bɛ kra kofi bɛ sa nu.

Anyandera 22:23 Iomraidhean Croise

Edwein 103:6

Bɛ bɔ ebiemɔ hyɛ bɛ so ne, AWURADE di bɛ mukoraa bɛ dwirɛ ma bɛ, na obua ndɛen turoloo ma bɛ.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 12:6

AWURADE bɔhyɛ te bɔhyɛ bɔ ye nwo te ɔ, ɔte kyɛ ɛdwetɛ bɔ bapɔ ye nwo wɔ ɛfaa afaa nu ɔ, bɔ bapɔ ye nwo pɛen nzoo ɔ.

Edwein 140:12

Mese kyɛ AWURADE di bɛ bɔ bɛyɛ anwumvo ɔ bɛ dwirɛ ma bɛ, na obua ndɛen turoloo ma ehiafoɛ.

Edwein 140:13

Amba, teneneefoɛ kɔla wɔ dumaa ase, na bɛ bɔ bɛ bra te sannwuu ne, bɛkɔtena wɔ nyunu.

Edwein 35:1

Ao AWURADE, tu wɔ nye sie bɛ bɔ betu bɛ nye besie me so ɔ nemɔ aso, na ko tia bɛ bɔ bɛko betia me ne!

Edwein 35:10

Me mmowue amukoraa kɔhã kyɛ, “Ao AWURADE, nwa yeɛ ɔte kyɛ wɔ ɔ? Wɔ bɔ ɛpepɛ de sona bɔ ɔyɛ anwumvo fi ebie bɔ ɔkora ye ɔ sa nu ɔ; wɔ bɔ ede sona bɔ ɔyɛ anwumvo ne ehianiɛ fi ebie bɔ osisi ye ɔ sa nu ɔ.”

Edwein 43:1

Ao Nyameɛ, bua me be, ná di me dwirɛ ma me fi amumuyɛɛ maen sa nu; pepɛ de me fi nnakannakafoɛ ne ndɛengyeafoɛ bɛ sa nu!

Edwein 68:5

Ayisiaafoɛ baba ne akunafoɛ neafoɛ, ye ole Nyameɛ bɔ ɔwɔ ye atenaleɛ krongron nu ne.

Ɛksadɔso 22:22

Nnɛma ɛmɔsisi kunaniɛ brasua, anaa awisianiɛ biala.

Ɛksadɔso 22:23

Sɛ ɛmɔsisi bɛ ná besu bɛfrɛ me a, ngotie bɛ suɛ ne paa;

Anyandera 21:7

Amumuyɛɛfoɛ bɛ nzɛmmɔne kɔpra bɛ bo kɔhɔ, ofikyɛ bɛpo kyɛ bɛkɔyɔ bɔ ɔtengyɛ ɔ.

Anyandera 23:11

ofikyɛ bɛ Defoɛ ne ɔte tuminiɛ, na okoli bɛ dwirɛ kɔma bɛ maa okotia wɔ.

Yesaya 33:1

Sɛkyefoɛ, wɔ yaakɔ, wɔ bɔ wɔ de, bɛssɛkyele wɔ ɔ; wɔ, nnakannakaniɛ, bɔ wɔ de ebiala ɔllakalakale wɔ ɔ! Sɛ enya yie ye sɛkyelɛ a, wɔ koso bɛkɔsɛkye wɔ, yeɛ sɛ eyie wɔ nnakannaka ne a, wɔ koso bɛkɔlakalaka wɔ.

Yeremia 30:16

Yiti bɛ bɔ bɛtete wɔ nu pasapasa ne amukoraa, bɛ koso ebiemɔ kɔtete bɛ nu pasapasa, na wɔ pɔfoɛ mɔ amukoraa, bɛ nu biala bɛkɔhye ye nnure bɛkɔhɔ; bɛ bɔ bɛfẽ wɔ nningyein ne, bɛ koso ebie mɔ kɔfẽ bɛ deɛ, na bɛ bɔ bɛbɔ wɔ so apaa ne, ngɔmaa ebiemɔ kɔbɔ bɛ mukoraa bɛ so apaa.

Yeremia 50:34

Nakoso bɛ Defoɛ ne nwo yɛ se; ye dumaa ole Asafo AWURADE. Okoli bɛ dwirɛ kɔma bɛ amba, amaa ɔnate so wama aseɛ ye ale ye nwome, ná wama basabasa ato Babilɔnfoɛ.

Yeremia 51:36

Yiti AWURADE nwa nyoo: “Tie, ngoli wɔ dwirɛ ngɔma wɔ, ná matɔ ye so wereɛ mama wɔ. Ngɔma ye ɛpo ne kɔwewe, ná mama ye asue mɔ bawewe.

Mika 7:9

AWURADE ahonehulɛ ne, mede meto nu, ofikyɛ mayɔ bɔne matia ye, kɔpem kyɛ okoli me dwirɛ kɔma me, ná okobua ndɛen turoloo kɔma me ɔ. Ɔkɔye me kofite kɔwa hyireinn nu, na ngonwu ye tenenee ne.

Habakuku 2:8

Ɔnate kyɛ afẽ maen maen pee afa ne ati, maen ngaa nemɔ amukoraa koso bɛkɔfẽ wɔ bɛkɔfa, ofikyɛ ahã mmenia mogya agua, yeɛ ayɛ nhyɛsoɛ wɔ aseɛ ne aso, kuro ne aso, ɔne nu ama amukoraa bɛ so.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

1 Samuel 24:12

Me ne wɔ yɛ munyɔ, AWURADE yeɛ okohyire bɔ odi fɔ ɔ! AWURADE yeɛ ɔkɔtɔ wɔ so wereɛ kɔma me ɔ. Nakoso me de, mengɔfa me sa ngɔhã wɔ.

1 Samuel 24:15

AWURADE te ndɛenbualɛniɛ, na yɛ nu ko bɔ odi fɔ ne, okobua ye fɔ. Mesrɛ kyɛ ɔneanea nu, oli me dwirɛ ma me, ná ole me fi wɔ sa nu.”

1 Samuel 25:39

Dawide tele kyɛ Nabal awu ne, ɔhane kyɛ, “AWURADE bɔ watɔ Nabal alapaa bɔ wabɔ me ne aso wereɛ, bɔ asa koso wamma ye akoaa anyɔ bɔne ne, animnyam hã ye. AWURADE ama Nabal bɔne abɔ ye bɔbɔ ye ti so.” Afei Dawide somane maa bɛɛhã behyirele Abigail kyɛ okogya ye.