Anyandera 22:17 - AHYERƐLƐ KRONGRON

¹⁷ Yɛ asoɛ tie nworɛfoɛ noa dwirɛ, ma w’adwene hɔ me nimdeɛ ne aso,

Anyandera 22:17 Iomraidhean Croise

Edwein 78:1

Ao me maen, ɛ́mɔtie me ngyerɛkyerɛ; ɛ́mɔyɛ asoɛ betie me noa dwirɛ!

Edwein 90:12

Yiti kyire yɛ maa yɛnwu kyɛbɔ yɛkosi yɛkɔha yɛ ngyẽa ɔ, amaa ɔnate so yafa nworɛ yabɔ yɛ bra.

Anyandera 1:3

kyɛ ɔkɔfa konya nworɛ dwirɛ nu ngyerɛkyerɛ, yeɛ tenenee, ndɛenbualɛ turoloo ne pɛpɛɛpɛyɛlɛ.

Anyandera 23:12

Ma w’adwene hɔ foɛtulɛ so, ná ma wɔ so bra nimdeɛ dwirɛ so.

Anyandera 24:23

Nworɛniɛ ne, ɛhemɔ koso te ye noa dwirɛ: Ɔtte mayee kyɛ ekobua ndɛengyea ɔ.

Anyandera 3:1

Mma, nnɛma wɔ wora fi me foɛtulɛ ne, na mmom fa me mmeraa dwirɛ nemɔ sie wɔ ti anu;

Nworɛ Dwirɛhanɛniɛ 12:11

Nworɛniɛ ye noa dwirɛ ɔte kyɛ nandwiehanɛniɛ ye pɔmaa noa buralɛ; yeɛ ye anyandera bɔ waboaboa ye noa ne koso, ɔte kyɛ mberɛgoo bɔ mmoaenneafoɛ komapɛ wafa wabɔ berɛ pindinn ɔ.

Nworɛ Dwirɛhanɛniɛ 7:25

Mvale m’adwene nziele so kyɛ ngonwu nworɛ, ɔne kyɛ ngɔfeefee nu ngɔpena nworɛ ne nningyein bɛ bo telɛ ɔ, ɔne kyɛ ngonwu amumuyɛɛ kyɛ ɔte ngwaseasɛm, ná ngonwu ngwaseasɛm kyɛ ɔte ɛlaenbɔlɛ ɔ.

Nworɛ Dwirɛhanɛniɛ 8:16

Yiti mva nziele me nye so kyɛ ngɔpena nworɛ si atee, ɔne kyɛ ngonwu ɛfɛɛ adwuma bɔ ɔkɔ so wɔ aseɛ so ɔ, kyɛbɔ sona onnya nnaa nna eyia ne kɔngɔen ne;

Nworɛ Dwirɛhanɛniɛ 8:9

Manwu ɛhemɔ amukoraa, na medwene nningyein amukoraa bɔ bɛyɔ ye wiase ne anwo: Mmerɛ bie wɔ berɛ a, sona fa ye tumi sisi obiɛngo maa ɔkakyi ye so amaneɛ.

Yesaya 55:3

Ɛ́mɔyɛ asoɛ bétie, ná ɛmɔbra me berɛ; ɛ́mɔtie, amaa ɔnate so ɛmɔ kra anya ngoa. Me ne ɛmɔ yɛkɔyɛ apam afebɔɔ, bɔ ɔte me ɔdɔ bɔ onni ngasi bɔ nne ye ma Dawide ne.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”